SINU21
Katansa Diɛta Ni Lelenkee
Dawid onu. Kuɔta ni sinutuotɛ.
1O Saate, ɔka nwu nnya suoto lɛyɔɔ di osie lɛfɔ kamɛ.Mmle ɔɔnya ni suoto lɛyɔɔ kplɛ di lelenkee le fɛɛtɔɔ ni suoto!2Fɛɛbla otu nɔɔ dibiesaa fɛɛtɔɔfaasĩ nle di kanya nɔɔ lebuɛ ni ɔbla. Yila kɛɛkɛ3Fɛɛkyakako nwɔ ku lɛyɔɔ owii bieneni feetũkunsa nwɔ kafɔɔ koto sɛɛle nwaa lɛkakoto diisi nɛ.4Aakaalɛ fɔ alɛ tɔɔ nkpa, ni faatɔɔ-ayi kpinwu ya ninaa ni kaloo nɛ.5Diafe ni di lelenkee le faatɔɔ ni kamɛ, dibu nɔɔ lɛtaka katoo;sɛlɛ ku sɛka fɛɛyɔ fɛɛtɔɔ.6Nwaako fatɔtɔɔ lɛyɔɔ le ninaa ni kaloofɛɛtɔɔ ɛɛpɔ ku suoto lɛyɔɔ di anu lɛfɔ.7Diekye ɔka nwu ntika disi di Saate nwu suoto;diefe ni di Nnwɔ Niɛtaka Katoo Alenke ni lɛbɔmbɔ le ninaa ni kaloo kamɛɔlɔbatũkũ.8Kɔnɛɛ lɛfɔ mamufũ balo lɛfɔ bamuu;koletanɛɛ lɛfɔ mamufũ bakyiditɛ lɛfɔ.9Di obe wɔ fabadie nifababla ma fɛle ɔtɔ bembe.Saate nwu mamɛ ma di ɔblɔ nɔɔ kamɛ,ɔtɔ nɔɔ kafɔɔ mawɔɔsa ma.10Fabawɔɔsa banatii lɛma di kasɔ suoto,ku babi lɛma di batii kamɛ.11Kuntɛ boobu disi kpile di suoto lɛfɔ,beenyu kafɔɔ alɛ boole sikpile yi,blɔbafuo ɔbla;12diekye fabata ma mankple nkpaamaa,nse fɛɛnanfi kɔtaa fese di anu lɛma.13O Saate, takatɛ suoto ku osie lɛfɔ;bubasa sinu muntansa osie lɛfɔ nwu kafɔɔ.The Seed Company