Read يَبُرَ 19

يَبُرَ19sus_apb

عَلَ شَ نْرّ نُن سّرِيّ

عَلَ مَتْشْي

¹دَوُدَ شَ بّيتِ بّيتِبَيٍ شَ مَنفّ بّ²كٌورٍ عَلَ شَ نْرّ مَسٍنمَ.كٌورٍ وَلَشّ عَلَ شَ وَلِ مَسٍنمَ.³يَنيِ لْننِ مَسٍنمَ لْشْ يٌ لْشْ.دِ مِ شَشِلِ مَسٍنمَ كْي يٌ كْي.⁴شُي يَتِ يَتِ مُ عَ رَ،وْيّنيِ قَن مُ عَ رَ.تُلِ مُ نْمَ عٍ شُي مّدٍ.⁵عٍ قْشِ تٌمَ دُنِحَ بِرِن مَ.عٍ قْشِ يِرٍ مَكُيٍ بِرِن لِمَ،هَن سٌفٍ سَ سَمَ كَنكِرَ نَشَن كُي.⁶سٌفٍ مِنِمَ نّ عَلْ شّمّ نَشَن بَشِ فِنّ دْشْدٍ،عَ قَ مِنِ عَ شَ كٌنكٌي كُي،عَلْ مِشِ شُنفبٍ نَشَن حّرّ مَ عَ يّتّ شَ كِرَ شْن.⁷عَ حّرّ قْلْمَ سٌفٍتٍدٍ، عَ سَ حْن سٌفٍفٌرٌدٍ.سٍسٍ مُ نْمَ عَ وُيٍنيِ بَدٍ.

⁸عَلَتَلَ شَ سّرِيّ، سّرِيّ قَنيِ نَ عَ رَ.عَ سّنبّ قِمَ مِشِ مَ.عَلَتَلَ شَ نْندِ، نْندِ يَتِ نَ عَ رَ.عَ لْننِتَرٍ قِندِ مَ لْننِلَ رَ.⁹عَلَتَلَ شَ نْي، نْي تِنشِنشِ نَ عَ رَ.عَ مِشِ بْحّ رَحّلّشِنمَ نّ.عَلَتَلَ شَ مَسٍنيِ، مَسٍنيِ تِنسٍشِ نَ عَ رَ.عَ مِشِ شَشِلِ يَ رَبِمَ نّ.¹⁰عَلَتَلَ شَ يَرَفَاشُي، قٍ سّنِيّنشِ نَ عَ رَ.عَ مُ حْنمَ عَبَدَن.عَلَتَلَ شَ يَامَرِ، يَامَرِ قَنيِ نَ عَ رَ.عَ بِرِن تِنشِن.¹¹عَلَ شَ يَامَرِ، عَ قَن شّيمَ بّ،عَ قَن دَنفِ شّيمَ قَنيِ بِرِن نَ.عَلَ شَ يَامَرِ، عَ حْشُن كُمِ بّ،عَ حْشُن دَنفِ كُمِ قَنيِ بِرِن نَ.

¹²عِ شَ كٌنيِ شَشِلِ سْتْمَ نّ عِ شَ سّرِيّ كُي.عَ فٍينِ فبٍفبٍ تٌمَ نّ نَا.¹³ندٍ نْمَ عَ يّتّ كَن يُفٍ حَاشِيٍ بِرِن كٌلٌندٍ؟عِ شَ ﭑ مَ يُنُبِ نْشُنشِ شَقَرِ ﭑ مُ نَشَن كٌلٌن.¹⁴عِ شَ ﭑ مَ يُنُبِ مَكّنّنشِ مَكُيَ ﭑ نَ.عَ نَشَ ﭑ سُشُ سّنبّ رَ.نَ تّمُي ﭑ قَمَ قِندِدٍ مِشِ تِنشِنشِ رَ،نَشَن مُ يُنُبِ حَاشِ رَبَمَ.¹⁵وْيّنيِ نَشَن كٍلِمَ ﭑ دّ عِ،عَ نُن وْيّنيِ نَشَن كٍلِمَ ﭑ بْحّ مَ،عَلَ شَ نَ تٌنفٌ ﭑ بّ حّلّشِنيِ رَ.عَلَتَلَ، ﭑ كَنتَمَ نَن عِ رَ، عِ بَرَ ﭑ شُنسَرَ.

يَبُرَ 19 / sus_apb

عَلَ شَ نْرّ نُن سّرِيّ

عَلَ مَتْشْي

يَبُرَ19sus_apb