ﭑ سٌندٌنيِ نِمِسَشِ مُنقٍ رَ؟
عَلَ مَشَندِ
1كٌرَ شَ دِيٍ شَ لْننِ بّيتِ بّيتِبَيٍ شَ مَنفّ بّ2عَلَ، ﭑ وَ مَ لُقٍ عِ يِرٍ.ﭑ عِ قٍنمَ عَلْ شٍلِ يٍ قٍنمَ كِ نَشّ.3ﭑ هَيِ نَ عَلَ حِحّ مَ.ﭑ عَ يِرٍ لِمَ مُن تّمُي؟4يَكْسِ ﭑ وَ مَ كْي رَ،ﭑ وَ مَ يَنيِ رَ.مِشِ ﭑ مَشْرِنمَ،«عِ مَرِفِ عَلَ نَ مِندٍن؟»5ﭑ نَ رَتُ يِ قٍ مَ، ﭑ بْحّ سّيوَ مَ نّ.سِنفٍ ﭑ نُ حَمَ رَحّرّ مَ عَلَ شَ هْرْ مْبَنشِ نَن كُي،عٍ نُ بّيتِ بَقٍ حّلّشِنيِ كُي،عٍ تَنتُي رَ سِفَ عَلَ مَ.6مُنقٍ رَ ﭑ سٌندٌنيِ نِمِسَشِ؟مُنقٍ رَ ﭑ بْحّ سُننُنشِ؟ﭑ شَ ﭑ شَشِلِ تِ عَلَ رَ،ﭑ مَن شَ عَ تَنتُ عَ شَ كِسِ شَ قٍ رَ.7ﭑ مَرِفِ عَلَ، ﭑ بْحّ نِمِسَشِ ﭑ يّتّ كَن مَ قٍ رَ.نَ نَ عَ رَ ﭑ نَن ﭑ نَتُمَ عِ مَ يُرُدّن،ﭑ نَ دّننَشّ يِ تّمُي،شٍرِ مٌن نُن مِسَرِ فٍيَيٍ نَ دّننَشّ.8ﭑ مَ تْورّ شُن نَن تُن مَسَقٍ.عَ لُمَ عَلْ سُسُي يٍ نَشَن سِنمَ شُرٍ يٍ شُن.9عَلَتَلَ هِننّمَ ﭑ نَ يَنيِ رَ،ﭑ قَن بّيتِ بَمَ عَ بّ كْي رَ.ﭑ عَلَ مَشَندِ مَ نَشَن ﭑ نَبَلٌمَ.10ﭑ بَرَ عَ قَلَ عَلَ بّ،نَشَن سّنبّ فبٌ عَلْ قَنيٍ،«عِ نّيمُشِ ﭑ مَ مُنقٍ رَ؟عِ ﭑ لُشِ تْورّ كُيﭑ يَشُييٍ شَ نْي بُن مَ مُنقٍ رَ؟»11ﭑ يَشُييٍ ﭑ تْورْ مَ كٌنبِ رَ لْشْ يٌ لْشْ.عٍ ﭑ مَشْرِنمَ، «عِ مَرِفِ عَلَ نَ مِندٍن؟»12ﭑ سٌندٌنيِ نِمِسَشِ مُنقٍ رَ؟ﭑ بْحّ سُننُنشِ مُنقٍ رَ؟ﭑ شَ ﭑ شَشِلِ تِ عَلَ رَ،ﭑ مَن شَ عَ تَنتُ عَ شَ كِسِ شَ قٍ رَ.ﭑ مَرِفِ نَن نَ ﭑ مَ مَرَكِسِمَ رَ.