इस्राएली आन गाक्शो लां
1मिनु इस्राएली लडाइ पाइब खोदेंशो पा इजीप्त रे हुल हुल पा गाक्तेक्म। मोसा नु हारून मेको आन लां कोंइब बाक्ताक्स।2मिनु मोसामी परमप्रभु यावेमी देंशो खोदेंशो पा ते ते लचा माल्बा, नेल्ल ब्रेक्ताक्व। मिनु आन गाक्शो लां ङा रागी नु सहर तेको तेको बाक्तेक्म देंशा हना,3मेकोपुकी ङोंइती ङा महिना ङा १५ नाक्ती रामेसेस रे गाक्चा गोम्तेक्म। मिनु इजीप्ती नेल्ल आन ङोंइती काइ महिंथु पास्सा चाड आ दीसा नाक्ती गाक्चा गोम्तेक्म। प्रस्थान १:११; प्रस्थान १२:२,६; प्रस्थान ३:१९4मेना इजीप्तीपुकीमी परमप्रभु यावेमी साइश्शो आन ङोंइती जरमेशो तौ आन कली थिम्शो बाक्तेक्म। मिनु परमप्रभु यावेमी मेको आन देवी देवता आन कली यो निसाफ पशो बाक्त।5मिनु इस्राएलीपुकी रामेसेस रे गाक्शा, सुक्कोथ सहर जाक्दीश्शा बाक्तीके सेल्शा बाक्तेक्म। प्रस्थान १२:३७6मिनु सुक्कोथ सहर रे गाक्शा, गोरशो रागी आ सुर ङा एथाम सहरम बाक्तीके सेल्शा बाक्तेक्म। प्रस्थान १३:२०7मिनु एथाम रे गाक्शा, बाल-सेफोन गे बाक्शो पी-हहीरोथ लेत्तेक्म। मिनु मिग्दोल आ नेक्था बाक्तीके सेल्शा बाक्तेक्म। प्रस्थान १४:२8मिनु पी-हहीरोथ रे गाक्शा, समुन्द्र आ दाते रे पा गाक्शा, गोरशो रागीम जाक्तेक्म। मेकोपुकी नाक्त सां ङा लां एथाम ङा गोरशो रागीम गाक्शा, माराह माइक्तीकेमी बाक्तीके सेल्शा बाक्तेक्म। प्रस्थान १४:२२; प्रस्थान १५:२३9मिनु माराह रे गाक्शा, एलीम जाक्तेक्म। एलीमम १२ ओटा ब्वाक्कु बुक्तीके नु ७० ओटा खजूर रवा बाक्तेक्म। मिनु मेकेर बाक्तीके सेल्शा बाक्तेक्म। प्रस्थान १५:२७10मिनु मेकोपुकी एलीम रे गाक्शा, लल समुन्द्र आ नेक्था बाक्तीके सेल्शा बाक्तेक्म।11मिनु मेकोपुकी लल समुन्द्र रे गाक्शा, सीन माइश्शो गोरशो रागीम बाक्तीके सेल्शा बाक्तेक्म। प्रस्थान १६:१12मिनु सीन माइश्शो गोरशो रागी रे गाक्शा, दोफ्कामी बाक्तीके सेल्शा बाक्तेक्म।13मिनु दोफ्का रे गाक्शा, आलुशमी बाक्तीके सेल्शा बाक्तेक्म।14मिनु आलुश रे गाक्शा, रेफीदीममी बाक्तीके सेल्शा बाक्तेक्म। मेकेर मुर आन कली तूतीक ब्वाक्कु मबा। प्रस्थान १७:१15मिनु रेफीदीम रे गाक्शा, सीनै ङा गोरशो रागीम बाक्तीक सेल्शा बाक्तेक्म।16मिनु सीनै ङा गोरशो रागी रे गाक्शा, किब्रोथ-हत्तावामी बाक्तीक सेल्शा बाक्तेक्म। गन्ती ११:३४17मिनु किब्रोथ-हत्तावा रे गाक्शा, हसेरोथमी बाक्तीक सेल्शा बाक्तेक्म।18मिनु हसेरोथ रे गाक्शा, रिथ्माहमी बाक्तीके सेल्शा बाक्तेक्म। गन्ती १२:१६19मिनु रिथ्माह रे गाक्शा, रिम्मोन-पेरेसमी बाक्तीके सेल्शा बाक्तेक्म।20मिनु रिम्मोन-पेरेस रे गाक्शा, लिब्नामी बाक्तीके सेल्शा बाक्तेक्म।21मिनु लिब्ना रे गाक्शा, रिस्साहमी बाक्तीके सेल्शा बाक्तेक्म।22मिनु रिस्साह रे गाक्शा, केहेलाथामी बाक्तीके सेल्शा बाक्तेक्म।23मिनु केहेलाथा रे गाक्शा, शेफेर डांडा आ नेक्था बाक्तीके सेल्शा बाक्तेक्म।24मिनु शेफेर डांडा रे गाक्शा, हरादामी बाक्तीके सेल्शा बाक्तेक्म।25मिनु हरादा रे गाक्शा, मखेलोथमी बाक्तीके सेल्शा बाक्तेक्म।26मिनु मखेलोथ रे गाक्शा, तहाथमी बाक्तीके सेल्शा बाक्तेक्म।27मिनु तहाथ रे गाक्शा, तेराहमी बाक्तीक सेल्शा बाक्तेक्म।28मिनु तेराह रे गाक्शा, मिथ्कामी बाक्तीक सेल्शा बाक्तेक्म।29मिनु मिथ्का रे गाक्शा, हश्मोनाहमी बाक्तीक सेल्शा बाक्तेक्म।30मिनु हश्मोनाह रे गाक्शा, मोसेरोथमी बाक्तीक सेल्शा बाक्तेक्म।