SINU61
Ɔlaa Ɔpɛ Diɛta Ni Kanyu
Dawid onu. Kuɔta ni sinutuotɛ. Basa nwu ku sikũ sanku.
1O Yaa, nu mi kaku;kyɔɔ ɔlaa ɔpɛ nii atoko.2Di kasɔ nyɛntɛlekɔ kɔlɛɛ fɔ,kɔlɛɛ di obe wɔ di otu nii koloo ni ɔnyɛɛ;kpaa mi fakyɛnko difuɔnkpaa le niɛtaka katoo dilenke mi ni katũ.3Diekye afɔ ninle katanikokɔ nii,leyo takale siene di lo nwu suoto.4Tɛɛ nsiɛ di lɛkpaayo lɛfɔ kamɛ dinaa ni kaloonintaniko kafɔɔ di afoko lɛfɔ kalɔ fɛ kasiɛkɔ. Yila kɛɛkɛ5O Yaa, diekye fatoonu ntam nii,fatɔɔyɔ batii ba nin-yɛkɛ fɔ ni leyooto atesaa fɛɛtɛɛ.6Kyakaa ayi di ɔka nkpa suoto,alɛɛ nɔɔ atikanko ana kpinwu.7Ta base nwɔ sɛka di Yaa anu dinaa ni kaloo;ta lɛbɔmbɔ ku onukwale lɛfɔ kunyu nwɔ.8Ni obe lele masa sinu ntansa leyooto lɛfɔkamabla kafɔɔ di ntam nii nwu dii biala.The Seed Company