عَيُبَ23sus_apb

عَيُبَ شَ مَسٍنيِ سٌلٌمَسَشَن ندٍ

«عَلَ نَ مِندٍن؟»

1عَيُبَ نَشَ عَ يَابِ،2«تٌ قَن ﭑ مَ يَشَسٍرِ مَسَ شْرْشْ،عَ شَ كٌتٍ فبٌ ﭑ شُن،ﭑ سّنبّ بَرَ حْن.3شَ عَ سَ لِ ﭑ نُ نْمَ عَلَ تٌدٍ نُ،شَ عَ سَ لِ ﭑ نُ نْمَ سِفَدٍ عَ شْنيِ نُ،4ﭑ نَن ﭑ شَشِلِ كُي عِقٍيٍ بِرِن قَلَمَ نّ عَ بّ نُ.5نَ كُي ﭑ نُ نْمَ نّ عَ شَ يَابِ كٌلٌندٍ،عَلَكٌ ﭑ شَ قَهَامُي سْتْ نَ كُي.6عَ قَمَ عَ سّنبّ بِرِن نَمِنِدٍ ﭑ مَ كِيتِقٍ رَ؟عَدٍ، عَ عَ يَيٍ نَن تِمَ ﭑ نَ تُن.7نَ تّمُي عَ ﭑ مَ تِنشِنيِ تٌمَ نّ،عَ قَ نْندِ قِ ﭑ مَ.»
8«كْنْ عَلَ مُ تٌمَ سٌفٍتٍدٍ،عَ مُ تٌمَ سٌفٍفٌرٌدٍ.9ﭑ عَ قٍنمَ كْولَ مَ،ﭑ عَ قٍنمَ يِرٍقَنيِ مَ،كْنْ عَ مُ تٌمَ.10كْنْ عَ تَن ﭑ تٌمَ عَ قَنيِ رَ.عَ نَ فّ ﭑ تٌدٍ، عَ نْندِ قِمَ ﭑ مَ.11ﭑ بِرَشِ نّ عَ قْشْ رَ،ﭑ عَ شَ سّرِيّ بِرِن نَبَتُ.12ﭑ مُ عَ شَ يَامَرِيٍ بّحِنشِ.عَ وَشْنقٍ قِندِشِ نّ ﭑ وَشْنقٍ رَ.»
13«ندٍ نْمَ عَ شَ نَتّ تٌنفٌشِ مَسَرَدٍ؟عَ وَ مَ نَشَن شْن، عَ نَ نَن نَبَمَ.14عَ نَشَن حَنِفٍشِ ﭑ مَ قٍ رَ،عَ قَمَ نَ نَن نَفِرِدٍ ﭑ مَ.عَ قَمَ قٍ فبّتّيٍ قَن سَدٍ نَ قَرِ.15نَ نَن عَ تٌمَ ﭑ فَاشُمَ عَ يَ رَ.ﭑ نَ عَ شَ قٍ مَحْشُن، ﭑ مُ سُو سَمَ.16عَلَ بَرَ لِمَنِيَ بَ ﭑ يِ،عَلَ سّنبّ كَنيِ بَرَ ﭑ مَفَاشُ،17كْنْ ﭑ مُ دُندُ مَ نَ دِ مِ شَ قٍ رَ،نَ دِ مِ مُ نْمَ ﭑ نَ.»
expand_more
Search