पुक्तीक डोरी
1मिनु गो इर कोव़ङुनु, पुक्तीक डोरी शेशो मुर का आं ङोंइती राप्शो ताता। इजीकीएल ४०:३2मिनु गो मेको कली “गे ते गाक्नी?” दे हिल्लो पाता। मिनु मेकोमी आं कली “यरूसलेम पुक्शा, मेको दोशो दुइश्शो नु दोशो ब्रेम्शो बाक्मे, मेको कोव़थ लती” दे माइक्ती।3मिनु मेको गो नु लोव़ पाइब, स्वर्ग ङा गेय पाइब जाक्त। मिनु अर्को स्वर्ग ङा गेय पाइब मेको कली ग्रुम्थ जाक्त। इजीकीएल ३८:११4मिनु मेकोमी “दोरशा लशा मेको ठिटा कली ‘यरूसलेममी लेंशा शुश मुर बाक्चा माल्नीम। मुर नु बी ब्यफ, क्यारश भेडा शुश दुम्तीके यरूसलेम गारो मपाइश्शो गाउं खोदेंशो दुम्ब।5मिनु गो मेको आ एर ओंथ मी के गारो दुम्नुङ। मिनु गो मेको आ आगा ङा छेङछेङ दुम्नुङ’ दे परमप्रभु यावेमी देंत, देनो” देंत। जकरिया ९:८इस्राएली लेश्शा जाक्चा माल्शो
6परमप्रभु यावेमी “जाक्कीन जाक्कीन, उत्तर ङा रागी रे प्रोक्शा जाक्कीन। मारदे हना गो इन कली एर ओंथ ङा फशेमी खोदेंशो पा फ्राता” दे परमप्रभु यावेमी देंत।7मेकोमी आं कली “आबी, सियोन, गे बेबीलोन ङा मुर आन दाते रे बोक्शा, प्रोक्कीन।8मारदे हना मुर नेल्ल आन परमप्रभु यावेमी इन कली रोइक्ब रागी रागी ङा मुर आन पर्बम मार देंत देंशा हना ‘सुमी इन कली थीबा, मेकोमी आं मिक्च आ क्रिक्बील थीब’ देंत। ब्यवस्था ३२:१०9मुल नेनीन, गो आं गुइ मेको आन पर्बम क्युक्नुङ। मिनु मेको आन वाइलमी मेको आन कली रोइक्नीम। मिनु गेपुकीमी मुर नेल्ल आन परमप्रभु यावेमी आं कली सोइश्शो बाक्ब, दे तुइक्नीनी। ब्यवस्था ३२:१०10सियोन आ तमी, ग्येरशा सोम्शा कुम्सो पावो। मारदे हना गो इन दातेमी बाक्थ जाक्नुङ।11मेको नाक्त शुश रागी ङा मुरपुकी परमप्रभु यावे नु गारचा कली जाक्नीम। मेको नाक्ती मेको आं मुर दुम्नीम। मिनु गो गे इन दातेमी बाक्नुङ। मिनु गेपुकीमी मुर नेल्ल आन परमप्रभु यावेमी आं कली इन कली लोव़ पथ सोइश्शो बाक्ब, दे तुइक्नीनी” दे परमप्रभु यावेमी देंत। यसैया ११:१०12परमप्रभु यावेमी यहूदा रागी कली आ के सेल्ब। मिनु यरूसलेम कली लेंशा योव़ब। जकरिया १:१७13रागी ङा मुर नेल्ल परमप्रभु यावे आ ङोंइती सिक्सी पा बाक्कीन। मारदे हना मेको आ बाक्तीक रे पा ग्रूशा जाक्शो बाक्ब। हबकुक २:२०