SINU14
Batii Amumu Ɔbla
Dawid onu. Kuɔta ni sinutuotɛ.
1Batii ba di asi nnaa ni mbuɛ di otu lɛma kamɛ alɛ,"Yaa kuonwii nnaa.”Batɔɔlalaa, ablasaa lɛma nle ayududusaa;kuonwii lɛma nnaa ambla ni dibiene.2Saate nwu nkpe di osi ɔɔnyabatii babisuɔtɔbi nwualɛ oonyu nse otii owo konu kasɔ,owo oowolaa ni Yaa.3Bamuu ntooyu osuku,bamuu lɛma batɔɔlalaa;kuonwii nnaa ɔɔbla ni dibiene,bia onwii pɛ nnaa.4Ni bakpileblatɛ dilaatekete lɛsaa diidii-mba ninwee ni batii nii fɛ mmle di batii nle ni bloblo,manansumu ni kafɔɔ Saate nwu?5Nfa di difu kplɛ kamapɛ ma nɛ,diekye Yaa nsiko ana ya nimbla ni asaa tinini.6Aye bakpileblatɛ biɔkpɔkpɔtɔsa bapiitɛ sisuku,kafɔɔ katanikokɔ lɛma ninle Saate nwu nfũ nɛ.7O, didiki nwu ninle ni Israel lele kamakye Sion ninwa!Nse Saate nwu lekplesa batii nɔɔ kayilakɔ ɛɛta yi,ni Yakob kamapɔ, Israel kafɔɔ kamanya suoto lɛyɔɔ!The Seed Company