Read Guyeiti 138

Guyeiti138tod_pbt

Nà pɔ gè è maamusɛ ga zìimaʋɛ pɛ

¹Davide ná-guyei.
Ee, Ɠɔoɠɔ GALAGI, nà è maamusɛzu ga zìimaʋɛ pɛ.Nà è lɛbizu ga guyeiti zɛɛ ɠalagiti gaazu.²Nà nɔkɔsu, gè ɠaaʋote è zei ʋɛlɛ ɲadegai ma,gè è-laaseigi maamusɛ, ɗa-nuɓɔɠɔlai maaʋele ma ta ɗa-wooɠɛɠiladai,mazɔlɔɔ è ɗa-minazeɠegi laazeeliʋɛ,é ɓudɛ naa maazu, nii gi-ɠigi ɠɛni ba, é lo è ʋa.³Voloi gè wooɠulani la è ma, è gòoɠaaʋoteni,è ìɲɔdɔɔni ʋolu, è zɛbɛi ve bɛ̀.

⁴Eteai zu masagiti kpein ti è maamusɛ, Ɠɔoɠɔ GALAGI,ta woilona è-laawooiti ma.⁵Ta ɠɛna guyei loa, ti Ɠɔoɠɔ GALAGI ná-kɛɛwotiiti maamusɛ, ti ɗa ɠɛ ma:«Ɠɔoɠɔ GALAGI ná-lɛbiyai wɔɔlɔʋɛ.»⁶Ɠɔoɠɔ GALAGI maaɠoozaʋɛ geezuʋɛ,kɛlɛ toɠa ɓɔɠɔmaayei nuiti kaazu.Toɠa yɛsu ɠoozama, é waso nuiti kwɛɛ.

⁷Ni nà ɠɛna ziaa kidaaʋiligi zaama,ɗa zobogi veezu bɛ̀, gè zɛnvui wo.Ɗa pele ɓesasu sìli nuiti ta-yiiɠulagi luɠɔ.Ɗa kìzosu ga è-zɛbɛi.⁸Ɠɔoɠɔ GALAGI ɠa faiti pɛ unseizu bɛ̀ ga pagɔ.Ee, Ɠɔoɠɔ GALAGI, ɗa-wooɠɛɠiladai ɠa yɛsu ná ɠɔ!Mina ɠɛlɛ naati ba, niiti è ti ɓɛtɛai ga è ɓɔɠɔ yeeiti.

Guyeiti 138 / tod_pbt

Nà pɔ gè è maamusɛ ga zìimaʋɛ pɛ

Guyeiti138tod_pbt