Read Guyeiti 41

Guyeiti41tod_pbt

Seeɓɛ nui, ti wɔinzeɠezu

¹Guye loo ɠundiɠii nɔnɔi ʋe. Davide ná-guyei.

²Undaanɛ nu ɠa ga naama nui, nii é daazu ma ga bala nui ná-fai!Maanɔɠɔ voloi, Ɠɔoɠɔ GALAGI unmɔɔ tɔ ɓalaa.³Ɠɔoɠɔ GALAGI ɠa makɛ, é zɛnvui wo,undaa ɠa nɛ ná-zooi zu,é la dɔa sili nuiti ziimai zu.⁴Ɠɔoɠɔ GALAGI ɠa yeeyɛ ba, a ɠɛna laani betei zu taɓai ba.Toɠa pilɛ kɔɠɔiti ga, siɛgi zu é zeeɓɛzu la.

⁵Gè ɠɛni ma: «Ee, Ɠɔoɠɔ GALAGI, màawɔinɠa!Kɛdɛyai ve bɛ̀, gè kotoi ɠɛa è laalɔɠɔma!»⁶Wɔ̀inzeɠe nuiti ta ɓɔɛzu dàalɔɠɔma ga ɲɔuɗa,ti ɗa ɠɛ ma: «Siɛgi ɓɛgele zu ɠa é zaazu la?Daaseigi ɠa za siɛgi ɓɛgele zu?»⁷Ni nui ta a ʋaana é wɛlɛ bà,toɠa kpɔɛ wafuungiti bosu,zii ɠa telebotala vaiti gaalɛɛzu ba,é ɠula, é li, é ɓɔɛ eteaʋɛ.⁸Niiti kpein ti wɔ̀inzeɠezu, ta ɓɔɛzu laa wu ɓɔɠɔ zaama ga ze,ti ɗa ɠisiɛ maanɔɠɔ vaiti su dàalɔɠɔma.⁹«Niima zeeɓɛi é sogai, faa ɲɔu wola ɠa!É laa betei ɠa, é la mɔ wuzeɠea eyɛsu pɛ!»¹⁰Anɛɛ bɔ̀ɔla ʋagɔi nii gè laani da,gi ɗa nà-daamianigi mi gá tɔ, naa wuzeɠea dàalɔɠɔma.

¹¹Kɛlɛ ɗɔun ɗa, ee, Ɠɔoɠɔ GALAGI, màawɔinɠa, è ʋa è bùzeɠe,nà naa ve ti ya, nii maanɛai ti sɔlɔɔ.¹²Wɛlɛ, nii gè kwɛɛgai la ga è wɔinʋɛ ga ze,toɠa ga sìli nui la zobo sɔlɔɔsu mà.¹³Ɗa makɛsu mà nà-sɔbalalai zu,ɗa màkɛ è ɠakalaʋɛ eyɛsu ɠɔ.

¹⁴Mamagi ɠa Ɠɔoɠɔ GALAGI ʋɛ,Izilayɛle ná-GALAGI, ɠɔoɠɔ!Amina! Amina!

Guyeiti 41 / tod_pbt

Seeɓɛ nui, ti wɔinzeɠezu

Guyeiti41tod_pbt