SINU38
Otii Wɔ Diobuo Ni Ɔlaa Ɔpɛ
Dawid onu. Ɔlaa ɔyɔ ɔtɛ di anu.
1O Saate, tansĩ ɔlaa faatɛɛ di ɔblɔ lɛfɔ kamɛee faananfi mi kootoko di lɛblɔfiɛ lɛfɔ kamɛ.2Diekye kɔtaa lɛfɔ ntootofo mi,kɔnɛɛ lɛfɔ kafɔɔ ntoosoo kutika mi di suoto.3Ta lɛblɔfiɛ lɛfɔ oso, suoto osie nsinnaa mi;akufi nii nnaa osiɛ ta sikpile nii oso.4Sikpile nii nlenke mi nnɛɛfɛle atoo ya niesii ni onutũ ku otuka.5Nkɔ nii ntoobuu diokpeteta sibuu nii sikpile oso.6Bɛɛwakosa mi kasɔ bɛɛtɛ mi kafɔɔ kaasɔ;nkyɛ kowi nkyi dii kufĩ kumu.7Kamaa nii lefila ku ninyinyi;osie kuonwii diesinsi di suoto nii kamɛ.8Ɔnyɛɛ ntooloo mi, ntoobibiɛ kafɔɔ wɔkyɔwɔkyɔ.ntuuni ta dibuo di otu nii kamɛ oso.9O Saate, abiesaa nii amuu nte temple di anu lɛfɔ;atuunii nii diele fɔ lewofasaa.10Otu nii kɔpɛ, ɔnyɛɛ koloo mi;bia anu nii dilosinya nwaa.11Basiɛwo nii ku baklopo nii ntoosĩ mi ta nkɔ nii oso;bawo nii nfɛ nsi fanfa.12Mba nkomiɛ ni kukpi nii lɛkyɔɔ sikũ lɛma,mba nimabla mi ni dikpile nkakatɛ di kawɔɔ nii suoto;bookũ kakyɔnkyɔ kanwumbe dii kufĩ kumu.13Nte fɛle tokotĩitɛ wɔ ninoonu nii,fɛle omumu wɔ ninoofuo ni kanya nɔɔ ɔbɛ;14Ntookple fɛle otii wɔ ninannu nii,nnwɔ kanya ninanfuo ni ɔlaa kanya odiki.15O Saate, nsoko fɔ;O Saate Yaa nii kamatuna.16Diekye labuɛ nlɛ, "Tanta suoto layɔɔ maee baatakatɛsa suoto lɛma katoo di suoto nii nse kɔkpaa nii lɛfɛntɛ.”17Diekye nfɛ komiɛ ɔnɔɔ,ninyinyi nii kafɔɔ lekple dikle mi.18Ntoodiki ɔtanlolaa ɔbla nii lebuɛ;okpile nii ɔbla lebuo mi suoto.19Mba ninle ni balo nii siene mpɔ;batii ba niekyidi mi ni kasakasa leloolo.20Mba niɛyɔ dikpile bɛɛtɛɛ ni dibiene nii kotombudi mi kanya nse ntikanko dibiene osuku.21O Saate, tandiɛ mi nnɛɛ;O Yaa nii, tankyo mi.22Wa wla fabakyakaako mi,O Saate, Dikitɛ nii.The Seed Company