Luke21
1พระองค์เงยหน้ากึฮอะนะกนฮั่งทังดอเอาอะว๊านมาใส่อิตู้แก็บอะว๊าน2พระองค์กะอะนะกุนปะเกอกนมัดแล็ฮกนทุกข์ เอาอะว๊านเหรียญทองแดงฮานอันมาใส่ด้วย3พระองค์เออะวา เจ้าปะตืยทานทังดอกฮจิงวา กุนปะเกอกนลีแล็ฮกนอิอุ่นดอกว่าหมู่4เพราะวาซูญักเอาอะว๊านอิเหลือใซ้มาถวาย แต่กุนเกอกนลีทุกข์อิซอด ยังเอาอะว๊านอิมีอยู่มีแล็ฮเลี้ยงซีวิตเจ้าคองมาอุ่นจนมึด5ลางกนเออะญ้องพระวิหารวางามและซูสิ่งแล็ฮคองดี พระองค์จังเออะวา6สิ่งเหล่าลีอิจุฮทานอะนะยะมีมื้อมัดอิยะอ็อฮแอก๊อนอิฮซ้อนทับกันแม้แต่ก๊อนเดียวแตยะถึกม้างลงมึด7จุฮเปิ้มเออะปะตืยว่า อัญญา เหตุการณ์จุฮลียะเกิดกึฮมื้อยือ อิยือแล็ฮหมายสำคัญวาเก้อยะฮฮดยะเกิดกึฮแลว8พระองค์จั่งเออะวา อุ่นระวัง อย่าอุ่นนืยล่อทานอุ่นหลง เพราะวายะมีหลายกนมาอ้างนามคองเจ้าเออะวา เจ้าแล็ฮผู้ละ และเออะวา ญามละเก้อลอญวืนแลว อย่านำจุฮเปิ้มตีเละ9เมือจุฮทานตินยินเลืองสงคามและกฮวุ่นวาย อย่าตื่นทะลืยญีม ย็อนสิ่งเหล่าละแล็ฮต้องเกิดกึฮ แต่มื้อส้นยุคยะยังอ็อฮวืนถึง10แลวพระองค์เออะกับจุฮเปิ้มวา ปะซาซาตกับปะซาซาต อาณาจักรยะสู้กัน11ทังยะเกิดแผ่นกะตักสั่นโดร การอึดแนวกิน โรคระบาด และยะเกิดกฮสะเลิ้นและหมายสำคัญโดรจากอิลัมฟ้า12แต่ก่อนอิยะเกิดเหตุการณ์เหล่าละ เปิ้มทังดอยะจับจุทานตะและยะข่เหง และยะส่งโตทานตีอิธรรมศาลาและคุก และยะปาทานตีอยู่หน้ากษัตริย์และเจ้าเมือง เพราะจุฮทานอะนะแก่นามคองเจ้า13สิ่งลียะเกิดกับจุฮทานเพื่ออิทานยะตินแล็ฮพะยาน14จะมงเถอะ ทานยะต้องจือตะวา อ้อฮต้องพล้อมตะก่อนวายะแก้คดีจังยือ15เพราะวาเจ้ายะอุ่นกฮเออะและปัญญาแกทาน จูฮศัตรูคองทานยะต่อต้านและคัดค้านอ็อฮติน16แม้แต่อ็องแหม่ ญาติพี่น้อง หมู่เสี่ยวกะยะมอบโตจุฮทานตะและจุฮเปิ้มยะเจิ่ดจุฮทานลางกน17ซูญักยะซังจุฮทานญ้อนซือคองเจ้า18แต่ผมจักเส้นมัดคองทานกะยะอ็อฮเสียตี19จุฮทานยะตินซีวิตปะล๊อยโดยความอดทนคองทาน20เมื่อจุฮทานอะนะตะกกามล้อมกรุงเยรูซาเล็ม อุ่นฮุฮว่าวิบัติคองเมืองละเก้อลอญวืนแลว21ญามละอ่นกนอิอยู่อิแคว้นยูเรียลี้ตีอิลัมภู