Raq'ambı12tkr_ibt

Haruneeyiy Mayramee Mısayk'le cuvabbı eyhe

1Mısee Kuşeençe xhunaşşe hey'ıva, Haruneeyiy Mayramee mang'ulena haa'a vuxha.2Manbışe eyhen: – Nya'a Rəbb saccu Mısaykane yuşan hı'ı, şaka yuşan hı'ıcar dişde? Rəbbik'le man g'iyxhen.3Mısee mısacar vucecar vuc ögeeqa huvu deş, məxür vucecar vuc ıkkekkana merna insan dyunyelyne aq'valycar ıxha deş.4Rəbbee sayangada Mısayk'le, Harunuk'le, Mayramık'le eyhen: – Vuşda xhebırsana, Zaka yuşan haa'ane çadırısqa able. Manbışda xhebırsana maqa havayk'ananbı.5Rəbb mane gahıl buludne dirakee giç'u, çadırene ghalee ulyorzul Haruniy Mayram qoot'al. Manbışda q'öyursana ögiylqa qığeepç'ımee,6Rəbbee manbışik'le eyhen: – Həşde Yizde cuvabıl yugda k'ırı gyaqqe!Vuşde yı'q'nee Rəbbina peyğambarnang'aZı mang'us gyagvanaxhe,mang'uka nik'ee yuşanxhe ha'a.7Saccu Yizda nukar Mısa Zı manbışile axtıra aqqaqqa.Zı mang'ulqa Yizın milletcad g'alyadaççe.8Zı mang'uka işarabışka deş,hambazıka xhinne yuşan ha'a.Mang'uk'le Rəbb nəxürna ıxhay g'acuna.Nəxübne şu qı'dəpq'ı'nYizde g'uluna Mısaylena hav'u?
9Rəbb manbışilqa it'umra qəllamışxha mançe ayk'anna.10Çadırısse buludna dirak xəəqə ts'ıts'avxhamee, Harun sark'ıl Mayramıqa ilyakkıys, mana yiz xhinne cagvarane ı'xnabışin gyatsts'ı g'eece.11Mang'vee Mısayk'le eyhen: – Yizda xərna, hucoone ixhes, şi ina beynyavavallayiy bınah hav'uva şasqa cazaa ts'ıts'aa'as ulymooka.12Hucoone ixhes, hımaysar məng'ı'n tan yedine vuxhnecad qik'u qeçe gidğılne uşaxne tanık akarada axvas.13Mısee Rəbbilqa ona'a: – Allah, zı Vake heqqa, hucoone ixhes mana yug qee'e!14Rəbbee Mısayk'le eyhen: – Dakkee məng'ı'ne aq'vays tyu ı'xı'ynxhiy, nya'a mana yighılle yiğna ulele g'iyxhas dişdiy? Mana yighne yiğıs çadırbı gı'xhı'yne cigeençe qığeehe, yighne yiğıle məng'ı'sse maqa sayk'alas yeexə.15Mayram məxür yighılle yiğna menne cigee eexva. Mana çadırbı gı'xhı'yne cigeeqa qiyelesmee, millet cigeençe ı'ğiykır deş.
expand_more
Search