31मिनु मोसेरोथ रे गाक्शा, बेने-याकानमी बाक्तीक सेल्शा बाक्तेक्म। ब्यवस्था १०:६-७32मिनु बेने-याकान रे गाक्शा, होर-हगीद-गादमी बाक्तीक सेल्शा बाक्तेक्म।33मिनु होर-हगीद-गाद रे गाक्शा, योत्बाथाहमी बाक्तीक सेल्शा बाक्तेक्म।34मिनु योत्बाथाह रे गाक्शा, अब्रोनाहमी बाक्तीक सेल्शा बाक्तेक्म।35मिनु अब्रोनाह रे गाक्शा, एस्योन-गेबेरमी बाक्तीक सेल्शा बाक्तेक्म। १राजा ९:२६; १राजा २२:४९36मिनु एस्योन-गेबेर रे गाक्शा, जीन ङा गोरशो रागीम बाक्शा, कादेशमी बाक्तीक सेल्शा बाक्तेक्म। गन्ती २०:१37मिनु कादेश रे गाक्शा, एदोम रागी आ सांदमी बाक्शो होर डांडा आ नेक्था बाक्तीक सेल्शा बाक्तेक्म। गन्ती २०:२२-२९; ब्यवस्था ३४:१-१२38मिनु परमप्रभु यावे आ देंशो खोदेंशो पा, चढ़ेब हारून होर डांडा ङोइश्शा लत। मिनु मेकेर बेक्त। मेना इस्राएली इजीप्त रागी रे ग्रूशो ४० बर्स ५ महिना ङा ङोंइती ङा नाक्ती बाक्त।39हारून होर डांडा तार बेक्मेनु, हारून सहे का २३ बर्स दुम्शो बाक्त।40कनान ङा नेगेब देंशो रागीम हुकुम पाइब पिप आरादमी इस्राएली पिन पिन पाइश्शो बाक्नीम, देंशो लोव़ नेंतु। गन्ती २१:१41मिनु मेकोपुकी होर डांडा रे गाक्शा, सल्मोनामी बाक्तीक सेल्शा बाक्तेक्म।42मिनु सल्मोना रे गाक्शा, पुनोनमी बाक्तीक सेल्शा बाक्तेक्म।43मिनु पुनोन रे गाक्शा, ओबोथमी बाक्तीक सेल्शा बाक्तेक्म। गन्ती २१:१०-११44मिनु ओबोथ रे गाक्शा, मोआब ङा सांदमी बाक्शो इये-अबारीममी बाक्तीक सेल्शा बाक्तेक्म।45मिनु इयीम रे गाक्शा, दीबोन-गादमी बाक्तीक सेल्शा बाक्तेक्म। गन्ती ३२:३४46मिनु दीबोन-गाद रे गाक्शा, अल्मोन-दिब्लाथाइममी बाक्तीक सेल्शा बाक्तेक्म।47मिनु अल्मोन-दिब्लाथाइम रे गाक्शा, नेबो सहर आ ङोंइती अबारीम ङा पहाडम बाक्तीक सेल्शा बाक्तेक्म।48मिनु अबारीम ङा पहाड रे गाक्शा, यर्दन आ शुंइचीमी बाक्शो यरीको रे आइक्ची हांबु मोआब ङा दिंममी बाक्तीक सेल्शा बाक्तेक्म। गन्ती २२:१; ब्यवस्था ३२:४९49मिनु यर्दन खोला आ शुंइच ङा मोआब ङा दिंममी बेथ-येशीमोथ रे पा आबेल-शित्तीम सम्म बाक्तीक सेल्शा बाक्तेक्म। गन्ती २५:१कनानी आन कली ग्रुंइचा, दे अरेशो
50मिनु यरीको आ आइक्ची हांबु यर्दन खोला आ नेक्था मोआब ङा दिंममी परमप्रभु यावेमी मोसा कली51“गे इस्राएली आन कली ‘गे यर्दन खोला शोक्शा, कनान रागीमी जाक्दीन्नीनु, प्रस्थान २३:२३-२४; प्रस्थान ३४:१२-१४52मेको रागी ङा मुर नेल्ल आन कली मेको रागी रे खेरचा माल्नीनी। मिनु मेको आन मुशा सेल्शो नु कांसा के सेल्शो मूर्ति नेल्ल कली खतम पोक्कीन। मेको आन डांडा ङा थानपुकी प्रेश्शा खतम पोक्चा माल्नीनी।53गे मेको रागी इन के सेल्शा, मेक उइ बाक्कीन। मारदे हना गो मेको रागी इन कली गेता।54मिनु गे थर थर आन खिं खिं ङा मुर आन कली हिक्शा, रागी योव़शा, मेको रागी योक्सीन। शुश खिं पाइश्शो थर आन कली ठेयब रागी गेचा, शुश खिं मपाइश्शो थर आन कली आइक्च रागी गेचा माल्नीनी। सुका आ नें बाजीम कोंइबा, मेको मेको थर केन दुम्ब। इन किकी पिपी आन थर थर पा मेको रागी योक्कीन। गन्ती २६:५४-५५55तन्न गे मेको रागीम बाक्ब मुर आन कली इन ङोंइती रे मखेरतीनी हना, मेको लीशो मुर इन मिक्चीम कसीङगर नु इन कोव़खाम थोक्शो चू खोदेंशो दुम्नीम। मिनु गे ते बाक्तीनी हना यो, मेकोपुकीमी इन कली श्येत गेनीम। प्रस्थान २३:३१-३३; यहोसु २३:१२-१३56मिनु गो मेको आन कली मार पदुमी, दे मिम्शा बाक्ङा, मेको इन कली पाइनुङ’ दे माइक्मी” देंत।