SINU54
Ɔlaa Ɔpɛ Di Odiki Okyeko Balo Nnɛɛ
Dawid maskil . Kuɔta ni sinutuotɛ. Basa nwu ku sikũ sanku. Di obe wɔ di Sifi batii lakyɛ ni Saulo nfũ baalaabuɛ ni alɛ, "Diele Dawid niewofa kaamɛ loo nɛ?"
1O Yaa, diki mi di leyooto lɛfɔ kanya;tɛɛ lɛbɛ di osie lɛfɔ kanya.2O Yaa, nu ɔlaa ɔpɛ ɔta nii;kyɔɔ kanya nii sɛlaa atoko.3Bafɔɔ kodieko mi;amumu batii komiɛ alɛ badiki mi nkpa-batii ba ninambu ni Yaa. Yila kɛɛkɛ4Nwaako Yaa ninle mi lɛkyakaako;Saate nwu ninle nnwɔ ninyu mi nii.5Ta dikpile dikple disifi mba nikɔkpɔnɔfɔsa mi ni leyooto nfũ;wɔɔsa ma di onukwale lɛfɔ nwu kanya.6Kamata otu biene asaaɔta oleɔta nta fɔ;O Saate, kamatansa leyooto lɛfɔ,diekye dilɛ.7Diekye atoodiki mi di amiina nii amuu kamɛ,anu nii kafɔɔ ntɔɔnya lelenkee di bakyiditɛ nii suoto.The Seed Company