Guyeiti10tod_pbt

Màliɠii, lee vaa zu?

1Lee vaa zu Ɠɔoɠɔ GALAGI, è losu ɠoozama?Lee vaa zu, kidaaʋili foloiti, è lɔɔɠuzu?
2Faa ɲɔu ɠɛ nuiti ta-wasogi zu, ta ɗa ʋilɛ maanɔɠɔ nuiti polu, ti ɗa ti ɓɔlɔ,ti yee ɠa zeelizu ti ma, ga ti ɠoozu ɠisiɛ ɲɔiti bogai.3Mazɔlɔɔ faa ɲɔu ɠɛ nui ɠa ɓɔɠɔ lɛɛzu su, ná-gaazuɠulapɔiti su.Nui nii kpalaai ga é ɠula za nɔ zu,naa ɠa Ɠɔoɠɔ GALAGI ɠotozu, é ɲɛɛɠula su.4Faa ɲɔu ɠɛ nui ná-wasogi zu, toɠa ɠɛɛzu ma: «GALA ge la ná!»Kisu vai kpein kana, é la wɛlɛzu ɠoozama.5Yeenɔpɛ ná-faiti su ɠa ɗa ɓɛtɛ,ɗa-leveiti bɔɔlɔʋɛ, ti ɓudɛ ná-faaɠaaɠai maazu,toɠa yeelaaʋilisu ga wɔinzeɠe nuiti kpein.6Toɠa ɠɛɛzu ma yiimaʋɛ: «Gè la ɲiikpiga eyɛsu pɛ!Dɔ̀ɔɠuʋɛ, maanɔɠɔ la zeelia mà, eyɛsu ɠɔ, nà yɛ loni kpaan.»
7Daaʋɛ laavegɛ ga foovooi, yaava wooiti ka ti da, ta ziiɠula vaiti.Suɲɔu vaiti, ta nu maawana vaiti ka ti nɛgi wu.8Toɠa ɗa lɔɔɠu taa loaʋɛ,é sɔbalala nui ʋaa, ada maalɔɔɠuai.Gaazuʋɛ la zeɠea zobotala nui ʋa.9Toɠa laazu ná-dɔɔɠu wosuʋɛ, eɠɛ zalai nii é laani pɛɛzuʋɛ.Toɠa lɔɔɠuzu, é ʋa ɠula maanɔɠɔ nui viliba,toɠa ɠulazu maanɔɠɔ nui viliba, é pili ná-tumɔi zu.10É ɓili, é maaʋɛ,maanɔɠɔ nuiti ti loo zeezu.11É ɠɛ ma ziimaʋɛ: «GALA ka ɗa yeema!Toɠa ɗa ɠaazuʋɛ lɔɔɠu, é la ɗa ga wɛlɛ pɛ!»
12Wuzeɠe, Ɠɔoɠɔ GALAGI! GALA yeei wuzeɠe!Mina yeema maawɔin nuiti ma.13Leeni vaa zu, faa ɲɔu ɠɛ nui ɲɛɛɠulazu GALA su?Lee vaa zu, é bosu ziimaʋɛ ga: «É la màaɠoloa»?
14Anɛɛ naa ʋe, ɗɔun ɗa, ɗa kpɔlɔi ta maanɔɠɔi ʋɛtɛsu,ɗa ɠaaɓaazu, è ti pɛ seɠe ya!Zɛbɛsulala nui ɠa ɓɔɠɔ veezu è ya ɲɛgɛlɛin,ɗa ɓɔsu podoin ʋa.15Faa ɲɔu ɠɛ nui yeei ɠaleɠale,ná-faa ɲɔiti sala, é ɲɛɛlɛ è ɠaazu.16Ɠɔoɠɔ GALAGI ɠa é ga masagi eyɛsu ɠɔ.Zii ɠiligiti ma zuwu ɠaaleʋe ná-zooi zu.
17Ɠɔoɠɔ GALAGI, è maawɔin nuiti wɔinma vaiti mɛniga.Ɗa zɛbɛi veezu ti ʋɛ, è woilo ti-wooi ma.18È sɔle fai ɠɛ podoin ʋɛ, ta maawɔin nui,nii a kɛ, nu vului tanɔpɛ ge mina bɔɔla maalua.
expand_more
Search