Read Guyeiti 13

Guyeiti13tod_pbt

Inɛinɛgi ta ladalai

¹Guye loo ɠundiɠii nɔnɔi ʋe. Davide ná-guyei.

²Ee, Ɠɔoɠɔ GALAGI, eyɛsu yeelɛ? È yeemazu mà kenein?Ɗa maaɠoozazu bà, eyɛsu yeelɛ?³Ziizoolɛi ɠa yɛsu mà, zìimaʋɛ eyɛsu yeelɛ?Folo-o-folo, ziiɓɔlɔi zìimaʋɛ?Sìli nui ɠa yɛsu wuzeɠezu dàalɔɠɔma, eyɛsu yeelɛ?

⁴Wɛlɛ, gòoɠaaʋote, Ɠɔoɠɔ GALAGI, nà-GALAGI!Gàazuʋɛ zeɠe ma, naa ɠa a kɛ, gè mina ɲi saai zu.⁵Sìli nui mina ɠɛ ma: «Gè vɔniga ma!»Wɔ̀inzeɠe nuiti ti mina ɠoozunɛ, ni nà ɲiikpina.

⁶Nɔ̀un nà, dàaʋɛ ɗa-wooɠɛɠiladai la.Koozunɛɛi ɠa zìimaʋɛ laavesu, ɗa-ɠizo faa wolai vaa zu.Nà pɔ gè guyei loo è lɛbi vai ma,ee, Ɠɔoɠɔ GALAGI, è màalatigɛ ga ɗa-vaanɛɛiti.

Guyeiti 13 / tod_pbt

Inɛinɛgi ta ladalai

Guyeiti13tod_pbt