Eɓulu4tod_pbt
1Deɠɛmu, yeeɠɛɠalai zu minazeɠegi ná la dɛ, ga nu lɔ GALA ná-dooɠogi zu, ade dama, nu nɔpɛ ge mina ɠɛ wo zaama, a wo ma ga é ɠulaa ʋoluzu.2Mazɔlɔɔ woo niinɛ ʋagɔi laazeeliʋɛ ade ma, eɠɛʋelei daazeelini la ti ma. Kɛlɛ wooi daazeelini ti ma, naa la ɠɛni faa nɔpɛ paani ti ma, tɔɔzei niiti ti mɛnini, ti la ɠɛni yeezeini bu ga kidaaleʋei.3Adɛiti de ɠidaaleʋeai, da lɔɔzu dooɠogi zu, eɠɛʋelei GALA daawooi bogai la ga:«Nà-ziiɠaawanai zu, gè ɠonani ga:‹Ti la lɔa nà-dooɠogi zu pɛ!› »GALA ge ɓɔɛni ɠana, anɛɛ ni ná-botiiti ti ɓega ga ɠɛ, kaite eteai ɓɛtɛ yee ma.4Mazɔlɔɔ kpɔɛʋɛ adaʋɛ ta folo lɔfelasiɛi vaa zu ga:«Foloi lɔfelasiɛi, GALA ge looɠoni ná-botiiti pɛ ba.»5É bogɛ mɔnɔ, é ɠɛ ma:«Ti la lɔa nà-dooɠogi zu pɛ!»6Tɔɔzei niiti ti Woo Niinɛ Ʋagɔi mɛnini mɔunpa, naati ti la lɔɔni ná, woozotalalai maaʋele ma, tama makɛgɛ tanigaani bɛ ga ti lɔ ná,7GALA ge folo ɠila devea ga niinɛ, nii é ga «za». Suɠoozaai ma, é puuni Davide la, naa bo, eɠɛʋelei bogai la maazuʋɛ ga:«Ni wa GALA gooi mɛnina za,à mina wo-ɠigiti kpa.»8Mazɔlɔɔ ni Zozuwe dooɠogi veeni ti ya, GALA ge la ɓena ɓɔɛ ʋolu, é ʋa ʋilɛ foloi taɠili ba.9Dooɠo folo makɛgɛ dɛ GALA ná-nuɓusɛiti faa ma, nii kulaai ga folo lɔfelasiɛi,10mazɔlɔɔ zɔi é lɔɔzu GALA ná-dooɠogi zu, naa ɠa looɠosu ná-botiiti ba, eɠɛʋelei GALA ge looɠoni la nɔnɔiti ba.11Ade ɠaaɓa, de lɔ naama looɠogi zu, nii a kɛ nu nɔpɛ ge mina loo bu ga é ʋa ʋokɔɠɔ naati ma, ti kololalai ɠɛɛni.12Mazɔlɔɔ GALA daawooi ɠa vulua, zɛbɛi ɠɛ ba. Gaaliʋɛ é leʋe gaavele boɠa zɔkpɔi pɛ ba. Toɠa ɗa lɔ eyɛsu é zeeli ʋɛ zɛnvui ta nu ɠigi ti ɠomisu ná, eyɛsu é zeeli ʋɛ nu lodazuʋɛti ta nu ma ɓɔlɔgiti ti ɠomisu ná. Toɠa ɗa nu yii wɔinla vaiti ta ná-kisiɛiti buuzumɔ.13Kpɛtɛanii tanɔpɛ ge la lɔɔɠuni GALA gaazu, ti pɛ maaɲakaʋɛ, ti maaɠala naa ɠaazu, zɔi maanɛai de ʋoluvaawo ma.