Read Guyeiti 142

Guyeiti142tod_pbt

Ɗa ɠa è ga dɔ̀ɔɠuzu ɠila kpegi

¹Davide ná-kidafaawui. GALA falii é boni, siɛgi zu é ɠɛni pugi zu la.

²Nà wooɠulazu Ɠɔoɠɔ GALAGI ma ga kpee wooi,kpee wooi ɠa gè Ɠɔoɠɔ GALAGI maanɛɛnɛzu la.³Nà kpàla vai lɛɛzu la,gè nà-kidaaʋili fai lɛɛ la.⁴Nà ʋalana zɛbɛi ma, ɗa ɠa è kwɛɛ ʋɛ gè liizu ná.Ti balii laa nà-pelei zu ga kɛɛɠɛɛi.⁵Wɛlɛ ga zèezazu ʋelei:Nu nɔpɛ ge la mɔ ná, nii é kwɛ̀ɛ.Gè la kwɛɛ ʋɛ nà lɔɔɠu ná,nu nɔpɛ ge la yiizoolɛzu ga zɛ̀nvui ma vaa.

⁶Ɠɔoɠɔ GALAGI, ɗa ɠa gè kpee loozu è woizu,Gè ɠɛ ma: «Ɗa ɠa è ga dɔ̀ɔɠuzuʋɛ,ɗa ga zìima anii, fizɔgai bɛ̀, eteai nii zu ʋɛ gi zɛnvui wosu ná.»⁷Woilo nà-kpee wooi ma,mazɔlɔɔ fikɛ nɔpɛ ge la mɔ sù.Ùnmɔɔ, è kùla naati zea, niiti ti wɔ̀inzeɠezu.Ti zuɓaaʋɛ, ta-zobogi wɔɔlɔ nɔ̀nɔi ʋa.⁸Fìe, è kùla kasoi ɠa,nii a kɛ gè è-laaseigi maamusɛ.Telebo nuiti ta ʋa, ti màaɠooli,siɛgi zu è faanɛɛi naa ɠɛɛzu la bɛ̀.

Guyeiti 142 / tod_pbt

Ɗa ɠa è ga dɔ̀ɔɠuzu ɠila kpegi

Guyeiti142tod_pbt