Read Guyeiti 20

Guyeiti20tod_pbt

Gá-Masagi zobo sɔlɔɔ!

¹Guye loo ɠundiɠii nɔnɔi ʋe. Davide ná-guyei.

²Ɠɔoɠɔ GALAGI è wooɠaaʋote è ɠidaaʋili foloi!Zakɔɓe ná-GALAGI laaseigi è makɛ!³É ɗa-ɓɔbai leʋe è ma, é zeɠe seizu ɲadegai,é yɛ Siyɔn é yeezei è wu.⁴É ɠizɛ ɗa-vebɛaniiti kpein su.É yeezei ɗa-zalaɠaiti bu ti ɠalazu.Lo!

⁵É è yiima vai ɠɛ è ʋɛ,é naati daazeeli, niiti è pɔ è ti ɠɛ!⁶Gá wooɠula ga koozunɛɛi ɗa-zobo sɔlɔɔ fai zu,gá gá-ƓALAGI ná-ɗalapoi lɛ geezu,Ɠɔoɠɔ GALAGI ɠa naa kpein kɛ, nii è falizu ma.

⁷Gè kwɛɛ niina, ga Ɠɔoɠɔ GALAGI zee ɠa ná-masagi ʋa, nii é gulɔ ɲadegai ziɛni ma,toɠa yɛ ná-ada ɲadegai geezuʋɛ, é gooɠaaʋote,é unmɔɔ, zeezazu ɓɔba wolai ʋɔ.⁸Tanigaani zee ɠa ta-ɠɔɔɠɔ wotoloiti ma,tanigaani zee ɠa ta-zooiti ma,gɔun gá, gá-ɠitogi ɠa ga ɗe, Ɠɔoɠɔ GALAGI, gá-ƓALAGI.⁹Tiya mu ta ɓilisu ti loo,gɔun, gá yɛsu loni, gi lo kpaan.

¹⁰Ɠɔoɠɔ GALAGI, zobogi ve gá-masagi ʋɛ!É zoo é gi wooɠaaʋote, siɛgi zu gi wooɠulazu ma la, ga é ɓɔ gi ʋa!

Guyeiti 20 / tod_pbt

Gá-Masagi zobo sɔlɔɔ!

Guyeiti20tod_pbt