และกนอิอยู่อิเมืองอุ่นออกจากอิละ และกนอิอยู่นอกเมืองออย่าอุ่นลอญวืนอิเมือง22เพราะวาญามละแล็ฮมื้อแห่งการลงโทษเพื่อยะอุ่นซูสิ่งอิตะกึตตะละสำเร็จ23อิมื้อเหล่าละ วิบั๖ิแก่กุนเกออิมีคาอันยือมีกอนอิ๊ดอิ๊ด เพราวายะมีกฮทุกข์โดรอิลัมแผ่นกะตัก และพระพิดรธยะตกแก่ชนชาติลี24จุฮเปิ้มยะล้มลงญ้อนคมดาบและยะถึกเอาตีแล็ฮเชลยคองกนทังดอ และกนต่างซาติยะเหยียบยะญ๋ามกรุงเยรุซาเล็มจนฮฮดญามอิกำหนดคองกนต่างซาตละยะคบ25ยะมีหมายสำคัญอิดวงตาเว็น อิดวงอิเกิ้ง และอิดาวทังดอและอิลัมแผ่นกะตักละ ซาติทังดอยะมีกฮทุกข์และความทะลืยเพราะเสียงอะแต๊นอะฮังคองทะเล26มนุษย์ยะหลับตีญ้อนกฮสะเลิ้น ญ้อนเหตุการณ์อิยะเกิดกึฮอิโลก ญ้อนซุมสิ่งอิมีฤทธานุภาพอิอิลัมฟ้ายะสะเดิ้นด๊าน27มื้อละจุฮเปิ้มยะอะนะกอนมนุษย์ฮิแต็ฮวืนอิเมฆ ด้วยฤทธานุภาพและพระรัศมีอันโดร28เมือเหตุการณ์เหล่าลีกิญยะเกิดกึฮละ อุ่นลุกกึฮยืน ญ้อนวาการไถ่โตจุฮทานเก้อยะวืนฮฮดแลว29พระองค์เออะผะญ๋าแก่จุฮเปิ้มวา อุ่นเบิงโกกมะเดือและโกกลัมทังหลายเถอะ30เมือใบหล๊นจุฮทานกะอะนะและฮุฮวา ยามฮ้อนเก้อยะมาฮฮดแลว31จะมงเถอะ เมือทานอะนะเหตุการณ์เหล่าลีเกิดกึฮ กะอุ่นฮุฮวาแผ่นกะตักคองพระเจ้าเก้อยะวืนฮฮดแลว32เจ้าปะตืยฏฮจิงกับจุฮทานวา กนอิยุคลียะอ็อฮเจิ่ดตีจนกว่าซูสิ่งยะเกิดกึฮ33ฟ้าและกะตักยะล่วงตี แต่ซูมกฮคองเจ้ายะอ็อฮหาย34จงระวังโตอุ่นดี สะเลิ้นวาญีมคองทานยะเต็มตีด้วยกฮซั่ว การเมาเหล้า กฮกังวลถึงซีวิตลี แลวญามละยะวืนฮฮดทานโดยอ็อฮกึฮ35คึกันกัลล๊วง ญ้อนวามื้อละยะวืนฮฮดซูญักอิอยู่ทั่วแผ่นกะตักคองโลก36อุ่นเฝ้าระวังอยู่ซูโมงญาม จังอธิษฐานเพือจุฮทานยะมีแฮงปะล๊อยจากเหตุการณ์ซูสิ่งอิยะเกิดกึฮ และยะยืนอยุ่๖่อหน้าคองกอนมนุษย์ติน37พระองค์กะสั่งสอนอิพระวิหารอิญามมื้อเว็น และอิญามมื้อแลง พระองค์กะฮิแต็ฮลอญตีจงเลิงอิลัมภูอิซือมะก๊อกเทศ38ปะซาซนซูญักกะวืนหาพระองค์อืพระวิหารแต่มื้องายเพื่อยะฟังพระองค์
Son Light Foundation