Mark5
1နောက်လောင်နော့် စောင့်ယေရှုတောင်းတပဲ့မွန်းလေန အောင်းရောင်းတောင်းဖတ်နောင်ဂါလိလဲ ရာမှိန်းဂါရစ ထီန်ဟင်းကော်ဝိုက်။2မွန်းစောင့်န ဆီမေဟေး လုန်းကော်နွေ့ဆပ် ချရှ်ချန်း ကွန်းဖီမနီးပူးနယ့်ခမ်ကော်နိမ်န ဟပေါနယ့်ခေါက်ပ်အောင်းမွန်းစောင့် ဆီမေချန်းချိန်းဂူ အောက်မားကော်ဝိုက်။3ကွန်းဟောန့်န အူရာချန်းချိန်းဂူဆီ ဖောကော့် အောင်းစမွန်း တောင်းဆိုင်လိတ်တောင်း မမောက်ဟင်းပဲ့ဝိုက်။4ဟေဟောင်းဆီပေါဝါလော့် မွန်းန ပေးဟာပေးဟာ တောင်းဆိုင်လိတ်၊ တောင်းကွင်းလိတ်လေတောင်း မောက်ဝိုက်မေကော့် မွန်းန အောင်းဆိုင်လိတ်လေ ဆွဲခတ်ဆီ အောင်းကွင်းလိတ်အောင်းရောင်းရာတဉ်းမွန်းလေကော့် တက်ပ်ခတ်ကော်ဝိုက်။ မွန်းန အိုက်ချိုင်ဆီ အားရောင်ဝ်ညော့ အောင်းစမွန်း ဖော်ကော့် မထီန်းဟင်းပဲ့ဝိုက်။5မွန်းန ကူဝမ်းကူဝမ်း ကူခမ်ကူခမ် ရာခနောဝ်ကြားချန်းချိန်းဂူတောင်း ရာခနောဝ်ကြားကွန်းနွဲလေ ကွာခွန့်ကွာလောင်ဆီ စေဆီ အောင်းမွန်းတောင်းမွန်း တောင်းကောင့်ဟဉ်အောင်းဆိမ့်လေတောင်း စန်ထေဝိုက်။6မွန်းန အောင်းစောင့်ယေရှု ဆီမေအောင်းကိုင်း ဟောန်ကော်လော့် ပိုင်မားဆီ ရာခနာ့မွန်းစောင့် တောင့်ဝ်ခေါင်ဝ်ကော်ဝိုက်။7နောက်လောင်နော့် မွန်းန အောင်းစောင့်ယေရှု “လုစိုင်းစောင့်ဖလားအောင်းချဉ်းမြတ် ယေရှု၊ မောလာဟေဟောင်း အောင်းဟော။ အောင်းစဟော ပီမားနိစတ်၊ အောင်းနာမယ်စောင့်ဖလား အဉ်းဆီ အောင်းမော ဟောကန်တောစောင့်” ဆီ ဆိန်ကြမ်းကြမ်းတောင်း စေကော်ဝိုက်။8ကွန်းဟောန့်နယ့်ဝါနောင်နယ့်လ စောင့်ယေရှုန အောင်းစမွန်း “ဖီမနီး၊ ဆီမေကွန်းဟိုက် အောက်ကော်” ဆီ ဟောင့်ဝ်အမိန့်ကော်ညော့ဝိုက်။9နောက်လောင်နော့် စောင့်ယေရှုန အောင်းမွန်း “နာမယ်မောစေဟောင်း” ဆီ ထန်မ်ကော်လော့်
ကွန်းဟောန့်န “နာမယ်ကော ပေးလေဂေါင်။ ဟေဟောင်းဆီပေါဝါလော့် ဟောလေန ဖီမနီးလေမကျေးမလေ စူးဝိုက်ညော့” ဆီ ဖြေပေါက်ကော်ဝိုက်။10နောက်လောင်နော့် ဖီမနီးလေန အောင်းမွန်းစောင့် ဆီမေတီဟိုက် အောင်းစမနော် ဟပေါမဟော့်အောက် ပေးဟာပေးဟာ တောင်းပန်ဟင်းကော်ဝိုက်။11မေအချီန်ဟောန့်လော့် ရာခနေကွန်းနွဲခန့်ဟောန့် ဖွန်မူဖွန်နိမ်န ခါကျဉ်းဆီအူဝိုက်။12ဖီမနီးလေန အောင်းစောင့်ယေရှု “အောင်းစဟော ရာဖွန်မူဟောန့် အခွင့်အောင်းပူး ဟပေါနွိုက် ပွယ်ဟောင့်ဝ်အီ့” ဆီ တောင်းပန်ဟင်းကော်ဝိုက်။13စောင့်ယေရှုကော့် ခွင့်ဟောင့်ဝ်ကော်ဝိုက်။ မေနယ့်လော့် ဖီမနီးလေန ဆီမေကွန်းဟောန့် အောက်ဆီ ခနောဝ်မူလေ ပူးခေါင့်ဝ်ဟင်းကော်ညော့ ဟူတိုးမွန်းဆောင်န်ဟိန်တရောင်း ဖွန်မူန ဆီမေနေဖန်လာ ကျန်ကျန်ပိုင်တိုခနောဝ်ဟွေ့ဆီ နစ်နမ့်ဆီ သိုင်းဟင်းကော်ဝိုက်။14ကွန်းစောင့်လိန့်မူလေန ပိုင်ဆီ ရာမှိန်းမန့်လေ အောင်းပေးမားလေ ကွာလောင်ဝ်ပြားကော်ဝိုက်။ ကောပ့်နယ့်ညော့ ကွန်းလေန ပေးမားနောင်နူးဝါလ ဟပေါနယ့်တွဲ အောက်ဟင်းမားကော်ဝိုက်။15ရာစောင့်ယေရှု ကွန်းဟောန့်လေ ထီန်ဟင်းမားကော်လော့် ကွန်းဖီမနီးပူးနယ့်ခမ်ဟောန့်န ဆေဖလေ နွန်ဝိုက်ဆီ နောင်စောဝ်ကွန်းနီးညော့ အောင်းနောင်ဆီအူလ ဟောန်ဟင်းကော်လော့် နီးကိုးဟင်းကော်ဝိုက်။16ကွန်းဖီမနီးပူးနယ့်ခမ်တောင်း မူလေ ပေးနောင်နူးကော်ဝါလ ကွန်းစောင့်နယ့်ဟောန်လေန အောင်းကွန်းတန်းတီလေ လောင်ဝ်ပြားဟင်းကော်ဝိုက်။17မေနယ့်လော့် ကွန်းလေန အောင်းစောင့်ယေရှု ဆီအွန်းမနော် ဟပေါအောက်ကွာကော် စဆီ တောင်းပန်ဟင်းကော်ဝိုက်။18စောင့်ယေရှုခွန့်ခနေဟေးကော်နွေ့ဆတ် ကွန်းဖီမနီးပူးနယ့်ခမ်န တောင်းမွန်းစောင့်တောင်း ဟပေါနယ့်စောင်းမ် တောင်းပန်ကော်ဝိုက်။19တော်နယ်ကော့် စောင့်ယေရှုန အောင်းကွန်းဟောန့် မဟစောင်းမ်ဆီ “ပေါက်ဟုန်းမောဆီ စောင့်ဖလားန ခနေမော နောင်နူးဟေဟောင့်ဝ်မားဝါလတောင်း အောင်းမော အကြောင်းအီနူမားပါ အောင်းကွန်းမောလေ လောင်ဝ်ပြားကော်” ဆီ ဝါကော်ဝိုက်။20ကောပ့်နယ့်ညော့ ကွန်းဟောန့်န ကွာဆီ စောင့်ယေရှုန ခနေမွန်း နောင်နူးအောင်းနီးလေဟောင့်ဝ်မားဝါလ ရာမှိန်းဒေကာပေါလိ စဆီ တန့်ကော်ဝါကော်ဝိုက်။ အောင်းအကြောင်းဟောန့် ကွန်းနယ့်ဟဉ်းလေတောင်းလုန်ကော့် အမ်းဟင်းကော်ဝိုက်။21နောက်လောင်နော့် စောင့်ယေရှုန တောင်းဟေးတောင်း တောင်းဖတ်နောင်ဂါလိလဲ နောက်လောင်ဟာနိမ် ခမ့်ကွာဟင်းကော်ဝိုက်။ မွန်းစောင့်န တကြားအူရာခန့်နောင်န ကွန်းလေန ရာမွန်းစောင့် ထီန်စူးဟင်းမားကော်ဝိုက်။22ယာဣရုဆီအောင်းစေ ကွန်းတာဝန်ခမ်တလားစလပ်ကော်နိမ်န မားဆီ အောင်းစောင့်ယေရှု ခေါက်ပ်ကော်လော့် ရာခတောင့်ဝ်တဉ်းမွန်းစောင့် တောင့်ဝ်ခေါင်ဝ်ဆီ အိုပို့ကော်ဝိုက်။23မွန်းန “လုဆောင်ဝ်ကောလ နောင်တကောင့်ဝ်သိုင်းကော့်ညော့ ပေးဆီအူ။ ရောဂါမွန်းဟိုင်ဆီ အဆတ်ခွန်းဆီဟပေါနယ့်အူ မောစောင့်န ကြွမားဆီ ခနေမွန်း တောင်းမေးတောင်း တန်ဟောင့်ဝ်အွန်” ဆီ ပေးဟာပေးဟာ တောင်းပန်ကော်ဝိုက်။24ကောပ့်နယ့်ညော့ မွန်းစောင့်န တောင်းယာဣရုတောင်း စောင်းမ်ကွာကော်ဝိုက်။
ကွန်းဖွန်လေကော့် ဟီးတော်ဟင်းဆီ ခလောင်စောင့်ယေရှု စောင်းမ်ကွာဟင်းကော်ဆီ ကော်နိမ်တောင်းကော်နိမ် တိုက်စပ်တော်ဟင်းကော်ဝိုက်။25ရာခနောဝ်ကွန်းဖွန်ဟောန့် ဆစ်ပ်ဆောင်န်ပီးဟူ အောင်းပေးရောဂါနေ့လေ့ထောန် ကော့်ယဉ်းကော်နိမ်ကော့် ပါဝိုက်။26မွန်းန ရောဂါအိုက်နယ့်ခမ်စားညော့ အောင်းကွန်းစောင့်ထိုးရလေ ဟပေါနယ့်ဟောင့်ဝ် ပစ္စည်းအောင်းရောင်းရာမွန်းလေ ဆွန်းဆီ ရားမားမေကော့် ဆီမဟိုင်န ဆာဆီပေးထိုင့်မားကော်ဝိုက်။27မွန်းန အောင်းသတင်းစောင့်ယေရှု နယ့်ဟဉ်းကော်လော့် ခလောင်စောင့်ယေရှု ရာခနောဝ်ကြားဖွန်ကွန်း မားဆီ အောင်းဆေ့လုန်မွန်းစောင့် ထိကော်ဝိုက်။28ဟေဟောင်းဆီပေါဝါလော့် မွန်းန “ကောန အောင်းဆေ့လုန်စောင့်ယေရှု ထိကော်အင်တောင်း ရောဂါကောန ဟိုင်ပဲ့” ဆီ ထန်ညော့။29မွန်းန အောင်းဆေ့လုန်စောင့်ယေရှု ထိကော်အင်တောင်း ချရှ်ချန်း ရောဂါမွန်းအောင်းနေ့လေ့ထောန်န ရပ်ကော်ဆီ တိုးမွန်းကော့် ရောဂါဟောန့် ဟိုင်ကော်ဝါလ နယ့်ခံစားကော်ဝိုက်။30ချရှ်ချန်းကော့် စောင့်ယေရှုန ဆီမေမွန်းစောင့် အစွမ်းလေအောက်ကွာကော်ဝါလ ဟုကော်ဆီ တောင်းပါ့ဖွန်ကွန်း လှည့်ဆီ “အောင်းဆေ့လုန်ကော ဖောထိမား” ဆီ ထန်မ်ကော်ဝိုက်။31မေနယ့်လော့် တပဲ့မွန်းစောင့်လေကော့် “ဖွန်ကွန်းလုန်န ရာခန့်မောစောင့် အောင်းဟီးတော်ဟင်းဆီအူန ဟောန်ရတ်ရတ် ‘အောင်းကော ဖောထိမား’ ဆီ ဟေဟောင်းဆီ နယ့်ထန်မ်လ” ဆီ တန်ပြားဟင်းကော်ဝိုက်။32တော်နယ်ကော့် စောင့်ယေရှုန အောင်းမွန်း ဖောထိမားဝါလ ဟပေါနယ့်ဟု အောင်းကွန်းရောင်းရာခန့်မွန်းစောင့်လေ တွဲခွန့်တွဲလောင်ကော်ဝိုက်။33ကော့်ယဉ်းဟောန့်ကော့် ရာမွန်း ပေးနောင်နူးကော်ဝါလ ဟုညော့ နီးကိုးဆီ ရာခနာ့စောင့်ယေရှု မားဆီ နောင်တောင့်ဝ်ခေါင်ဝ်ဆီ ကာအောင်းပေးမားလေတောင်းလုန် နောင်အောင်းစော်အတိုင်း တန်ပြားကော်ဝိုက်။34မွန်းစောင့်ကော့် အောင်းစမွန်း “အီယန်၊ အောင်းမောယွန်မ်န ဟဟိုင်ကော် အောင်းစမော။ ဟူရိန်းစောဝ်ရိန်း ကွာမေ။ ရောဂါမော ဟိုင်ကော်” ဆီ ဝါကော်ဝိုက်။35မေမွန်းစောင့်ဝါနောင်နယ့်လ ဆီမေဟုန်းတာဝန်ခမ်တလားစလပ် ယာဣရုန ကွန်းမောင်းဖောင် ထီန်မားဆီ “လုဆောင်ဝ်မော သိုင်းကော်။ အောင်းစဆရာ ပီကွာနှောက်ယှက်ကော့်” ဆီ ဝါကော်ဝိုက်။36တော်နယ်ကော့် စောင့်ယေရှုန အောင်းခွမ်းဟောန့် မဟေအလေးဆီ အောင်းတာဝန်ခမ်တလားစလပ် အောင်းယာဣရု “ပီကိုး။ ရာမော အောင်းယွန်မ်နဲဟော် ဟရောင်း” ဆီ ဝါကော်ဝိုက်။37မွန်းစောင့်န အောင်းပေတရု၊ အောင်းယာကုပ်တောင်း နောင့်စိုင်းယာကုပ် အောင်းယောဟန်ဟော်နဲဟော် အောင်းဖောကော့် မဟစောင်းမ်ဝိုက်။38မနော်လေန ရာဟုန်းယာဣရု ထီန်ကော်လော့် ခေါင်းကော်မလောက်မလောက်ကော့်ဆီ အောင်းစေဆီဟိုင့်န မွန်းစောင့်ဟောန်ကော်ဝိုက်။39မွန်းစောင့်န ခေါင့်ဝ်ခနောဝ်ဟုန်းကော်ဆီ အောင်းကွန်းလေ “ဟေဟောင်းဆီ ခေါင်းကော်မလောက်မလောက် စေဆီ နယ့်ဟိုင့်ဟင်းန။ လအောင်အင်ဟိုက်န သိုင်းကော်မစော်။ နွမ်းနောက်ဆီ အူ” ဆီ ဝါကော်ဝိုက်။40မေနယ့်လော့် မနော်လေန အောင်းမွန်းစောင့် အောင်းဝ်မောဝ်ဟင်းကော်ဝိုက်။
