Guyeiti11tod_pbt
Nu lɔɔɠuzu ʋagɔi
1Guye loo ɠundiɠii nɔnɔi ʋe. Davide ná-guyei.Dɔ̀ɔɠuzuʋɛ ɠa ga Ɠɔoɠɔ GALAGI ʋɔ bɛ.Wa zoo ɠale ɠɛɛzu mà:«Ʋela è li gizeiti ma, eɠɛ wɔni»?2Mazɔlɔɔ faa ɲɔu ɠɛ nuiti ta mɛɛin ɠaalɛɛzu,ti mɛɛn ɠaei ɠɛʋele ɓɛtɛ galui ma,ti ʋa pili naati ma kpidii zu, niiti ti-yii zɔlegai.3Siɛgi zu ma ɓogiti ti lokasu da,leeni ɠa telebo nui a kɛ?4Ɠɔoɠɔ GALAGI ɠa sei ʋɛlɛ ɲadegai wu.Ɠɔoɠɔ GALAGI ná-masa kpɔkpɔgi ɠa geeɠɔlɔgi zu,gaazuʋɛ ɠa wozaɠaazu,toɠa wɛlɛzu ga ɠaazuʋɛ, é ɗa nuɓusɛiti sumɔ.5Ɠɔoɠɔ GALAGI ɠa telebo nui ta faa ɲɔu ɠɛ nuiti ta-vai wuuʋɛtɛsu.Toɠa naama nui wɔinzeɠezu, nii toomai nɛai bɛ.6É abulekai ʋu kae faa ɲɔu ɠɛ nuiti ma, nii é ɠalazu ga timinigi.Fiilɛ ɓadii nii é galai wosu, naa ɠa é ga ta-ɠulanumai.7Mazɔlɔɔ Ɠɔoɠɔ GALAGI zɔlegɛ, telebo faiti nɛɛʋɛ bɛ.Nuiti ti zɔlegai, naati ta gaazuʋɛ ʋɛtɛ.