Luke22
1เทศกาลกินขนมปังบ่มีเซื้อที่เอิ้นว่าปัสกามาหม่อแล้ว2พวกหัวหน้าปุโรหิตกับพวกธรรมาจารย์กำลังหาทางอี๊ฆ่าพระเยซูสะดัยดี เพราะพวกเขาย้านประชาชน3ฝ่ายซาตานเข้าดลใจยูดาสที่เอิ้นว่าอิสคาริโอทซึ่งเป็นหนึ่งในลูกศิษย์สิบสองคน4ยูดาดั่ยไปปรึกษากับพวกหัวปุโรหิตแล้วก่าพวกทหารรักษาพระวิหารว่าอี๊มอบพระเยซูให้กับพวกด้วยวิธีดัย5พวกเขาดีใจ และสัญญากับยูดาสว่าอี๊ให้เงิน6ยูดาสก่าเลยยอมตลงแล้วมอยหาโอกาสเหมาะที่อี๊มอบพระองค์ให้กับพวกเขาตอนที่บ่มีคนหลาย7พอฮอดมื้อกินขนมปังบ่มีเซี้อ เมื่อเขาอี๊ต้องฆ่าลูกแกะสำหรับปัสกา8พระเยซูใซ้ให้เปโตรและยอห์นไปบอกเขาว่า "ไปเตรียมปัสกาให้พวกเฮากิน"9พวกเขาถามพระองค์ว่า"อี๊ให้พวกข่อยเตรียมบ่งดัย?"10พระเยซูตอบเขาว่า "เมื่อเข้าไปในเมียงแล้ว อี๊มีซายผู้หนึ่งเอาหม้อน้ำไว้เฮงหัวมาพ้อเจ้า คนนั้นเข้าไปในเฮียนหลังดัย ก่านำเขาเข้าไปในเฮือนหลังฮั้น11แล้วจงเว้ากับเจ้าของเฮือนว่า "พระอาจารย์ให้ถามเจ้าว่า" "ห้องที่เฮาอี๊กินปัสกากับพวกลูกศิาย์ของเฮาอยู่บ่งดัย"12เจ้าของเฮียนอี๊จี้ให้เจ้าเห็นห้องใหญ่ซั้นเฮงที่ตกแต่งไว้แล้ว บ่งฮั่นแน่ว จงจัดเตรียมไว้เถิด"13เขาเถิงสองคนก่าไปแล้วก่าพ้อคือกับที่พระเยซูดั่ยบอกกับเขา แล้วก่าดั่ยจัดเตรียมปัสกาไว้พร้อม14เมื่อฮอดเวลา พระเยซูนั่งลงและกินกับพวกอัครทูต15พระองค์เว้ากับเขาว่า "เฮามีความต้องการหลายที่อี๊กินปัสกานี้กับพวกเจ้าก่อนที่เฮาอี๊ต้องทนทุกข์ทรมาน16เฮาบอกเจ้าทั้งหลายว่าเฮาอี๊บ่กินปัสกานี้อีก จนกว่าอี๊สำเร็จความหมายของปัสกาในแผ่นดินของพระเจ้า"17พระองค์ทรงหยิบถ้วย เมื่อขอบพระคุณแล้วเว้าว่า "จงฮับถ้วยนี้ไปแล้วปันกันกิน"18เฮาบอกพวกเจ้าว่า เฮาอี๊บ่กินจากผลของเคียองุ่นอีกต่อไป จนกว่าแผ่นดินของพระเจ้าอี๊มา"19พระเยซูก่าหยิบขนมปัง เมื่อขอบพระคุณแล้วก่าหักส่งให้กับพวกเขา แล้วเว้าว่า "นี่เป็นโตของเฮา ซึ่งให้ไว้สำหรับเจ้าทั้งหลาย จงเฮ็ดแบบนี้เพื่อเป็นที่ระลึกถึงเฮา"20เมื่อกินแล้ว