တော်နယ်ကော့် မွန်းစောင့်န အောင်းစမနော် ဟော့်အောက်ခနောက်ဆီ အောင်းပေါ်မယ်လအောင်အင်ရယ် အောင်းတပဲ့မွန်းစောင့် ဆမ်ကော့်ဟော် ဟောင့်ဆီ ရာလအောင်အင်ဟောန့်ရောင်း ကွာဟင်းကော်ဝိုက်။41နောက်လောင်နော့် စောင့်ယေရှုန အောင်းမေးလအောင်အင် ကမ်းဆီ “တလိသကုမိ” ဆီ ဝါကော်ဝိုက်။ အဓိပ္ပါယ်ပေါဝါလော့် “ကော့်ယဉ်း အောင်းမောကောသဝါ၊ လု” ဆီ ပေးဝိုက်။42မေနယ်လော့် လအောင်အင်လ ချရှ်ချန်း လုဆီ ပိုင်းတန်းကော်ဝိုက်။ မွန်းန အရွယ်အဆတ်ဆစ်ပ်ဆောင်န်ပီးနဲဟော်အွန် ရောင်းဟောဝိုက်။ ကွန်းလေန ဟောန်အောင်းဟောန့်လေကော်လော့် အိုက်အမ်းဟင်းကော်ဝိုက်။43မွန်းစောင့်န အောင်းအဖြစ်အပျက်ဟောန့် ဖောကော့်ဟပေါမဟု ကြမ်းကြမ်း ဝါကော်ရောင့်ဝ် အောင်းစလအောင်အင် ခေါင်ကျဉ်းတိုးနိမ်မတူးနိမ် ဟပေါလိန့်ဟောင့်ဝ် အောင်းစပေါ်မယ်လအောင်အင် ဝါကော်ဝိုက်။
ကွန်းဟောန့်န “နာမယ်ကော ပေးလေဂေါင်။ ဟေဟောင်းဆီပေါဝါလော့် ဟောလေန ဖီမနီးလေမကျေးမလေ စူးဝိုက်ညော့” ဆီ ဖြေပေါက်ကော်ဝိုက်။10နောက်လောင်နော့် ဖီမနီးလေန အောင်းမွန်းစောင့် ဆီမေတီဟိုက် အောင်းစမနော် ဟပေါမဟော့်အောက် ပေးဟာပေးဟာ တောင်းပန်ဟင်းကော်ဝိုက်။11မေအချီန်ဟောန့်လော့် ရာခနေကွန်းနွဲခန့်ဟောန့် ဖွန်မူဖွန်နိမ်န ခါကျဉ်းဆီအူဝိုက်။12ဖီမနီးလေန အောင်းစောင့်ယေရှု “အောင်းစဟော ရာဖွန်မူဟောန့် အခွင့်အောင်းပူး ဟပေါနွိုက် ပွယ်ဟောင့်ဝ်အီ့” ဆီ တောင်းပန်ဟင်းကော်ဝိုက်။13စောင့်ယေရှုကော့် ခွင့်ဟောင့်ဝ်ကော်ဝိုက်။ မေနယ့်လော့် ဖီမနီးလေန ဆီမေကွန်းဟောန့် အောက်ဆီ ခနောဝ်မူလေ ပူးခေါင့်ဝ်ဟင်းကော်ညော့ ဟူတိုးမွန်းဆောင်န်ဟိန်တရောင်း ဖွန်မူန ဆီမေနေဖန်လာ ကျန်ကျန်ပိုင်တိုခနောဝ်ဟွေ့ဆီ နစ်နမ့်ဆီ သိုင်းဟင်းကော်ဝိုက်။14ကွန်းစောင့်လိန့်မူလေန ပိုင်ဆီ ရာမှိန်းမန့်လေ အောင်းပေးမားလေ ကွာလောင်ဝ်ပြားကော်ဝိုက်။ ကောပ့်နယ့်ညော့ ကွန်းလေန ပေးမားနောင်နူးဝါလ ဟပေါနယ့်တွဲ အောက်ဟင်းမားကော်ဝိုက်။15ရာစောင့်ယေရှု ကွန်းဟောန့်လေ ထီန်ဟင်းမားကော်လော့် ကွန်းဖီမနီးပူးနယ့်ခမ်ဟောန့်န ဆေဖလေ နွန်ဝိုက်ဆီ နောင်စောဝ်ကွန်းနီးညော့ အောင်းနောင်ဆီအူလ ဟောန်ဟင်းကော်လော့် နီးကိုးဟင်းကော်ဝိုက်။16ကွန်းဖီမနီးပူးနယ့်ခမ်တောင်း မူလေ ပေးနောင်နူးကော်ဝါလ ကွန်းစောင့်နယ့်ဟောန်လေန အောင်းကွန်းတန်းတီလေ လောင်ဝ်ပြားဟင်းကော်ဝိုက်။17မေနယ့်လော့် ကွန်းလေန အောင်းစောင့်ယေရှု ဆီအွန်းမနော် ဟပေါအောက်ကွာကော် စဆီ တောင်းပန်ဟင်းကော်ဝိုက်။18စောင့်ယေရှုခွန့်ခနေဟေးကော်နွေ့ဆတ် ကွန်းဖီမနီးပူးနယ့်ခမ်န တောင်းမွန်းစောင့်တောင်း ဟပေါနယ့်စောင်းမ် တောင်းပန်ကော်ဝိုက်။19တော်နယ်ကော့် စောင့်ယေရှုန အောင်းကွန်းဟောန့် မဟစောင်းမ်ဆီ “ပေါက်ဟုန်းမောဆီ စောင့်ဖလားန ခနေမော နောင်နူးဟေဟောင့်ဝ်မားဝါလတောင်း အောင်းမော အကြောင်းအီနူမားပါ အောင်းကွန်းမောလေ လောင်ဝ်ပြားကော်” ဆီ ဝါကော်ဝိုက်။20ကောပ့်နယ့်ညော့ ကွန်းဟောန့်န ကွာဆီ စောင့်ယေရှုန ခနေမွန်း နောင်နူးအောင်းနီးလေဟောင့်ဝ်မားဝါလ ရာမှိန်းဒေကာပေါလိ စဆီ တန့်ကော်ဝါကော်ဝိုက်။ အောင်းအကြောင်းဟောန့် ကွန်းနယ့်ဟဉ်းလေတောင်းလုန်ကော့် အမ်းဟင်းကော်ဝိုက်။21နောက်လောင်နော့် စောင့်ယေရှုန တောင်းဟေးတောင်း တောင်းဖတ်နောင်ဂါလိလဲ နောက်လောင်ဟာနိမ် ခမ့်ကွာဟင်းကော်ဝိုက်။ မွန်းစောင့်န တကြားအူရာခန့်နောင်န ကွန်းလေန ရာမွန်းစောင့် ထီန်စူးဟင်းမားကော်ဝိုက်။22ယာဣရုဆီအောင်းစေ ကွန်းတာဝန်ခမ်တလားစလပ်ကော်နိမ်န မားဆီ အောင်းစောင့်ယေရှု ခေါက်ပ်ကော်လော့် ရာခတောင့်ဝ်တဉ်းမွန်းစောင့် တောင့်ဝ်ခေါင်ဝ်ဆီ အိုပို့ကော်ဝိုက်။23မွန်းန “လုဆောင်ဝ်ကောလ နောင်တကောင့်ဝ်သိုင်းကော့်ညော့ ပေးဆီအူ။ ရောဂါမွန်းဟိုင်ဆီ အဆတ်ခွန်းဆီဟပေါနယ့်အူ မောစောင့်န ကြွမားဆီ ခနေမွန်း တောင်းမေးတောင်း တန်ဟောင့်ဝ်အွန်” ဆီ ပေးဟာပေးဟာ တောင်းပန်ကော်ဝိုက်။24ကောပ့်နယ့်ညော့ မွန်းစောင့်န တောင်းယာဣရုတောင်း စောင်းမ်ကွာကော်ဝိုက်။
