Mə'əllimın kitab2tkr_ibt

Yik'eençe ıkkanan karıd q'əran vuççud deşin kar vodun

1Zı zak'lecad uvhuyn: «Qoralan, zas yik'eençe ıkkanan karbı hı'ı, gırgınçike kef qığahas». Manıd q'əran vuççud deşin kar vodun.2Əqənayne hək'ee zı uvhuyn:«Bəç'əriyvalla!»Yik'eençe ıkkanne karbışded hək'ee zı uvhuyn:«Mançike hucoona hiyxhar?»3Zas ıkkiykınin yizda ək'el zalynang'a çaxır ulyodğu, bəç'əriyvallabı ats'axhxhes. Məxüd zas ats'axhxhesniy ıkkan, xəək avub sık'ınne gahıs huvuyne ı'mree, nişiniy insanaaşin yik'bı aaqa.4Zı ç'ak'ın işbı g'acu:zas xaybı ali'ı, t'ımıllığbı ezu,5bağbı, park'bı atçu,caa'ad gırgın meyvabı ezu.6Park'bışeene yivaaşisxhyan heles ixhecenvaxhinen golerıd hı'ı.7Həmbal adameriy həmbal zəiyfabı alivşu,zaqa, manbışileb ğayrı,yizde xaa yedike vuxhayn həmbalarıb vuxhaynbı.Çavra-vəq'əd zaqa zale ögeeİyerusalimee vuxhayne gırgıng'ule geedniy vod.8Zasın k'ınəəğəyiy nuk'rapaççahaaşineyiy vilayatbışde xazinaabışeençe sı'ı.Zas mə'niybı qətqəsın adameriy zəiyfabı ablyav'u.Adameeşis vukkiykanannekke micagın zəiyfabıb geeb qav'u.
9Zı məxür zale ögiyl İyerusalim vuxhaynbışiler karnana, qıvaats'ına ıxha. Mane gahılib yizda k'orana ək'el zalycab vuxha.10Yizde ules ıkkiykıninzı zale qiykkın deş.Yizde yik'es ıkkananzı gırgın hı'iyn.Man ha'an gırgınyizde yik'eençe ıxha.Mana zı qorxunahək' vuxha.11Zı qorxunne,yizde xılen g'acuyne işbışiqa sak'ı ilyakkımee,man gırgın q'əran vuççud deşin kar vodvazak'le ats'axhxhayn.Man mıtsıqa qihna g'adarxhuniyk akar.Xəək avud nişikecad vuççud hiyxhar deş.

«K'orana ək'elynanar bəç'ər xhinnecar qek'anacar»

12Qiyğa zı k'orane ək'eline, bəç'əriyvaline,beynyavaline hək'ee fıkır opxhun.Menne qalesde paççahısse nen medınine paççahee hidi'iyn işbı g'aces əxəyee?13Zalqa hitxhıriyn, nəxüdiy işix miç'axiyvalile yugda,məxbıb k'orana ək'el beynavavalile yugba vob.14K'orana ək'elynang'uk'levuc nyaqa ark'ıniy yugda g'ece,bəç'ərme miç'axiyvaleeiliyk'ar axva.Zak'leme q'öng'ünesanadvuk'lelqa sa kar qales ıxhay ats'an.15Zı zak'lecad uvhuyn:«Yizded vuk'lelqa bəç'ərne vuk'lelqa qöön qales.Manke zas nişistannane yizda k'orana ək'el?»Mançil-allad, zı zaled-alqa uvhuyn:«Manıd q'əran vuççud deşin kar vodun».16K'orana ək'elynanar, bəç'ər xhinnegeer gahna yik'el aqqas deş.Manbışda q'öyursanazarabacab yik'el hivxanasınbı.K'orana ək'elynanarbəç'ər xhinnecar qek'anacar!

İnsanee ha'an gırgın q'əran vuççud deşin kar vod

17I'mırıb zas g'umooce quvxha. Xəək avud ha'an gırgın kar zas qəla qıxha. Man gırgın q'əran vuççud deşin kar vodun. Man mıtsıqa qihna g'adarxhuniyk akar.18Zı verığık avud qorxu hı'iyn gırgın kar zas g'ımece qıxha. Zı hı'iyn gırgın kar zale qiyğa qalesıng'us axvas.19Şavuk'lene ats'a, mana ək'elikaname, bəç'ərme ixhes? Zı verığık avud k'orane ək'elikayiy qorxuyka hı'iyn karbı mang'une xılyaqa ılğeeç'es. Manıd q'əran vuççud deşin kar vodun.20Mançil-allad verığık avud qorxuyka ha'ane gırgıne karbışike zı mık'a qıxha.21Sang'vee k'orane ək'elika, ats'alika, yik'eençe hı'iyn kar, nekke qiyğa t'ubcab ı'ğviykar hidyav'une insanıs g'aleççes gexha. Manıd q'əran vuççud deşin kariy xəbna ver vobna!22İnsanıs verığık avur qorxuyke, yik' gyotxhuniyke hucoona hiyxhar?23Gırgıne gahbışil mang'vee aq'va qa'a, derd ts'ıts'aa'a. Xəmder fıkren mana arğançe orxhan eyxhe. Manıd q'əran vuççud deşin kar vodun.

Şadvalla Allahıke vob

24İnsannemee inekke yugun otxhun-ulyodğuyiy sayid cune qorxuyke kef qığavhiy vodun. Zak'le g'acuyn man gırgın helenar Allah vorna.25Mana dena şavusse oxhanas, yik' cigeeqa qalya'as əxəyee?26Allahee Cune ulen aqqıyng'us k'orana ək'el, ats'al, şadvalla hoole. Bınahbınang'usme kar sa'asda əq'üba hoole, qiyğale xhinne Cune ulen aqqıyng'us helesva. Manıd q'əran vuççud deşin kar vodun, mıtsıqab qihna g'adapxhıniyk akar.
expand_more
Search