Mark16
11 ครั้นวันสะบาโตผ่านไปแล้วมารีย์ชาวมักดาลา มารีย์แหม่ของยากอบ กับนางสะโลเม ซื้อเขี่ยงหอมมาเผื่ออิไปชโลมพระศพของพระองค์22 เวลาแต่เซ้า มื้อต้นสัปดาห์ พอตะเวนขึ้น เขากะมาฮอดอุโมงค์33 แล้วเขาได้เว้ากันหว่า “ไผอิซ่อยกลิ้งก้อนขี้หินออกจากปากอุโมงค์”44 แต่เมื้อเขาเบิ่งกะเห็นก้อนขี้หินฮั่นกลิ้งออกแล้ว เพราะหว่าเป็นก้อนหินหมากใหญ่55 พอเขาเข้าไปในอุโมงค์แล้ว ได้เห็นหนุ่มคนหนึ่งหนุ่งผ้ายาวสีขาวหนั่งอยู่ข้างขวา ผู้หญิงฮั่นกะตกตะลึง66 ฝ่ายหนุ่มคนฮั่นบอกเขาหว่า “อย่าตกตะลึงเลย พวกเจ้าทั้งหลายมาหาพระเยซูชาวนาซาเร็ธที่ต้องตรึงไว้ที่ไม้กางเขน พระองค์ฟื้นขึ้นมาแล้วบ่ได้อยู่บ้งนี่ จงเบิ่งบ้งที่เขาวางพระศพของพระองค์เทอะ77 แต่จงไปบอกพวกสาวกของพระองค์กับเปโตรเทอะหว่า พระองค์ได้ไปยังแคว้นกาลิลีก่อนเจ้าทั้งหลาย แล้วเจ้าทั้งหลายอิเห็นพระองค์บ้งฮั่น คือที่พระองค์ได้เว้าแก่พวกเจ้าแล้ว”88 ผู้หญิงหมู่ฮั่นกะออกไปจากอุโมงค์ฟ้าวหนีไป เพราะหว่าตกตะลึงจนตัวสั่น แล้วบ่ได้เว้ากับผู้ใดเพราะเขาย้าน99 ครั้นเวลาแต่เซ้า มื้อต้นสัปดาห์ พอพระองค์ได้ฟื้นขึ้นมาแล้ว พระองค์ได้สำแดงพระองค์ให้ปรากฏโตกับมารีย์ซาวมักดาราก่อนคนแรก คือมารีย์คนที่พระองค์ได้ขับผีออกให้เจ็ดผี1010 มารีย์เลยไปบอกพวกคนที่เคยอยู่กับพระองค์แต่ก่อน เขากำลังฮ้องไห้เป็นทกข์กันอยู่1111 แล้วเมื้อเขาได้ยินหว่าพระองค์ยังมีซีวิตอยู่แล้วกะมารีย์ได้เห็นพระองค์แล้วเขากะบ่เซี่ย1212 ภายหลังพระองค์ได้ปรากฏกายอีกรูปหนึ่งกับศิษย์สองคนตอนที่เขากำลังหย่างออกไปบ้านนอก1313 ศิษย์สองคนฮั่นได้ไปบอกศิษย์คนอื่นๆ แต่เขากะบ่เซี่ย1414 ภายหลังพระองค์ได้ปรากฏโตกับสาวกสิบเอ็ดคนตอนที่เขาหนั่งกินอาหารอยู่ พระองค์ติเตียนเขาเพราะหว่าเขาสงสัยแล้วกะใจดื้อดึง เพราะเหตุที่เขาบ่ได้เสี่ยคนที่ได้เห็นพระองค์ ตอนที่พระองค์ได้ฟื้นขึ้นมาแล้ว1515 ฝ่ายพระองค์จึงสั่งพวกสาวกหว่า “เจ้าทั้งหลายจงออกไปถั่วโลกประกาศข่าวประเสริฐแก่คนทุกคน1616 ผู้ใดเสี่ยแล้วฮับบัพติศมาแล้วผู้ฮั่นกะอิลอด แต่ผู้ใดบ่เสี่ยกะต้องปรับโทษ1717 มีคนเสี่ยที่ใด หมายสำคัญเหล่านี้อิเกิดขึ้นบ้งฮั่น คือเขาอิขับผีออกโดยนามของเฮา เขาอิเว้าภาษาแปลกๆ1818 เขาอิจับงูได้ ถ้าเขากินยาพิษแบบใด อิบ่เป็นอันตรายแก่เขา แล้วเขาอิวางมือบนคนไข้ คนโป่ย แล้วคนเหล่าฮั่นกะอิหายโรค”1919 ครั้นพระเยซูได้สั่งเขาแล้วพระเจ้าได้ฮับพระองค์ให้ขึ้นสู่ฟ้าสวรรค์ อยู่ที่เบี้ยงขวามือของพระเจ้า2020 พวกสาวกเหล่าฮั่นจึงได้ออกไปเทศนาสั่งสอนทุกแห่งทุกตำบล แล้วพระเจ้าได้ฮ่วมงานกับเขา แล้วได้สนับสนุนคำสอนของเขาด้วยหมายสำคัญที่เกิดขึ้นฮั้น
Empower Asia Bible Translation Movement