عٍبُرُ3sus_apb

عِسَ نُن عَننَبِ مُنسَ

1نَ كُي، ﭑ نفَشَكٍرٍنيِ سّنِيّنشِيٍ، وٌ تَن نَشٍيٍ شِلِشِ عَرِيَننَ مَ، وٌ شَشِلِ شَ تِ عِسَ رَ، عَلَ شَ شّيرَ نُن عَ شَ سّرّشّدُبّ كُنتِفِ، وٌن دَنشَنِيَشِ نَشَن مَ.2عَ تِنشِن نّ عَلَ بّ، نَشَن نُ بَرَ عَ تِ نَ وَلِ رَ، عَلْ عَننَبِ مُنسَ قَن عَ رَبَشِ كِ نَشّ عَلَ شَ بَنشِ كُي.3عِسَ شَ بِنيّ دَنفِ مُنسَ فبٍ رَ، عَلْ بَنشِتِ شَ بِنيّ دَنفِشِ عَ شَ بَنشِ رَ كِ نَشّ.4بَنشِ بِرِن تِشِ مِشِ ندٍ نَن سَابُي رَ، كْنْ عَلَ نَن دُنِحَ بِرِن دَاشِ.5عَننَبِ مُنسَ قِندِشِ كٌنيِ دُفُتّفّ نَن نَ عَلَ شَ بَنشِ كُي، عَلَكٌ عَ شَ سٍيدٍحْشْيَ بَ مَسٍنيِ شَ قٍ رَ نَشَن قَمَ تِدٍ.6كْنْ عَلَ شَ مِشِ سُفَندِشِ قِندِشِ عَلَ شَ دِ دُفُتّفّ نَن نَ، نَشَن عَلَ شَ بَنشِ يَمَرِ مَ. وٌن تَن قَن قِندِشِ نَ بَنشِ نَن نَ، شَ وٌن لَمَ عِسَ رَ، شَ وٌن وٌن شَشِلِ تِمَ عَ رَ، نَ نَن قِندِشِ وٌن مَ مَتْشْي رَ.7نَ نَ عَ رَ، وٌ شَ وٌ حّنفِ سَ عَلَ شَشِلِ سّنِيّنشِ شَ مَسٍنيِ شْن مَ. عَ سّبّشِ،«شَ وٌ بَرَ عَ شُي رَ مّ تٌ،8وٌ نَشَ وٌ كٌبٍ رَ سٌ عَ رَ،عَلْ وٌ عَ رَبَشِ كِ نَشّ فبٍنفبٍرٍنيِ مَ.نَ تّمُي عَ نُ وٌ مَتٌقٍ نّ،كْنْ وٌ نَشَ عَ مَتَندِ.9مّننِ وٌ بٍنبَيٍ بَرَ كَتَ عٍ شَ ﭑ مَتٌ.عٍ نَشَ ﭑ مَ وَلِ تٌ حّ تٌنفٌ نَانِ بُن مَ.10نَ كُي، ﭑ نَشَ شْنْ نَ وَشَتِ مِشِيٍ مَ.ﭑ نَشَ عَ قَلَ، ‹عٍ بْحّ مَكُيَ ﭑ نَ تّمُي بِرِن،عٍ مُ ﭑ مَ سّرِيّ كٌلٌن.›11نَ نَ عَ رَ ﭑ نَشَ ﭑ كَلِ شْنّ كُي،‹عٍ مُ سٌمَ ﭑ مَ مَلَبُي كُي قٍوٌ!›»
12ﭑ نفَشَكٍرٍنيِيٍ، وٌ شَ مّينِ وٌ يّتّ مَ عَ قَنيِ رَ عَلَكٌ وٌ بْحّ نَشَ لُ حَاشُحَ نُن دَنشَنِيَتَرٍحَ كُي، وٌ قَ فبِلٍن عَلَ قْشْ رَ، عَلَ نَشَن نَ نَ.13لْشْ يٌ لْشْ وٌ شَ وٌ بٌرٍ رَلِمَنِيَ. وٌ شَ فبِلٍن نَ مَ لْشْي بِرِن عَلَكٌ يُنُبِ نَشَ قَ وٌ نْ، وٌ بْحّ قَ بَلَن عَلَ مَبِرِ.14شَ وٌن سَ وٌن شَشِلِ تِمَ عَلَ شَ مِشِ سُفَندِشِ رَ عَلْ وٌن عَ قْلْشِ كِ نَشّ، لَنيِ بَرَ لُ وٌن نُن عِسَ تَفِ.15عَ سّبّشِ كِتَابُي كُي،«شَ وٌ بَرَ عَ شُي رَ مّ تٌ،وٌ نَشَ وٌ كٌبٍ رَ سٌ عَ رَ،عَلْ وٌ عَ رَبَشِ كِ نَشّ وٌ تٌ عَ مَتَندِ.»16ندٍ عَلَ مَتَندِ، عٍ تٌ فّ عَ شُي رَ مّدٍ؟ مِشِيٍ شَ مُ عَ رَ نَشٍيٍ مِنِ مِسِرَ بْشِ رَ عَننَبِ مُنسَ سَابُي رَ؟17عَلَ شْنْ نّ ندٍيٍ مَ حّ تٌنفٌ نَانِ بُن مَ؟ مِشِيٍ شَ مُ عَ رَ نَشٍيٍ يُنُبِ رَبَشِ، عٍ قَ سْنتْ فبٍنفبٍرٍنيِ مَ؟18عَلَ عَ كَلِ ندٍ بّ عَ عٍ مُ سٌمَ عَ شَ مَلَبُي يِرٍ؟ مِشِيٍ شَ مُ عَ رَ نَشٍيٍ عَ مَتَندِشِ؟19نَ كُي، وٌن بَرَ عَ قَهَامُ عَ عٍ شَ دَنشَنِيَتَرٍحَ نَن عَ نِيَ عٍ مُ سٌ.
expand_more
Search