Read Guyeiti 143

Guyeiti143tod_pbt

Màliɠii, mina tukpɔ ʋɛɛ bà

¹Davide ná-guyei.
Ee, Ɠɔoɠɔ GALAGI, woilo nà-maanɛɛnɛ wooi ma,woilo nà-fali wooiti ma.Gòoɠaaʋote deɠɛmu ɗa-wooɠɛɠiladai zu ta ɗa-lelebodai.²Nà ga ɗa-wotiɠɛ nui, mina tùkpɔɠaaleʋea,mazɔlɔɔ fulu nu ɠila kpalaa ge la leleboni è ɠaazu.

³Sìli nui ɠa pòlu, é la ɓɔlɔzu,é dà zooi ma, ga é ɠɔɠɔlo mà,é sèi kpidii zu ga naati kɛʋele niiti ti zaai kaite.⁴Zɛ̀nvui ɲiikpiga kòozu,zìi ɠa loɠazu ga duai.⁵Nà ɠisiɛzu siɛgiti su ti leʋegai,gè ɠisiɛ naati kpein su, niiti è ti ɠɛɛni,gè ɠida è-yeei ná-botii ɠɛ ʋeleiti bu.⁶Gè zèeiti maalega è ma,nà ɓɔɠɔ ɠaazu è ɠakala, eɠɛ zooi fɔai.Lo!

⁷Ee, Ɠɔoɠɔ GALAGI, ʋa fala, è gòoɠaaʋote!Zɛ̀nvui zeelia ɠwɛgi ma.Mina ʋoluave bà,gè ʋa ɠɛ ga naati kɛʋele, niiti ti ti-zaa ɠizei lɛɛzu niina.⁸Geelaa ɠa laona nɔ feya, ɗa-wooɠɛɠiladai lɛ ga ze,mazɔlɔɔ ɗa ɠa dàai è la.Pelei lɛ ga ze, nii maanɛai gè ziɛ la,mazɔlɔɔ gè ɠaaʋotega è ma.⁹Ee, Ɠɔoɠɔ GALAGI, ùnmɔɔ, è kùla sìli nuiti zea,nà lɔɔɠuzu è ɠobaʋɛ.¹⁰Kàla ga è-yiimai ɠɛɛ vai,mazɔlɔɔ ɗa ɠa è ga nà-GALAGI.Ɗa-Yɛnvu ʋagɔi lo tùɠɔ zooi zu, ʋɛ faaɓa la ná.¹¹Ee, Ɠɔoɠɔ GALAGI, zɛ̀nvui makɛ, è-laaseigi wɔɔlɔ vai zu,Ɗa-lelebodai maaʋele ma, ùnmɔɔ, è kùla kidaaʋiligi zu.¹²Ɗa-wooɠɛɠiladai ʋɔ, sìli nuiti daaɠulu.È naati undaaʋili, niiti ti wɔ̀inzeɠezu,mazɔlɔɔ nà ga ɗa-wotiɠɛ nui.

Guyeiti 143 / tod_pbt

Màliɠii, mina tukpɔ ʋɛɛ bà

Guyeiti143tod_pbt