ကွန်းဖွန်လေကော့် ဟီးတော်ဟင်းဆီ ခလောင်စောင့်ယေရှု စောင်းမ်ကွာဟင်းကော်ဆီ ကော်နိမ်တောင်းကော်နိမ် တိုက်စပ်တော်ဟင်းကော်ဝိုက်။25ရာခနောဝ်ကွန်းဖွန်ဟောန့် ဆစ်ပ်ဆောင်န်ပီးဟူ အောင်းပေးရောဂါနေ့လေ့ထောန် ကော့်ယဉ်းကော်နိမ်ကော့် ပါဝိုက်။26မွန်းန ရောဂါအိုက်နယ့်ခမ်စားညော့ အောင်းကွန်းစောင့်ထိုးရလေ ဟပေါနယ့်ဟောင့်ဝ် ပစ္စည်းအောင်းရောင်းရာမွန်းလေ ဆွန်းဆီ ရားမားမေကော့် ဆီမဟိုင်န ဆာဆီပေးထိုင့်မားကော်ဝိုက်။27မွန်းန အောင်းသတင်းစောင့်ယေရှု နယ့်ဟဉ်းကော်လော့် ခလောင်စောင့်ယေရှု ရာခနောဝ်ကြားဖွန်ကွန်း မားဆီ အောင်းဆေ့လုန်မွန်းစောင့် ထိကော်ဝိုက်။28ဟေဟောင်းဆီပေါဝါလော့် မွန်းန “ကောန အောင်းဆေ့လုန်စောင့်ယေရှု ထိကော်အင်တောင်း ရောဂါကောန ဟိုင်ပဲ့” ဆီ ထန်ညော့။29မွန်းန အောင်းဆေ့လုန်စောင့်ယေရှု ထိကော်အင်တောင်း ချရှ်ချန်း ရောဂါမွန်းအောင်းနေ့လေ့ထောန်န ရပ်ကော်ဆီ တိုးမွန်းကော့် ရောဂါဟောန့် ဟိုင်ကော်ဝါလ နယ့်ခံစားကော်ဝိုက်။30ချရှ်ချန်းကော့် စောင့်ယေရှုန ဆီမေမွန်းစောင့် အစွမ်းလေအောက်ကွာကော်ဝါလ ဟုကော်ဆီ တောင်းပါ့ဖွန်ကွန်း လှည့်ဆီ “အောင်းဆေ့လုန်ကော ဖောထိမား” ဆီ ထန်မ်ကော်ဝိုက်။31မေနယ့်လော့် တပဲ့မွန်းစောင့်လေကော့် “ဖွန်ကွန်းလုန်န ရာခန့်မောစောင့် အောင်းဟီးတော်ဟင်းဆီအူန ဟောန်ရတ်ရတ် ‘အောင်းကော ဖောထိမား’ ဆီ ဟေဟောင်းဆီ နယ့်ထန်မ်လ” ဆီ တန်ပြားဟင်းကော်ဝိုက်။32တော်နယ်ကော့် စောင့်ယေရှုန အောင်းမွန်း ဖောထိမားဝါလ ဟပေါနယ့်ဟု အောင်းကွန်းရောင်းရာခန့်မွန်းစောင့်လေ တွဲခွန့်တွဲလောင်ကော်ဝိုက်။33ကော့်ယဉ်းဟောန့်ကော့် ရာမွန်း ပေးနောင်နူးကော်ဝါလ ဟုညော့ နီးကိုးဆီ ရာခနာ့စောင့်ယေရှု မားဆီ နောင်တောင့်ဝ်ခေါင်ဝ်ဆီ ကာအောင်းပေးမားလေတောင်းလုန် နောင်အောင်းစော်အတိုင်း တန်ပြားကော်ဝိုက်။34မွန်းစောင့်ကော့် အောင်းစမွန်း “အီယန်၊ အောင်းမောယွန်မ်န ဟဟိုင်ကော် အောင်းစမော။ ဟူရိန်းစောဝ်ရိန်း ကွာမေ။ ရောဂါမော