Guyeiti121tod_pbt
Mini ɠa nà-kpɔbai a zeɠe ná?
1Tɛɛ wo guyei.Gè ɠaazulɛa ga gizeiti,mini ɠa nà-kpɔbai a zeɠe ná?2Nà-kpɔbai ɠa ʋaazu é zeɠe Ɠɔoɠɔ GALAGI ʋɔ bɛ,nii é geeɠɔlɔgi ɓɛtɛa ta zooi.3É la vaa bu, è-ɠɔɠɔi ʋa ziɠa,zɔi é è makɛsu, é la ɲia.4Wɛlɛ, zɔi é Izilayɛle makɛsu,é la lia siingisiingi, é la ɲia.5Ɠɔoɠɔ GALAGI ɠa é ga naa, nii é è makɛsu,Ɠɔoɠɔ GALAGI ɠa é ga niinigi è-maaɠoolii zu,6foloi la è ɠalaa foloi ɲɛgɛlɛin,alugi la faa ɠɛa ga ɗe kpidii.7Ɠɔoɠɔ GALAGI ɠa faa ɲɔi kpein kpudɛ è maazu,toɠa è-yɛnvui makɛ.8Ɠɔoɠɔ GALAGI ɠa ɓaa è maazu, é zo è ɠula yeei ma,é li è ɠalema voloi ʋɔ,é zo niizu ma, eyɛsu ɠɔ.