1«Alugi lɔfelasiɛi ma volo mɔungi, wa gaalɛba ɲadegai wo. Wo la boti nɔpɛ kɛa, eɠɛʋelei wa ɗa kɛ la. Toɠa ɠɛ wo ʋɛ ga puʋu fɛɛ yeei.2Wa nikɛ zinɛ ɓokpa gila kula ga gala zalaɠai, ta baala sinɛ ɠila, ta kona gila baala sinɛ lɔfela, nɛɛʋuzu mina ɠɛ ti ʋa, makugi nɛai Ɠɔoɠɔ GALAGI ʋɛ.3Wa vebɛ zalaɠai ʋɛɛ gala zalaɠa zuaiti ba, toɠa ɠɛ ga ɓulu vukɔ ʋagɔi, gaayɔgai ga gulɔi: kilo taaʋuugɔ nikɛ zinɛi ʋɛ, ta kilo lɔzita baala sinɛi ʋɛ,4ta kilo saʋagɔ baala ziʋoi ɠilagilagi ʋɛ.5Wa boli zinɛ ɠila kula ga koto gba zalaɠai, naa ɠa a kɛ koto gba vai ɠɛ wo ʋɛ.6Naama zalaɠaiti ta ɓɔ gala zalaɠaiti ba, niiti ti ɠulazu alu-o-alu ta folo-o-folo, ta ta-vebɛ zalaɠaiti, ta ta-ʋuya zalaɠaiti, eɠɛʋelei deveai la tɔgi zu ta-vaa zu. Zalaɠaiti be, niiti abui ti ɠalazu, makugi nɛai Ɠɔoɠɔ GALAGI ʋɛ.
Koto gba voloi ma zalaɠaiti
7«Alugi lɔfelasiɛi ma volo puugɔi ma, wa gaalɛba ɲadegai wo. Wa zugi zo, wo la boti nɔpɛ kɛa.8Wa nikɛ zinɛ ɓokpa gila kula ga gala zalaɠai, ta baala sinɛ ɠila, ta kona gila baala sinɛ lɔfelaiti, nɛɛʋuzu mina ɠɛ ti ʋa, makugi nɛai Ɠɔoɠɔ GALAGI ʋɛ.9Wa vebɛ zalaɠai ʋɛɛ gala zalaɠa zuaiti ba, toɠa ɠɛ ga ɓulu vukɔ ʋagɔi, gaayɔgai ga gulɔi: kilo taaʋuugɔ nikɛ zinɛi ʋɛ, ta kilo lɔzita baala sinɛi ʋɛ,10ta kilo saʋagɔ baala ziʋoi ɠilagilagi ʋɛ.11Wa boli zinɛi ɠula ɓalaa ga koto gba zalaɠai. Naa kpein ge ɓɔ koto gba zalaɠai ʋa, nii é ɠulazu koto gba voloi, ta gala zalaɠai, nii é ɠulazu folo-o-folo, ta ná-vebɛ zalaɠai, ta ta-ʋuya zalaɠaiti.
Kota vɛtii ma zalaɠaiti
12«Alugi lɔfelasiɛi ma volo puugɔ maazu lɔɔlusiɛi (15) ma, wa gaalɛba ɲadegai wo, wo la boti nɔpɛ kɛa, eɠɛʋelei wa ɗa kɛ la. Wa fɛtii ɠula Ɠɔoɠɔ GALAGI lɛbi vai ma, wa naa ɠɛ folo lɔfela laawu.13Wa nikɛ zinɛ ɓokpa puugɔ maazu saʋagɔ (13) ɠula ga gala zalaɠai, ta boli zinɛ felegɔ, ta kona gila baala sinɛ puugɔ maazu naanigɔ (14), nɛɛʋuzu mina ɠɛ ti ʋa, makugi nɛai Ɠɔoɠɔ GALAGI ʋɛ.14Wa vebɛ zalaɠai ʋɛɛ gala zalaɠa zuaiti ba, toɠa ɠɛ ga ɓulu vukɔ ʋagɔi, gaayɔgai ga gulɔi: kilo taaʋuugɔ nikɛ zinɛi ɠilagilagi ʋɛ, ta kilo lɔzita baala sinɛi ɠilagilagi ʋɛ,15ta kilo saʋagɔ baala ziʋoi ɠilagilagi ʋɛ.16Wa boli zinɛi ɠula ɓalaa ga koto gba zalaɠai. Naa kpein ge ɓɔ gala zalaɠai ʋa, é ɠulazu folo-o-folo, ta ná-vebɛ zalaɠai, ta ná-puya zalaɠai.17«Foloi velesiɛi ma, wa nikɛ zinɛ ɓokpa puugɔ maazu felegɔ (12) ɠula ga zalaɠai, ta baala sinɛ felegɔ, ta kona gila baala sinɛ puugɔ maazu naanigɔ (14), nɛɛʋuzu mina ɠɛ ti ʋa.18Wa vebɛ zalaɠaiti ta puya zalaɠaiti pɛɛ zalaɠa zuaiti ba, kɔɠɔgi liegɔi zoloo ti-liegɔi ma, eɠɛʋelei deveai la tɔgi zu.19Wa boli zinɛi ɠula ɓalaa ga koto gba zalaɠai. Naa kpein ge ɓɔ gala zalaɠai ʋa, é ɠulazu folo-o-folo, ta ná-vebɛ zalaɠai, ta ná-puya zalaɠai.20«Foloi zaʋasiɛi ma, wa nikɛ zinɛ puugɔ maazu ɠila (11) kula ga zalaɠai, ta baala sinɛ felegɔ, ta kona gila baala sinɛ puugɔ maazu naanigɔ (14), nɛɛʋuzu mina ɠɛ ti ʋa.21Wa vebɛ zalaɠaiti ta puya zalaɠaiti pɛɛ zalaɠa zuaiti ba, kɔɠɔgi liegɔi zoloo ti-liegɔi ma, eɠɛʋelei deveai la tɔgi zu.22Wa boli zinɛi ɠula ɓalaa ga koto gba zalaɠai. Naa kpein ge ɓɔ gala zalaɠai ʋa, é ɠulazu folo-o-folo, ta ná-vebɛ zalaɠai, ta ná-puya zalaɠai.23«Foloi naanisiɛi ma, wa nikɛ zinɛ puugɔ ɠula ga zalaɠai, ta baala sinɛ felegɔ, ta kona gila baala sinɛ puugɔ maazu naanigɔ (14), nɛɛʋuzu mina ɠɛ ti ʋa.24Wa vebɛ zalaɠaiti ta puya zalaɠaiti pɛɛ zalaɠa zuaiti ba, kɔɠɔgi liegɔi zoloo ti-liegɔi ma, eɠɛʋelei deveai la tɔgi zu.25Wa boli zinɛi ɠula ɓalaa ga koto gba zalaɠai. Naa kpein ge ɓɔ gala zalaɠai ʋa, é ɠulazu folo-o-folo, ta ná-vebɛ zalaɠai, ta ná-puya zalaɠai.26«Foloi lɔɔlusiɛi ma, wa nikɛ zinɛ taaʋuugɔ ɠula ga zalaɠai, ta baala sinɛ felegɔ, ta kona gila baala sinɛ puugɔ maazu naanigɔ (14), nɛɛʋuzu mina ɠɛ ti ʋa.27Wa vebɛ zalaɠaiti ta puya zalaɠaiti pɛɛ zalaɠa zuaiti ba, kɔɠɔgi liegɔi zoloo ti-liegɔi ma, eɠɛʋelei deveai la tɔgi zu.28Wa boli zinɛi ɠula ɓalaa ga koto gba zalaɠai. Naa kpein ge ɓɔ gala zalaɠai ʋa, é ɠulazu folo-o-folo, ta ná-vebɛ zalaɠai, ta ná-puya zalaɠai.29«Foloi lɔzitasiɛi ma, wa nikɛ zinɛ lɔsaʋa ɠula ga zalaɠai, ta baala sinɛ felegɔ, ta kona gila baala sinɛ puugɔ maazu naanigɔ (14), nɛɛʋuzu mina ɠɛ ti ʋa.30Wa vebɛ zalaɠaiti ta puya zalaɠaiti pɛɛ zalaɠa zuaiti ba, kɔɠɔgi liegɔi zoloo ti-liegɔi ma, eɠɛʋelei deveai la tɔgi zu.31Wa boli zinɛi ɠula ɓalaa ga koto gba zalaɠai. Naa kpein ge ɓɔ gala zalaɠai ʋa, é ɠulazu folo-o-folo, ta ná-vebɛ zalaɠai, ta ná-puya zalaɠai.32«Foloi lɔfelasiɛi ma, wa nikɛ zinɛ lɔfela ɠula ga zalaɠai, ta baala sinɛ felegɔ, ta kona gila baala sinɛ puugɔ maazu naanigɔ (14), nɛɛʋuzu mina ɠɛ ti ʋa.33Wa vebɛ zalaɠaiti ta puya zalaɠaiti pɛɛ zalaɠa zuaiti ba, kɔɠɔgi liegɔi zoloo ti-liegɔi ma, eɠɛʋelei deveai la tɔgi zu.34Wa boli zinɛi ɠula ɓalaa ga koto gba zalaɠai. Naa kpein ge ɓɔ gala zalaɠai ʋa, é ɠulazu folo-o-folo, ta ná-vebɛ zalaɠai, ta ná-puya zalaɠai.35«Foloi lɔsaʋasiɛi ma, wa GALA dɛbi ɠaalɛbai wo. Naama voloi, wo la boti nɔpɛ kɛa, eɠɛʋelei wa ɗa kɛ la.36Wa nikɛ zinɛ ɠila kula ga gala zalaɠai, baala sinɛ ɠila, ta kona gila baala sinɛ lɔfela, nɛɛʋuzu mina ɠɛ ti ʋa, makugi nɛai Ɠɔoɠɔ GALAGI ʋɛ.37Wa vebɛ zalaɠaiti ta puya zalaɠaiti pɛɛ zalaɠa zuaiti ba, kɔɠɔgi liegɔi zoloo ti-liegɔi ma, eɠɛʋelei deveai la tɔgi zu.38Wa boli zinɛi ɠula ɓalaa ga koto gba zalaɠai. Naa kpein ge ɓɔ gala zalaɠai ʋa, é ɠulazu folo-o-folo, ta ná-vebɛ zalaɠai, ta ná-puya zalaɠai.39«Naa ɠa wa kɛ Ɠɔoɠɔ GALAGI ʋɛ, wa-vɛti voloiti su, é ɠula wa-vebɛaniiti polu, wo ti laai ɠisu, ta wa-minazeɠe daazeeli zalaɠaiti, ti ga wa-ɠala zalaɠaiti, ta wa-vebɛ zalaɠaiti, ta wa-ʋuya zalaɠaiti, ta wa-yiilɛi zalaɠaiti.»