SINU95
Katasa Onu
1Biwa, biɛta busa suoto lɛyɔɔ sinu buta Saate nwu;bita bufaa osie kanya buta didiki loo Difuɔnkpaa nwu.2Bita buwa anu nɔɔ ku sɛfa ɔpɛbuɔtansa nwɔ ku sinu ɔsa.3Diekye Saate nwu ninle Yaa kplɛ nɛ,Ɔka kplɛ nwu niɛtaka katoo alenke ni afiɔ amuu.4Kɔnɛɛ nɔɔ kamɛ di kasɔ nwu lekyofo nsi,abokote ntakalekɔ nwu kafɔɔ nle nwɔ ale.5Lele nwɔ di lekpo nwu nle, diekye nnwɔɔ niɛbla ni,nnɛɛ nɔɔ kafɔɔ niatɛ kasɔ kosole nwu.6Biwa, biɛta buwakasɔ busumu nwɔ,bita bupɛ akunkyi di Saate, Blatɛ loo nwu anu;7diekye nnwɔɔ ninle Yaa loo,awo kafɔɔ ninle batii di sɛfa nɔɔ kaweekɔ nwu nɛ,bafoso nɔɔ ba oonyu ni nɛ.Mmiɛ, nse bienu sɛlɔ nɔɔ,8bitanta situ lee lawɛ osie fɛ mmle biabla ni di Meriba,fɛ mmle biabla ni dii nwu di Masa di ɔfaafuu nwu,9nfa di bate lee lawolaa mi kaanya, baasɔ mi baanyu nɛ,nu baanya lɛsaa le labla nii.10Alɛɛ afosi-ana amu di ɔblɔ lafiɛ mi di kɔna nwu suoto;labuɛ nlɛ, "Bale batii ba situ nieyu nii,batatofo sisuku nii kafɔɔ.”11Nioso laka ntam di lɛblɔfiɛ nii kamɛ nlɛ,"Blɔbabuo ɔnyɛɛ nii katɛkɔ.”The Seed Company