Guyeiti19tod_pbt

GALA ná-kulakɛlɛma felegɔiti

1Guye loo ɠundiɠii nɔnɔi ʋe. Davide ná-guyei.
2Geeɠɔlɔgiti kpein ta GALA ná-lɛbiyai lɛɛzu,somideɠaiti ti geezuʋɛ, naati ta zeei ná-botii lɛɛzu.3Folo ɠilagi ɠa zɔɔma voloi ɠalasu ga naa,kpidi ɠilagi faaɠwɛgi ve zɔɔma ɓidii ya ga naa.4Naa la ɠɛɛzu ga wooiti ɓaa kpɔɛzuɠulaiti,nii nu a zoo mɛnisu.5Kɛlɛ ti-ma wooi ɠa laazeelizu eteai zu ná pɛ.Ti-wooi ɗa zeeli zou ɓela ga.GALA ge foloi ná-seɠe ɠotai ɓɛtɛʋɛ geeɠɔlɔgi zu.6Kɛɛʋɛ eɠɛ anzazini niinɛi, nii é ɠulazu daa ʋɛlɛi wu,eɠɛ pilɛ sɔlɔɔ nui, é liizu luɠɔ, koozunɛai ga é kpizɛi lɔɔzei!7Toɠa ɠulazu geeɠɔlɔgi ɠwɛgi,é ná-kpizɛi ɠaaɓela zɔɔla ʋelei,ani nɔpɛ ge la lɔɔɠua ná-diegi ʋa.
8Ɠɔoɠɔ GALAGI ná-tɔgi laazeeliʋɛ,toɠa ɗa nu yii niinɛ.Ɠɔoɠɔ GALAGI ná-zeele wooi ɠa ga gaamai,toɠa ɗa ɠimalai ve ɠimalala nui ʋɛ.9Ɠɔoɠɔ GALAGI ná-deveiti sɔlegɛ,ta ɗa nu ɠoozunɛ.Ɠɔoɠɔ GALAGI ná-deveiti suɠalagɛ,ta ɗa nu ɠaazuzeɠe ma.10Ɠɔoɠɔ GALAGI ɠaazuluabai ɠoleʋɛ,toɠa yɛ kɛʋele ma eyɛsu ɠɔ.Ɠɔoɠɔ GALAGI ná-deveiti ta ga gaamai,ti zɔlegɛ gola.11Ti vizɔgɛ zanugi ʋa, anɛɛ zanu mɔinmɔingiti,niiti ti-ma nɔɠɔi ɠulaai ti ʋa.Ti ɲɛmigɛ kɔin gulɔi ʋa,anɛɛ kɔin gulɔi nii é ɠulazu ɓɔɠɔ ʋɛ ma zɛpɛgi ʋa.12Ɠɔoɠɔ GALAGI, ɗa-lɔgiti ti ɗa-wotiɠɛ nui loa ɠisu,é ná-kulanuma wola zɔlɔɔgɛ ti zu.
13Ɓɛ ɠa é tɔ ɓɔɠɔi ná-gaaɠilimalala vaaɠaazagi ɠwɛɛsu?Màavaayɛ ga nà-kotoiti, ti lɔɔɠuai, gè la ti ɠwɛɛ.14Nà ga ɗa-wotiɠɛ nui, màkɛ, gè mina gaaɠilima ɠoto ɠɛ!Ti mina pilɛ sɔlɔɔ mà ga tago ɓalaa!Nà ɠɛ ga telebo nu,gè ɠɛ ga sɔbalala nu, tɔ koloɠologiti faa zu.
15Yeezei dàawooiti bu ga pagɔ,ta kòozu ɠisiɛiti è ɠakala,ee, Ɠɔoɠɔ GALAGI, nà-fasai, ùnmɔɔ nui!
expand_more
Search