Read Guyeiti 21

Guyeiti21tod_pbt

Zobo sɔlɔɔ fai ma mamagi

¹Guye loo ɠundiɠii nɔnɔi ʋe. Davide ná-guyei.

²Ee, Ɠɔoɠɔ GALAGI, masagi ɠa ɠoozunɛɛzu è-zɛbɛi zu.Ɗa-zobo sɔlɔɔ fai ɠa gola laavesu ga koozunɛɛi.³È ziima anii veeni zea,è la ɠɛni ɠɛlɛni, è ʋa ɓe naa veezu zea, nii é ɠɛni falizu è ma.Lo!

⁴È ʋaani bɛ ga tuya ʋagɔiti.È masa bɔɔlɔgi lɔ unba nii é ga zanu kitei.⁵É zɛnvui valini è ma, è feeni zea,è sii suɠooza, eyɛsu ɠɔ.⁶Ná-lɛbiyai wɔɔlɔa, tɔɔzei ɗa-zobogi ʋɔ, nii è feeni zea,è maayikia, é ɗa volo.⁷È kɛɛʋɛ ga tuya ɗɛungi eyɛsu ɠɔ,è daavegɛ ga koozunɛɛi è ɠaazu.⁸Masagi ɠa ɓɔɠɔ ɠalivaazu Ɠɔoɠɔ GALAGI ma,nii é Anii-Pɛ-Unda, naa ná-wooɠɛɠiladai ʋɔ, é la ɲiikpiga eyɛsu pɛ.

⁹Ɗa yeeʋɛɛ è zili nuiti kpein ma,è-yeezai ɠa zeeli è wɔinzeɠe nuiti kpein ma.¹⁰Ɗa ti ɠɛ ga abuzulugi, siɛgi zu è ɠulazu la kɛlɛma.Ɠɔoɠɔ GALAGI ɠa ti maaɓɔle ná-ziiɠaawanai zu,abui ɠa ti ɠala.¹¹Ɗa ti-mavofodai undaaʋili, é ɠula eteai zu,ti-ma zuwu ɠula fulu nuiti saama.¹²Ta faa ɲɔi ɓɛtɛzu è laalɔɠɔma,ti kisiɛ ɲɔiti bo, kɛlɛ ti la zobo sɔlɔɔga.¹³Mazɔlɔɔ ɗa ti ɓɛ, ti ʋoluazo,ɗa ɗa-mɛɛin ʋili ti ma.

¹⁴Wuzeɠe, Ɠɔoɠɔ GALAGI, ga è-zɛbɛi!Gɔun gá, gá pɔ gi guyei loo, gi ɗa-ʋilɛ sɔlɔɔdai maamusɛ.

Guyeiti 21 / tod_pbt

Zobo sɔlɔɔ fai ma mamagi

Guyeiti21tod_pbt