भजन संग्रह61suz_wbt
परमप्रभुमी वारच पशो
कुम्सो पपाइक्ब कली तार पाइश्शो ताप्तीके ताप्शा पतीक, दाऊद आ कुम्सो।
1परमप्रभु, आं ब्रेश्शो नेनीन। आं पुंइशो लोव़ नेनीन।2गो ङोन रागी रे इन कली ब्रेत्नुङ। आं थुं ग्येत्थ लुक्च दुम्मेनु, ब्रेत्नुङ। आं कली लाइश्शो सेरथे फुल्लु तार लाइय्यीनी।3मारदे हना गे आं ख्रुइक्तीके बाक्नीनी। गे ङोंइती रे आं जोरी सत्रुमी मथित्तीके बोल्यो लाइश्शो खिं बाक्नीनी। भजन संग्रह ७१:३; हितोपदेस १८:१०4गे आं कली इन ताम्बुमी गेना हना यो बाक्चा गेने। मिनु इन फ्रां आगाम ख्रुंइसीनुङ।ठेयब सेंदा पा।भजन संग्रह १७:८5परमप्रभु, गे आं कसम जशो नेंतीनी। गे इन नें कली मान पा हिंब आन कली गेशो खोदेंशो पा, आं कली यो गेतीनी।6पिप कली शुश ब्रोंइतीक नाक्त गेने। शुश पाला सम्म आ ब्रोंइतीक नाक्त बारपतीन। भजन संग्रह २१:५7मेको परमप्रभु आ ङोंइती गेना हना यो आ नित्तीकेम बाक्चा तवल। इन गेना हना यो दाक्तीके नु इन दाक्शा मप्रोंइतीकेमी मेको कली खाल पपतीन। २सामुएल ७:१६8मेना गो इन नें गेना हना यो ठेयब सेल्तीक कुम्सो पाइनुङ। मिनु नाक्त किंत किंत गो आं कसम जशो खाप्नुङ।No translations available.