ဟိုင်ကော်” ဆီ ဝါကော်ဝိုက်။35မေမွန်းစောင့်ဝါနောင်နယ့်လ ဆီမေဟုန်းတာဝန်ခမ်တလားစလပ် ယာဣရုန ကွန်းမောင်းဖောင် ထီန်မားဆီ “လုဆောင်ဝ်မော သိုင်းကော်။ အောင်းစဆရာ ပီကွာနှောက်ယှက်ကော့်” ဆီ ဝါကော်ဝိုက်။36တော်နယ်ကော့် စောင့်ယေရှုန အောင်းခွမ်းဟောန့် မဟေအလေးဆီ အောင်းတာဝန်ခမ်တလားစလပ် အောင်းယာဣရု “ပီကိုး။ ရာမော အောင်းယွန်မ်နဲဟော် ဟရောင်း” ဆီ ဝါကော်ဝိုက်။37မွန်းစောင့်န အောင်းပေတရု၊ အောင်းယာကုပ်တောင်း နောင့်စိုင်းယာကုပ် အောင်းယောဟန်ဟော်နဲဟော် အောင်းဖောကော့် မဟစောင်းမ်ဝိုက်။38မနော်လေန ရာဟုန်းယာဣရု ထီန်ကော်လော့် ခေါင်းကော်မလောက်မလောက်ကော့်ဆီ အောင်းစေဆီဟိုင့်န မွန်းစောင့်ဟောန်ကော်ဝိုက်။39မွန်းစောင့်န ခေါင့်ဝ်ခနောဝ်ဟုန်းကော်ဆီ အောင်းကွန်းလေ “ဟေဟောင်းဆီ ခေါင်းကော်မလောက်မလောက် စေဆီ နယ့်ဟိုင့်ဟင်းန။ လအောင်အင်ဟိုက်န သိုင်းကော်မစော်။ နွမ်းနောက်ဆီ အူ” ဆီ ဝါကော်ဝိုက်။40မေနယ့်လော့် မနော်လေန အောင်းမွန်းစောင့် အောင်းဝ်မောဝ်ဟင်းကော်ဝိုက်။
တော်နယ်ကော့် မွန်းစောင့်န အောင်းစမနော် ဟော့်အောက်ခနောက်ဆီ အောင်းပေါ်မယ်လအောင်အင်ရယ် အောင်းတပဲ့မွန်းစောင့် ဆမ်ကော့်ဟော် ဟောင့်ဆီ ရာလအောင်အင်ဟောန့်ရောင်း ကွာဟင်းကော်ဝိုက်။41နောက်လောင်နော့် စောင့်ယေရှုန အောင်းမေးလအောင်အင် ကမ်းဆီ “တလိသကုမိ” ဆီ ဝါကော်ဝိုက်။ အဓိပ္ပါယ်ပေါဝါလော့် “ကော့်ယဉ်း အောင်းမောကောသဝါ၊ လု” ဆီ ပေးဝိုက်။42မေနယ်လော့် လအောင်အင်လ ချရှ်ချန်း လုဆီ ပိုင်းတန်းကော်ဝိုက်။ မွန်းန အရွယ်အဆတ်ဆစ်ပ်ဆောင်န်ပီးနဲဟော်အွန် ရောင်းဟောဝိုက်။ ကွန်းလေန ဟောန်အောင်းဟောန့်လေကော်လော့် အိုက်အမ်းဟင်းကော်ဝိုက်။43မွန်းစောင့်န အောင်းအဖြစ်အပျက်ဟောန့် ဖောကော့်ဟပေါမဟု ကြမ်းကြမ်း ဝါကော်ရောင့်ဝ် အောင်းစလအောင်အင် ခေါင်ကျဉ်းတိုးနိမ်မတူးနိမ် ဟပေါလိန့်ဟောင့်ဝ် အောင်းစပေါ်မယ်လအောင်အင် ဝါကော်ဝိုက်။
Empower Asia Bible Translation Movement