SINU19
Yaa Lɛkpa Di Kayi Ɔbla Suoto
Dawid onu. Kuɔta ni sinutuotɛ.
1Osi kodiki Yaa lɛkpa ambuɛ;kolo koyie lɛkya di nnɛɛ nɔɔ ɔkpɛ ɔbla suoto.2Dii biala ndiki ɔlaa nɔɔ kumbuɛ;kakyɛ biala ndiki lɛsaatofo nɔɔ antuo.3Lɛkakatɛ ee ɔlaa kuonwii diedie,baanu ma ni sɛlɔ.4Kafɔɔ sɛlɔ lɛma ndie sindu kasɔ kamuu suoto,sɛlaa lɛma kafɔɔ ndu kayi nsekɔ.Ɛɛpɛ akpanta di osi ɛɛta kufĩ,5fɛle ɔkafɔɔsa nikodie ankye leyo nɔɔ anwa,fɛle osuɔtɔ siene wɔ niɛyɔ suoto lɛyɔɔ abatoso ni otoso nɔɔ.6Nintaka ninkye osi kayɛntɛkɔninkyi ninfe kayɛntɛkɔ bamba;lɛsalɛsaa ninwofa di difila nini kamɛ.7Saate nwu kufiofa lewo,kunkpee ninwuna ɔnyɛɛ.Disi otika nkpe di Saate nwu sɛlaa suoto,sinta abisɔnsaa bablatɛ ntofo lɛsaa.8Saate nwu asaa otuo nlɛ,anta otu suoto lɛyɔɔ.Saate afiofa kamɛ lɛkpa,anta anu nkpa.9Saate nwu lɛyɛkɛ lɛbla klekle,ninwɛ dinaa ni kaloo.Saate nwu mbla asaa di osuku kanyaamuu kafɔɔ lɛbla tinini.10Siefũ kɔya silenke koto sɛɛle,silenke ni bia koto sɛɛle nwaa;siɛmɛnɛmɛnɛ silenke bablɔ,silenke ni bablɔ kaflɛ.11Nsĩ ninsĩ ɔlaa kunta kpɛmblatɛ lɛfɔ nɛ;letota kplɛ nsi ninsĩ omufũ oklee kamɛ.12Owe nimafuo ɔtanlolaa ɔbla nɔɔ otofo?Yɔ sikpile nii se niewofa ni fakyɛ mi.13Blasa kpɛmblatɛ lɛfɔ kafɔɔ fakyeko sikpile se ɛɛtɛ fiɛ ɛɛbla ni suoto;tanta sĩ sialenkee mi.Ni ole kuonwii dilɔbawɛ mi di suoto,ni madie di sikpile kplɛ ɔbla kamɛ.14Ta kanya nii sɛlaa ku otu nii kamɛ obuodibuo anu di anu lɛfɔ,O Saate, Difuɔnkpaa nii ku Dikitɛ nii.The Seed Company