SINU48
Sion, Yaa Okpoo Kplɛ Nwu
Onu. Kora Babisuɔtɔbi onu.
1Saate nwu lemuɔ, ɛɛtɛ eesiɛko katansa kafɔɔ,di Yaa loo okpoo kplɛ kamɛ, kobokote nɔɔ klekle nwu.2Kuɔlɛ onyu di katakalekɔ ninwu,kasɔ nwu kamuu suoto lɛyɔɔ.Fɛle Safon katakalekɔ petee ninle ni Sion Kobokote,Ɔka Kplɛ okpoo kplɛ nwu.3Yaa nsi di nwofakɔ nɔɔ kamɛ;eediki suoto nɔɔ eetuo alɛ ale nwɔ kɔba.4Obe wɔ di baka nwu lasiisa ni bakpɛtɛ lɛma,baataka ni kanya kanwii,5baanyɔɔ, ni di ɔfɔɔ lasifi ma nɛ;baatoso baasifi ku lɛyɛkɛ.6Ditũtũkũ lamufũ ma ninfa,fɛle ɔsanko wɔ nikɔkpɛ ni kolofo dibuo.7Faawɔɔsa ma fɛle Tarsis seklo kplɛdi kufĩ katunkɔ afɛɛfɔ lebibiɛ nii.8Fɛ mmle nwu buanu nii,nkpo kafɔɔ butɔɔnyadi Saate wɔ Ninlenke ni okpoo kplɛ nwu,di Yaa loo okpoo kplɛ nwu kamɛ nɛ:Yaa lɛbla nwɔ eewo anaa ni kaloo. Yila kɛɛkɛ9O Yaa, di olekatakɔ lɛfɔ kamɛmumbu disi di lɛbɔmbɔ lɛfɔ le ninaa ni kaloo suoto.10O Yaa, fɛle leyooto lɛfɔ,katansa lɛfɔ ndu kasɔ nwu nyɛntɛlekɔ;koletanɛɛ lɛfɔ leyii ku ɔsaabla tinini.11Sion Kobokote nnya suoto lɛyɔɔ,Yuda nkpayotũ nwu kɔpɔta lɛkanko lɛfɔ oso.12Sion binafu bifenfe, biɛkyɛ bikyi nwu,ka ayo takale nɔɔ,13bilolaa siyoyiɛ nɔɔ binyu,bienyu nwofakɔ nɔɔ nwu,alɛ biabuɛ sĩ mintɔkɔ ana ya nikɔwa ni.14Diekye Yaa wɔ mmle ninle Yaa loo anaa ni kaloo nɛ;abale wo nyuntɛ anaase bia kayɛntɛkɔ.The Seed Company