Read Guyeiti 3

Guyeiti3tod_pbt

Kizogi zeɠeʋɛ Ɠɔoɠɔ GALAGI ʋɔ

¹Davide ná-guyei, siɛgi zu é ɠɛni ʋelazu la ná-doun zunui Aɓasalɔme ʋa.

²Ee, Ɠɔoɠɔ GALAGI, sìli nuiti mɔinʋɛ gola!Ungo, sìli nuiti mɔinʋɛ gola, ti wuzeɠeai dàalɔɠɔma!³Nuiti mɔinʋɛ ti ɠɛɛzu ma nà-faa zu:«Ná-kpɔba nɔpɛ ge la mɔ zɔlɔɔga GALA zea!»Lo!

⁴Kɛlɛ ɗɔun ɗa, Ɠɔoɠɔ GALAGI, ɗa ɠa è bɛ̀ ga kɔɔɠɔ zɛpɛgi,ɗa ga mà zaalai, ɗa nɔ̀ungi wuzeɠezu.⁵Nà wooɠulazu Ɠɔoɠɔ GALAGI ma ga kpeei,toɠa yɛsu ná-gize ɲadegai ma, é gòoɠaaʋote.Lo!

⁶Gè la, gè ɲi,gè wuzeɠe, mazɔlɔɔ Ɠɔoɠɔ GALAGI ɠa màkɛsu.⁷Gè la lua nu waa mɔinmɔingiti ba,niiti ti dàalɔɠɔma mini-o-mini.

⁸Wuzeɠe, Ɠɔoɠɔ GALAGI!Kìzo, nà-GALAGI!Tɔɔzei ɗa sìli nuiti kpein doɠazu ti-woizuʋɛ,ɗa faa ɲɔu ɠɛ nuiti ɲiigaiti galeɠalezu.⁹Ɠɔoɠɔ GALAGI, ɗa ɠa ɗa nu ɠizo.Ɗa-luyai ɠɛ ɗa-nuɓusɛiti ba.Lo!

Guyeiti 3 / tod_pbt

Kizogi zeɠeʋɛ Ɠɔoɠɔ GALAGI ʋɔ

Guyeiti3tod_pbt