Read Guyeiti 141

Guyeiti141tod_pbt

Màliɠii, makɛ dàawooiti ma

¹Davide ná-guyei.
Ɠɔoɠɔ GALAGI, nà wooɠulazu è ma, ʋa fala, è ɓɔ bà.Woilo gòoi ma, siɛgi zu gè wooɠulazu la è ma.²Nà-maanɛɛnɛ wooi zɔle é lɛ è ʋɔ bɛ,eɠɛ ansanse gala luului,zèeiti ti maale è ma, eɠɛ kpɔkɔ zalaɠai.

³Ɠɔoɠɔ GALAGI, wɛlɛ dàaʋɛ ma, è ɠaaɓa mà,dàkɔlɔgiti ma ʋɛlɛlaʋɛti makɛ.⁴Mina ɓe bà, gè ʋa li ga faa ɲɔi ʋɔ pelei,naa ɠa a kɛ, gè mina yaava ɠɛɛwotii ta ɠɛnui naati saama, niiti ti telebotalai ɠɛɛzu.Màkɛ, gè mina naama laamii ta wo ti zaama.

⁵Nà va bu telebo nui dòɠa, toɠa ná-nɛɛbɛi lɛɛzu ga ze,ɓaa é zeliiti to mà, naa ɠa ga gulɔ ʋagɔi nɔ̀ungi zu, nii gè la ɠɛlɛa ba.Kɛlɛ nà-maanɛɛnɛ wooi ɠa faa ɲɔu ɠɛ nuiti ta-vaa ɲɔi laalɔɠɔma ʋolu yee ná nɔpɛ.⁶Ta-ɠundiɠiiti ti ʋili ya fasaiti ma,nu ɲɔiti ta gaaɠa niina, ga kpɔ̀ɛ wooiti pagɛ.⁷Eɠɛ nu a ɠɛ wozawolizu, é ɗa zooi laaʋali,ti-ma ɠaeiti ta vazasu gɔvɛalaazu ɠakalaʋɛ.

⁸Ee, Ɠɔoɠɔ GALAGI, Màliɠii,è ʋɔ pelei ɠa gè ɠaaʋotegai ná,nà lɔɔɠuzu ɠaiziɛzu è ʋɔ bɛ.Mina yee zeɠe zɛ̀nvui maazu.⁹Makɛ mà, è kìzo telebotala nuiti ta-ʋaliiti mati ti laai tùɠɔ, ta ta-yaavaiti.¹⁰Faa ɲɔu ɠɛ nuiti ti loo ti ɓɔɠɔ ʋaliiti ga,ti ʋoola bà naama ziɛgi nɔ zu.

Guyeiti 141 / tod_pbt

Màliɠii, makɛ dàawooiti ma

Guyeiti141tod_pbt