จึงทรงหยิบถ้วยและทรงเฮ็ดคือกันแล้วเว้าว่า "ถ้วยนี้เทออกมาเพื่อเจ้าทั้งหลายเป็นพันธสัญญาใหม่ โดยเลียดของเฮา21แต่มือของผู้ที่อี๊ทรยศเฮาก่าอยู่กับเฮาเฮงโต๊ะนี้22เพราะลูกของพระเจ้าอี๊เดินทางไปคือกับที่ดั่ยเว้าไว้แต่ก่อนแล้ว แต่วิบัติกับคนนั้นที่ทรยศเลา23พวกเขาจึงเริ่มถามกันและกันว่า คนดัยในพวกเฮาที่อี๊เฮ็ดสิ่งนี้24มีการเถียงกันในพวกลูกศิษย์ว่าไผใหญ่ที่สุด25พระเยซูจึงเว้ากับพวกเขาว่า "พระเจ้าแผ่นดินของคนต่างชาติย่อมเป็นเจ้านายเหนือเขาทั้งหลาย และผู้ที่มีอำนาจเหนีอเขานั้นเอิ้นโตเองว่าเจ้าบุญเจ้าคุณ26แต่พวกเจ้าอี๊บ่เป็นสังซั้น ในพวกเจ้าคนที่เป็นใหญ่ต้องเป็นคือกับเด็กน้อย และคนที่เป็นเจ้านายต้องเป็นคือกับคนรับใช้27ไผเป็นใหญ่กว่ากัน ผู้ที่นั่งกินหรือผู้รับใช้? ผู้ที่นั่งกินบ่แม่นฮั้นหนือ? แต่ว่าเฮาอยู่ท่ามกลางพวกเจ้าคือกับคนรับใช้28เจ้าทั้งหลายเป็นคนที่อยู่กับเฮาในยามที่เฮาถืกทดลอง"29พระบิดาทรงจัดเตรียมและทรงมอบอาณาจักรให้กับเฮาสะดัย เฮาก่าจัดเตรียมและมอบให้กับเจ้าคือกัน30เพื่อที่เจ้าทั้งหลายอี๊ดั่ยกินและดื่มที่โต๊ะของเฮาในอาณาจักของเฮา และเจ้าอี๊นั่งบนบัลลังก์พิพากษาอิสราเอลสิบสองเผ่า31"ซีโมน ซีโมน ซาตานดั่ยขอพวกเจ้าไว้ เพื่ออี๊ฝัดฮ่อนคือกับฝัดข้าวสาลี32แต่เฮาอธิฐานเพื่อโตเจ้า เพื่อความเชี่ยของเจ้าอี๊บ่ดั่ยขาด และเมื่อเจ้าหันกลับแล้ว จงชูกำลังพี่น้องทั้งหลายของเจ้า"33เปโตรจึงบอกกับพระเยซูว่า"องค์พระผู้เป็นเจ้า ข่อยพร้อมเเล้วที่อี๊ไปนำพระองค์ ถึงอี๊ติดคุกหรือว่าตายก่าดี"34พระองค์เว้าว่า "เปโตร เฮาบอกเจ้าว่ามื้อนี้ก่อนไก่อี๊ขัน เจ้าอี๊บอกว่าบ่ฮู้จักเฮาถึงสามเถี่ย35พระเยซูจึงถามพวกลูกศิษย์ว่า"เมื่อเฮาใซ้พวกเจ้าออกไปโดยบ่มีถุงเงิน บ่มีย่ามหรือเกิบนั้น เจ้าขาดหยั่งแด่บ่? " พวกเขาตอบว่า "บ่ขาดหยั่งเลย"36พระเยซูถามกับเขาว่า "แต่เด่วนี้ไผมีถุงเงินให้เอาไปนำ มีย่ามก่าให้เอาไปคือกัน