SINU17
Otii Wɔ Ninan-ye Nwu Ni Ole Ɔlaa Ɔpɛ
Dawid Ɔlaa Ɔpɛ.
1O Saate, nu lekoto otikiti tinini nii;nu kaku nii owi.Kyɔɔ ɔlaa ɔpɛ nii kotoko-diele sɛlaa ku afunu anyasibi kuokye.2Ta ɔlaa nii obudisa kukye ɔkyɛ lɛfɔ;ta anu lɛfɔ anya lɛsaa le ninlɛ ni.3Kuntɛ feewolaa otu nii kamɛ, feenyunyu mi kamɛ kafɔɔ ku kakyɛ,kuntɛ fɛɛsɔ mi feenyu yi, flɔbanya lɛsalɛsaa;lebuɛ letika difuɔ nlɛ kanya nii dilɔbabla okpile.4Di batii sɛsaabla kanya yi,di anyasibi lɛfɔ ɔlaa kanya yi,lɛblasa suoto niidi amumubablatɛ sisuku.5Nkpaa nii didiki lɛmufũ sisuku lɛfɔ sikle kpinkpĩ;nkpaa ni diɛfɛntɛ.6O Yaa, kɔlɛɛ fɔ, diekye fabatuna fantɛɛ;kyɔɔ ɔlaa nii kotoko faanu ɔlaa ɔpɛ nii.7Diki lɛbɔmbɔ lɛfɔ kplɛ le niɛbla ni ɔkpɛ fatuo,afɔ wɔ nin-yɔ ni koletanɛɛ lɛfɔfanfũ ni batii ba niɛtaniko fɔ ni di balo lɛma nnɛɛ.8Titĩi mi fɛ kunyunta di ninu lɛfɔ kamɛ;wofasa mi di afoko lɛfɔ kunyii kamɛ9diɛ batii kpile ba nikodieko mi ni,diɛ balo yakayaka nii ba niɛmana mi beekyi ni nnɛɛ.10Man-nya nyaami di situ lɛma kamɛ,nnya lɛma kafɔɔ mbuɛ sɛkantalaa.11Batootikanko nnafukpaa nii, nunua batɔɔmana mi beekyi,anu lɛma ntika di suoto nii, alɛ bɔɔpɛ mi kaasɔ.12Bate fɛle kyata wɔ di kɔka nkle ni ate ni kalà,fɛle kyata kplɛ wɔ nikɔnaayu ni di lewofa kamɛ.13O Saate, taka, dieko ma, faatɛ ma kaasɔ;fũ mi di batii kpile nnɛɛ ku kapamii lɛfɔ.14O Saate, yɔ kɔnɛɛ lɛfɔ fadiki mi di batii ba mmle nnɛɛ,di batii ba nintɔɔwɛ ni lele ma di nkpa kaayi ka mmle.Ta nfutu lɛma diyii ku asaa ya fesiisa fɛɛtɛ ma ni;ta babisuɔtɔbi lɛma bawɛ asaa balenkeesa,baabu asaa batɛ babi lɛma.15Kafɔɔ ami- kamanya fɔ anu di ɔsaabla tinini kamɛ;nse lɛsɛnkɛ, manya letembi lɛfɔ nwu suoto n-yɔɔ mi.The Seed Company