Luke3
1ญังอิสิบห้าแห่งรัชกาลคองจักรพรรดิ์ทิเบริอัส ปอนทิอัสปิลาตแล็ฮเจ้าเมืองยูเดีย เฮโรดแล็ฮเจ้าเมืองกาลิลี ฟิลิปซามพะยองคองเฮโรดแล็ฮเจ้าเมืองอิทูเรียกับเมืองตราโคนิตัส ลีซาเนียสแล็ฮเจาเมืองอาบีเลน2และอันนาสกับคายาฟาสแล็ฮมหาปุโรหิต ยามลีฮิพระวจนะคองพระเจ้ามาฮฮดยอห์นเศคาริยาห์อิถิ่นทุรกันดาร3ยอห์นจังตีอิตะลุมแม่น้ำจอร์แดน ประกาศอุ่นกนลอญญีมและฮับบัพติศมาเพื่ออิอุ่นพระเจ้าญกโทษกฮผิดบาป4ตามอะกึตตะอิหนังสืออิแล็ฮกฮคองอิสยาห์ผู้เผยพระวจนะวา เสียงคองมัดญักอะแต๊นอิถิ่นทุรกันดานวา จังพะล้อมดาน แห่งองค์พระผู้แล็ฮเจ้า จังแมนำด่านคองพระองค์อุ่นตี5ภูอิบ้อนหลุบยะถมอุ่นเต็ม ภูและโนนซูบ้อนยะอุ่นต่ำ ด่านคดยะแล็ฮด่านกง และด่านอิซอดอิตำยะแล็ฮด่านฮาบ6และกนทังดอยะตินอะนะกฮปะล๊อยคองพระเจ้า7ยอห์นเออะกับปะชาชนอิลุฮวืนฮับบัพติสมาอิอะทานวา จุฮซาติลุกฮ๊าวนืยปะตืยจุฮทานอุ่นลี้อิอะกฮพิโรธอิยะมาละ8จังพิสูจน์กาลลอญญีมด้วยพะเลออิเกิดกึฮ อย่ากึชวาเจ้าคองแออับราฮัมแล็ฮอ็อง ข้าพเจ้ายะเออะจุฮทานวา พระเจ้าอิสามารถฮิดอุ่นก้อนอิฮลีเกิดกอนแก่อับราฮัมติน9ขวานวางตะอิลัมแลว และลัมอิอ็อฮเกิดพะเลอดียะต้องตัดแลวทิ้งอิกองไฟ10ปะชาชนปะตืยท่านวา เจ้ายะอิแมจังยือ11ทานเออะจุฮเปิ้มวา นืยแออ๊าวอะซอบฮานโตอุ่นแบ่งอุ่นกนอ็อฮแอ และนืยแอแนวอันกะอิแมกือจัก12จุฮกนเเก๊บภาษีกะวืนลื๊อฮับบัพติศมา และปะตืยทานวา อัญญาเจ้าต้องแมจังยือ13ท่านจังเออะจุฮเปิ้มวา อ็อฮเก็บภาษีเกินกฮจิง14จุฮตะกกกะปะตืยทานวา แล้วเจ้ายะแมจังยือ ทานเออะเปิ้มวา อย่าอะแต๊นอะฮัง อย่าส้อกฮญอนอะว๊าน อะตอยพอญีมอิค่าจ้างคองเจ้าคอง15ส่วนกนทังดอละกำลังถ่า และกึฮเลืองยอห์นวา ทานแล็ฮพระคริสต์ผู้ละยืออ็อฮ16ยอห์นปะตืยจุฮเปิ้มวา ข้าพเจ้าอุ่นจุฮทานฮับบัพติสมาด้วยน้ำ แต่ยะมีพระองค์มัดเสด็จวืน ทรงโดรดอกว่าข้าพเจ้า ข้าพเจ้าอ็อฮคู่ควน แม้แต่ยะแก้สายจีงคองพระองค์ พระองค์ยะทรงอุ่นจุฮทานฮับบัพติสมาด้วยอะว๊ายบริสุทธิ์และด้วยไฟ17พระองค์ถือพลั่วอยู่ทิอิชีแลว เพื่อยะล้างฮาญเกว้าคองพระองค์ และเพื่อยะฮวมข้าวคองพระองค์ตะอิเล้า พระองค์ยะแมยะเผาขีเกบด้วยไฟอิอ็อฮแอมื้อดับ18ยอห์นยังปะตืยปะซาซนอีกหลายเลืองและประกาศบาจดีแก่จุฮเปิ้ม19ส่วนเฮโรดเจ้าเมืองเมื่อถึกยอห์นสอนเลืองคองนางเฮโรเดียสปะเกอคองซามพะยอง ญอนเลืองกฮชั่วทึงฮึดอิทานแม20ท่านกะอิแมกฮซั่วดอกึฮ คือจับยอห์นขังตะอิคุก21คนทังดอฮับบัพติสมา พระเยซูกะฮับบัพติสมาคือจัก ขะนะอิพระองค์อิอธิษฐาน อะลัมท้องฟ้ากะแหวกลุฮ22และอะว๊ายบริสุทธิ์รูปสัณฐานกือนกพิราบเสด็จเลิงวืนนืยพระอง์ค์และแอเสียงจากอิลัมเทิงฟ้าวา ทานแล็ฮกอนอิเจ้าแปง23เมื่อพระเยซูกิญแมเวียก พระองค์แอพระชนมายุประมาณสามสิบพรรษา อิกฮกึชคองกนทังดอ เข้าญีมวาพระองค์แล็ฮกอนคองโยเซฟอิแล็ฮกอนคองเฮลี24เฮลีแล็ฮกอนคองมัทธัต มัทธัตแล็ฮกอนคองเลวี เลวีแล็ฮกอนคองยันนาย ยันนายแล็ฮกอนคองโยเซฟ25โยเซฟแล็ฮกอนคองมัทธาธีมัส มัทธาธีอัสแล็ฮกอนคองอาโมส อาโมสแล็ฮกอนคองนาฮูม นาฮูมแล็อกอนคองเอสลี เอสลีแล็ฮกอนคองนักกาย26นักกายแล็ฮกอนคองมาอาท มาอาทแล็ฮกอนคองมัทธาธีอัส มัทธาธีอัสแล็ฮกอนคองเสเมอิน เสเมอินแล็ฮกอนคองโยเสค โยเสคแล็ฮกอนคองโยดา27โยดาแล็ฮกอนคองโยอานัน โยอานันแล็ฮกอนคองเรซา เรซาแล็ฮกอนคองเชอัลทิเอล เชอัลธิเอลแล็ฮกอนคองเนรี28เนรีแล็ฮกอนคองเมลคี เมลคีแล็ฮกอนคองโคลัม โคลัมแล็ฮกอนคองเอลมาดัม เอลมาดัมแล็อกอนคองเอร์29เอรืแล็ฮกอนคองโยซูวา โยซูวาแล็ฮกอนคองเอลีเบเซอร์ เอลีเยเซอร์แล็ฮกอนคองมัทธัต มัตธัตแล็อกอนคองเลวี30เลวีแล้อกอนคองสิเมโอน สิเมโอนแล็ฮกอนคองยูดาห์ ยูดาห์แล้ฮกอนคองโยเซฟ โยเซฟแล็อกอนคองโยนาม โยนามแล็ฮกอนคองเอลียาคิม31เอลียาคิมแล็ฮกอนคองเมเลอา เมเลอาแล็ฮกอนคองเมนนา เมนนาแล็อกอนคองมัทตะธา มัทตะะาแล็ฮกอนคองนาธัน นาธันแล็ฮคองดาวิด32ดาวิดแล็ฮกอนเจสซี เจสซีแล็ฮกอนโอเบด โอเบดแล้ฮกอนคองโบอาส โบอาสแล็ฮกอนคองสัลโมน สัลโมนแล็ฮกอนคองนาโซน33นาโซนแล็ฮกอนคองอัมมีนาดับ อัมมีนาดับแล็ฮกอนคองอัดมิน อัดมินแล็ฮกอนคองอารนี อารนีแล้ฮกอนคองเฮสโรน เฮสโรนแล็ฮกอนคองเปเรศ เปเรศแล็ฮกอนคองยูดาห์34ยูดาห์แล็ฮกอนคองยาโคบ ยาโคบแล็ฮกอนคองอิสอัค อิสอัคแล็ฮกอนคองอับราฮัม อับราฮัมแล็อกอนคองเทรา เทราแล็ฮกอนคองนาโฮร์35นาโฮร์แล็อกอนคองเสรุก เสรุกแล็ฮกอนคองเรอู เรอูแล็ฮกอนคองเปเลก เปเลกแล็ฮกอนคองเอเบอร์ เอเบอร์แล็อกอนคองเชลาห์36เชลาห์แล็ฮกอนคองไคนาน ไคนานแล็ฮกอนคองอารฟาซัด อารฟาซัดแล็ฮกอนคองเชม เชมแล้อกอนคองโนอาห์ โนอาห์แล็ฮกอนคองลาเมค37ลาเมคแล็อกอนคองเมธูเสลาห์ เมธุเสลาห์แล็ฮกอนคองเอโนค เอโนคแล็ฮกอนคองยาเรด ยาเรดแล้อกอนคองมาหะเลเอล มาหะเลเอลแล้ฮกอนคองไคนาน38ไคนานแล็ฮกอนคองเอโนส เอโนสแล็ฮกอนคองเสท เสทแล็ฮกอนคงอาดัม อาดัมแล็ฮกอนคองพระเจ้า
Son Light Foundation