และคนที่บ่มีดาบก่าให้ขายเสี้ยคลุมของโตเองไปซื้อดาบ37เฮาบอกเจ้าทั้งหลายว่า สิ่งที่เขียนไว้แล้วอี๊ต้องสำเร็จในเฮา คือที่ว่า ท่านนับเป็นคนอธรรม เพราะว่าสิ่งที่เล็งฮอดเฮานั้นกำลังอี๊สำเร็จแล้ว38พวกเขาตอบว่า "องค์พระผู้เป็นเจ้า นี่แนะ มีดาบสองคม พระองค์เว้ากับเขาว่า" พอแล้ว"39พระเยซูเดินทางออกไปโคกมะกอกเทศคือเก่า และพวกลูกศิษย์ของพระองค์ก่านำพระองค์ไป40เมื่อไปฮอดบ่งฮั้นแล้ว พระเยซูเว้ากับพวกเขาว่า "จงอธิษฐานเพื่ออี๊บ่ดั่ยตกอยู่ในการทดลอง"41แล้วพระองค์ออกไปจากพวกเขาไปไกลระยะส่ำขว้างหมากหินตก และทรงคุกเข่าลงอธิษฐาน42ว่า "ข้าแต่พระบิดา ถ้าพระองค์พอใจขอให้ถ้วยนี้เลี่ยนพ้นไปจากข่อย แต่สะดัยก่าดี อย่าให้เป็นไปนำใจข่อย แต่ให้เป็นไปนำน้ำพระทัยของพระองค์"43"มีเทวดาของพระเจ้าองค์หนึ่งมาปรากฏโตต่อพระเยซูและซ่อยซูกำลังพระองค์"44ยามพระเยซูเป็นทุกข์ พระองค์ก่ายิ่งอธิษฐานอย่างจริงจัง เหี่ยของพระองค์เป็นคือกับเลียดเบ็ดใหญ่ไหลยอยลงฮอดขี้ดิน45เมื่อลุกขึ้นจากการอธิษฐานแล้ว พระองค์ลงมาหาพวกลูกศิษย์ พ้อพวกเขานอนหลับไปด้วยความทุกข์โศกเศร้า46พระเยซูจึงเว้ากับเขาว่า "นอนหลับเฮ็ดหยัง จงลุกขึ้นอธิษฐานเพี่ยเจ้าอี๊บ่ต้องถืกทดลอง"47พระองค์เว้ายังบ่ทันขาดคำ มีคนหลายบัดหลาย และคนที่ซื่อว่ายูดาสเป็นคนหนึ่งในลูกศิษย์สิบสองคนนั้นนำหน้าพวกเขามา ยูดาสเข้ามาหม่อพระเยซูเพื่อจูบพระองค์48แต่พระเยซูถามเขาว่า "ยูดาส เจ้าอี๊ให้ลูกของพระเจ้าด้วยการจูบฮั้นหนือ?"49เมื่อพวกลูกศิษย์ของพระเยซูเห็นว่ากำลังอี๊เกิดมะหยังขึ้น พวกเขาก่าเลยถามพระองค์ว่า "องค์พระผู้เป็นเจ้า ให้พวกข่อยเอาดาบฟันสู้เขาบ่?"50มีหนึ่งในพวกลูกศิษย์ฟันคนใซ้คนหนึ่งของมหาปุโรหิตถืกหูทางขวาขาด51แต่พระเยซูบอกว่า"พอแล้ว" แล้วพระองค์เอามือแตะใบหูของคนนั้นและทรงรักาาเขา52พระเยซูเว้ากับพวกหัวหน้าปุโรหิต พวกนายทหารรักษาพระวิหาร และพวกผู้ใหญ่ที่ออกมาจับพระองค์ว่า "พวกเจ้าเห็นเฮาเป็นโจรฮั้นหนือ ถึงดั่ยถือดาบถือกะบองมา?53ยามที่เฮาอยู่กับพวกเจ้าในบริเวณพระวิหารสู่มื้อ เจ้าก่าบ่ยื่นมือออกมาจับเฮา แต่ตอนนี้เป็นเวลาของพวกเจ้าแล้วและเป็นอำอาจของความมืด"54พวกเขาก่าจับพระเยซูพาเข้าไปในบ้านของมหาปุโรหิต เปโตรย่างนำพระองค์ห่างๆ55เมื่อพวกเขาดังไฟบ่งลานบ้านและนั่งลงนำกันแล้ว เปโตรก่านั่งอยู่ท่ามกลางพวกเขา56มีสาวใซ้คนหนึ่งเห็นเปโครนั่งอยู่ในแสงไฟ จึงจ้องเบิงแล้วเว้าว่า "คนนี้อยู่กับคนฮั้นนำ"57แต่เปโตรปฏิเสธว่า "หญิงเอ๋ย คนฮั้นข่อยบ่ฮู้จั๊ก"58จั๊กบืดหนึ่งมีอีกคนหนึ่งเห็นเปโตร จึงเว้าว่า"เจ้าเป็นคนของพวกฮั้นนำ"เปโตรจึงเว้าว่า"พ่อหนุ่มเอ๋ย ข่อยบ่ได้เป็น"59ต่อมาประมาณซั่วโมงหนึ่ง มีอีกคนหนึ่งยืนยันอย่างมั่นใจว่า "แม่นแท้ๆคนนี้อยู่กับเขานำ เพราะเขาเป็นคนกาลิลี"60แต่เปโตรเว้าว่า"พ่อหนุ่มเอ๋ย ที่เจ้าเว้านั้นข่อยบ่ฮู้เรี่ยง"เมื่อเปโตรกำลังเว้ายังบ่ทันขาดคำ ทันดัยนั้นไก่ก่าขัน61องค์พระผู้เป็นเจ้าเหลียวเบิงเปโตร แล้วเปโตรก่าคึดฮอดคำขององค์พระผู้เป็นเจ้าที่เว้ากับเขาว่า "มื้อนี้ก่อนไก่ขัน เจ้าอี๊ปฏิเสธเฮาสามเถี่ย"62แล้วเปโตรก่าออกไปทางนอกฮ้องไห้ย้อนความทุกข์ใจ63พวกที่คุมพระเยซูก่าเยาะเย้ยโบยตีพระองค์64เมื่อพวกเขาเอาผ้ามามัดตาของพระองค์แล้ว พวกเขาก่าถามว่า "ลองทายเบิ่งว่าไผตบเจ้า"65แล้วพวกเขายังเว้าคำบ่ดีกับพระองค์อีกหลายอย่าง66พอฮอดมื้อเซ้าพวกผู้ใหญ่ของประวาขนกับพวกหัวหน้าปุโรหิตและพวกธรรมาจารย์ก่าดั่ยประชุมกัน และเขาพาพระเยซูเข้าไปในศาลสูงของเขา แล้วเว้าว่า67"ถ้าเจ้าเป็นพระคริสต์ ก่าจงบอกเฮา" แต่พระองค์ทรงตอบเขาว่า "ถึงเฮาอี๊บอกพวกเจ้า เจ้าก่าอี๊บ่เชี่ย"68และถึงเฮาถามเจ้า เจ้าก่าบ่ตอบเฮา69แต่ตั้งแต่นี้ไป ลูกของพระเจ้าอี๊นั่งทางขวาของพระเจ้าผู้ทรงฤทธานุภาพ70พวกเขาสู่คนจึงถามว่า"เจ้าเป็นลูกของพระเจ้าติ? " พระองค์เว้ากับพวกเขาว่า "ก่าเจ้าเว้าแล้วว่าเฮาเป็น"71พวกเขาจึงเว้าว่า"เฮาต้องการพยานมะหยั่งอีก? เพราะว่าเฮาได้ยินจากปากของเขาเองแล้ว"
Son Light Foundation