Matta14
Uʻowa o Yohana e Baptisma
1Gaggu ni, bugwam hiridus antipas ehoge anabare a Yesu.2pa eb nyange na ato ane a ongeu ek enke, << Ete ebe shi yohana e baptisma. Ashingyatum ek wo ato na owa̱gu, ob osa̱ ek ezhe mahonre me shagu iya ha̱ni >>.3Zwam tuni hiridus e kumbe yohana e parage ek, e ese ek na zharo zwam hiridiya, bwaa bo buhu bo eb pilibus.4Zwam tuni yohana e raga zwammagaa hiridus ne zwama hadoba ange, ushiuba o shiya hiridiya ba.5Ko na Hiridus e kudage e hono e yohana, henda e on ryansa ryato Israila, zwam ab jhengi yohana e yo bando hatuma a Onhon.6Oho owaba machi hiridus okorakana, na bwa bo hiridiya bushi tohebo na bishina̱ byato . Busa̱ hiridus e hogo tusung dinya.7Har e shagiu boik kutono ya̱pa boik ko ya̱ ene bob bo ka̱ba̱.8Yini bob a pa boik taaje zwam ene bob bwazwam. pa bob bwange, <<Ana panya reto reyohana e baptisma yanzu na so egeto >>.9Bugwam hende bo madamago, ama zwam koton ko bob bushi wo ato dinya, pa bob bu sa̱ a pa boik.10Butuma na zharo a yachigya reto reyohana11paba shebe ke reto na so egeto pa ba pa ekangaza, e shibkane yini eb.12pa aswabo a bune yohana a karege, azhengi reʻu re eb a kore a wumba̱. pa ba kore a zwama Yesu.Yesu e Ryagyatome ato Dubu ota
13Na Yesu e hoge nami, pa eb e mashingya e esh ugu mani ekacheu pa mai wo ko ga boza eb-eba. Na udubu owato ohoge nani, pa ba shirage na hashep a ragaga ek na buna.14Na eb e sher na so uku, pa eb e hya udub owato dinya. pa eb e hoge yek ya̱m, e rumigyatumagi ato ana rumagi.15Na rembe ush, na naswabo a bone eb a kore wo eb ange, <<Pate pa za ko ga, renbe ona o shiu. zwama ato a te a karegyage na shi hira̱ shaba a sangyage hato haba kuryage >>.16Yesu nyange na ba, <<ko yek a koreu ba, e pa yek iyimai are.>>17Pa ba chane ange, <<Tu za pani ko ya̱ sai kapuk ka ta na mukemba mura̱gya >>.18Pa eb nyange, << Ena panya.>>19Pa eb nyange na ato a ni a shani zaat mapuchpuch. pa eb e zhangi kapuka̱ kani ka ta na mukemba mura̱, pa eb e dande reto zaat, eshe menga wo Onhon. pa eb e undagage kapuka kani e panga aswabo a bone eb, aswabo a bune eb apanga ato.20Pa koga bu re bushigi. pa ba tarage ene ryata, e shindagi muryago rekwape na muryagya.21Ato na re a wutagi ato tware dubu ta, ban naʻa nawa.Yesu ishi tuhana zaat umani
22A bai hogu henda, pa Yesu e sape a swabo a bune eb a esh o ugu mani zwan yeka kore wari na gungu. pa eb e yinsa̱ pab zwama e sallami ato.23Ta eb e sallame ato, pa eb e hyane zaat eb-eba zwam ishi menga. har rebe ushiu dinya eyo pab eb eba.24Gagu uni henda ugu oyo na unshe rwaga, harakunbe a mani a raga supaga ek, pher henda o oishi bitaga naba.25Kusa muroma mutato mwageta pa Yesu e raga shi tuhano na zaat orwaga bando o aswabo a bune eb.26Na aswabo a bune eb a ha̱ ek ebe shi tuhano na zaat o rwaga, pa ba hoge ryasa̱ ange, <<Kesora keto,>>Pa ba sa̱ muʻogo zwam ryasa̱.27Yanzuyanzu pa Yesu e shagi yek taaje nyange, << E ta madamaga! Gyam ne, e ta huga̱ ryansa >>.28Pa Bitrus e chane nyangya,<<Botʻbutuwaga, shi gab ne, na sape na kure wo gab na zaat umani >>.29Yesu nyange, <<Kurya nai,>> Pa Bitrus e sher na ugu, e rwage tuhano zaat umani ya̱ kuro wo Yesu.30Na eb e hya̱ phar ozhe mahonre, pa eb e hoge ryansa pa eb e rwage a hibi. pa eb e nsa muʻogo, nyangya, <<Bot butuwaga, na chage!>>31Yanzu-yanzupa Yesu e tuta wa eb e kumbe ek, nyange na eb, <<Gab shi bone bozhe etano so chimu, zwam ya̱ gab shi sheku >>.32Na ba ishi ugu pa pyer o yinsa.33Ato na yo na so ugu a shagi Yesu sujada, a be zwammagaa, <<Tamahinda, gab shi bwa bo onho >>.34Na ba kachiya rwaga, a kazhiya na tonge to janisarat.35pa ato shepo ni a gane, tamahinda, Yesu, pa ba zwama ato ne ayo na tonge tuni, pa ba shepkani ek ato ane a rumagagi.36pa ba ka̱ba̱ ek a da̱ri ko kare ka a po a eb. kuchi ato ne a da̱ru a rumigyagu.The Word for the World International