2Naama volo ná, ta ɠɛ ma:«À leezɛn ɓelei maawuye, gwaa ʋagɔiti ti ga.3Nà, Ɠɔoɠɔ GALAGI, nà ɠa gè makɛsu,nà kɔɔzu yeenɔpɛ.Nà makɛsu folo ʋɛɛ kpidi ʋa,naa ɠa a kɛ nu mina lɔ su.4Ziiɠaawana la mɔ zìimaʋɛ,kɛlɛ nà kpolo ɠaingiti kaana, ta ɠaingiti,nà laalɛ ti wu, gè abui lo ti ʋa.5Kɛni ni ta kɛ̀ɛna ga ti-lɔɔɠuzuʋɛ,ti gi yɔɠɔzuɓɛtɛ, ziilɛigi ɠa ná,ungo, ziilɛigi ɠɛ gi yɔɠɔzu.»6Yeeɠɛɠalaiti su ti ʋaazu,Zakɔɓe ná-nuɓusɛiti ma zape niinɛiti ta ɠula,Izilayɛle ɠa ʋua, é vuka,é eteai pɛ maaɓɔle ga gaawaaiti.7Ɠɔoɠɔ GALAGI ná-nuiti doɠaʋɛ nɛi,eɠɛʋelei é naati doɠa, nuiti ti ɠɛni ti loɠazu la?Ɓaa é ti ʋaaʋɛ nɛi, eɠɛʋelei é kɛɛni la ga naati,niiti ti ɠɛni ti ʋaazu?8É ta-lukpɔi ɠaaleʋe ga, é ti ɓɛ, é ti laaʋili.É ti zeɠeni ná ga daa viilɛ ɲɔi,ga folo ɠila fiilɛi, é zeɠe folo ɠulazu ʋelei.9Naama loɠai maaʋele ma, Izilayɛle ná-faaɠaaza golaiti ta gba.Wɛlɛ ná-kotoi zuvaayɛ fai ma lɔnɔgi ɠa ɠɛ ga:Zalaɠa ɠulazuʋɛ ma ɠɔtuiti ta ɓulukpulu sueɠɛ kobegi ma ɠɔtuiti, ti ɠɛ ga fufiligi,sale wuluiti ta ansanse gala aniɲakaititi la mɔ ɠɛa ná pɛ.10Nu nɔpɛ ge la mɔ taa wolai zu siɠigi ma,toɠa ná, suɲakai, ti ɠɛlɛni ba, é ɠɛ ga teʋebai.Nikɛ yiʋoiti ti ɗa laami ná, ti ɗa ʋɛɛ ná,ti ɗa daaiti mi dɔɓɔɠɛlɛ koiti su.11Siɛgi zu ma ɓekegiti ti vɔɔzu la, ta ti ɠaleɠale,anzanuiti ti ʋa, ti ti zeɠe, ti ti ɠala.Mazɔlɔɔ nuɓusɛa ʋe ti la faa ɠaaɠaazu,naa ɠa é ba, zɔi é ti ɓɛtɛa, é la ti maawɔinɠaa,zɔi é ti ɓɛtɛni, é la zaala laani ti ma.
Duɔiti gaaɠalema vaa wolai
12Naama volo ná, Ɠɔoɠɔ GALAGI ɠa ná-moloi loɠa,é zo ziɛ wolai Efelate ma, é zeeli Ezipete ɠɔtuɗɛi ma.Izilayɛle nuiti, toɠa wo yɛʋɛ ga gilagila.13Naama volo ná, puʋu golai ɠa vɛ,niiti ti undaa ɠɛa ʋilisu Asiili yooi zu,ta niiti ti fazani Ezipete yooi zu,ta ʋa, ti nɔkɔ Ɠɔoɠɔ GALAGI wugize ɲadegai ma Zeluzalɛme taazuʋɛ.