عَننَبِ يَيَ كَوَندِ تِقٍ
1نَ وَشَتِ عَننَبِ يَيَ شُنشَ نَشَ كَوَندِ تِ قْلْ يُدَيَ فبٍنفبٍرٍن يِرٍ.2عَ نُ عَ مَسٍن، «وٌ تُوبِ، بَرِ مَ عَلَ شَ مَنفّيَ نِينِ بَرَ مَكْرّ.»3عَننَبِ عٍسَيِ نُ عَننَبِ يَيَ نَن مَ قٍ قَلَقٍ، عَ تٌ عَ مَسٍن،«مِشِ ندٍ عَ شُي عِتٍمَ فبٍنفبٍرٍن يِرٍ،‹وٌ كِرَ يَءِلَن مَرِفِ بّ،وٌ كِرَيٍ مَتِنشِن عَ يَ رَ.›»4حْشْمّ شَبٍ دٌنمَ نَن نُ رَفٌرٌشِ يَيَ مَ، بّلّتِ كِرِ دَاشِ نُ شِرِشِ عَ تَفِ. عَ نُ بَلٌمَ كَتٌي نُن وُلَ كُمِ نَن نَ.5دَرِ سَلَمُكَيٍ، يُدَيَكَيٍ، نُن مِشِ نَشٍيٍ بِرِن نُ سَبَتِشِ يُرُدّن شُرٍ رَبِلِنيِ، عٍ نُ سِفَمَ عَ يِرٍ.6عٍ نُ عٍ شَ يُنُبِيٍ مَسٍنمَ كّنّ مَ، يَيَ قَن نُ عٍ شُنشَمَ يُرُدّن شُرٍ شْورَ عَلَ شَ قٍ رَ.7كْنْ عَننَبِ يَيَ تٌ قَرِ سّنِيٍ نُن سَدُ سٍنِ فبٍفبٍ تٌ قَ رَ عٍ شَ عٍ شُنشَ يٍ شْورَ، عَ نَشَ عَ مَسٍن عٍ بّ، «وٌ تَن بْشِمَسٍ بْنسْي! ندٍ وٌ رَكٌلٌنشِ وٌ شَ وٌ فِ عَلَ شَ شْنّ مَ نَشَن نَ قَقٍ؟8وٌ شَ قٍ قَنيِ نَن نَبَ نَشَن عَ مَسٍنمَ عَ وٌ بَرَ تُوبِ.9وٌ نَشَ عَ قَلَ وٌ يّتّ مَ، ‹عِبُرَهِمَ نَن نَ مُشُ بٍنبَ رَ،› بَرِ مَ عَلَ نْمَ يِ فّمّيٍ مَقِندِدٍ عِبُرَهِمَ شَ دِيٍ رَ.10بٍيرَ حَن نَ وُرِيٍ سَنكٍ مَ عَ شَ عٍ بِلِيٍ سّفّ. وُرِ نَشَن يٌ مُ بٌفِ قَنيِ رَ مِنِمَ، عَ سّفّمَ نّ، عَ وٌلِ تّ عِ.11ﭑ تَن وٌ شُنشَمَ يٍ نَن شْورَ وٌ شَ تُوبِ شَ قٍ رَ، كْنْ نَشَن قَمَ قَدٍ ﭑ شَنبِ رَ، نَ سّنبّ فبٌ ﭑ تَن بّ. نَ بِنيّ مُ نَ ﭑ تَن يِ رَ هَلِ عَ شَ سَنكِرِ مَشَنِنقٍ رَ. عَ تَن نَن عَلَ شَشِلِ سّنِيّنشِ رَفٌرٌ مَ وٌ مَ، عَ تَن نَن وٌ شُنشَمَ تّ رَ.12عَ شَ سٍفٍرٍنيِ سُشُشِ عَ يِ رَ، عَ مَالٍ نُن عَ لَفِ يٍفٍتِمَ نَشَن نَ لْنيِ مَ. عَ مَالٍ رَ سٌمَ عَ شَ بِلِ كُي، كْنْ عَ لَفِ تَن فَنمَ تّ رَ نَشَن مُ شُبٍنمَ.»عِسَ شُنشَقٍ
13نَ تّمُي عِسَ نَشَ كٍلِ فَلِلٍ، قَقٍ رَ يَيَ يِرٍ يُرُدّن شُرٍ، عَلَكٌ يَيَ شَ عَ شُنشَ يٍ شْورَ.14كْنْ يَيَ مُ نُ تِنشِ نَ قٍ رَ. عَ نَشَ عَ قَلَ، «ﭑ تَن نَن هَيِ عَ مَ عِ تَن شَ ﭑ شُنشَ يٍ شْورَ، كْنْ عِ تَن نَن قَ قَشِ ﭑ تَن شَ عِ شُنشَ يٍ شْورَ؟»15عِسَ نَشَ عَ يَابِ، «يَكْسِ، عَ شَ رَبَ يِ كِ، بَرِ مَ عَ لَنمَ وٌن شَ قٍ بِرِن نَبَ عَ سّرِيّ كِ مَ.» نَ كُي، يَيَ نَشَ تِن عَ رَ.16عِسَ شُن تٌ شَ، عَ نَشَ تٍ يٍ شْورَ، كٌورٍ نَشَ رَبِ، عَ نَشَ عَلَ شَشِلِ سّنِيّنشِ تٌ فٌرٌ رَ عَ مَ عَلْ فَنبّ.17شُي ندٍ نَشَ مّ كٍلِ كٌورٍ مَ، عَ عَ مَسٍن، «ﭑ مَ دِ مَشَنُشِ نَن يِ كِ نَشَن ﭑ كّنّنشِ كِ قَنيِ رَ.»