SINU135
Katansa Onu
1Bitansa Saate nwu.Bitansa Saate nwu leyooto;aye bakpɛmblatɛ, bitansa nwɔ,2aye ba ninsumu ni di Saate nwu leyo,di Yaa loo leyo akpata nwu kamɛ.3Bitansa Saate nwu, diekye Saate nwu nlɛ;bisa sinu bitansa leyooto nɔɔ, diekye nni ninkpe ɔmɛnɛfɛ nɛ.4Diekye Saate ntoodiki Yakob alɛ ale ole nwɔ omu,alɛ Israel ale lɛsaawɛ nɔɔ.5N-ye nlɛ Saate nwu lemuɔ,Saate nwu lemuɔ alenke afiɔ amuu.6Saate nwu mbla nle ninlɛ nwɔ ni,di osi ku kasɔ,di lekpo ku nkyofokɔ nimi mmuu.7Anta alokonkyɛ ntaka ankye kasɔ nyɛntɛlekɔ;ankyesee ɔplalaa amunaa ku kantoanta kafɔɔ afɛɛfɔ nkye asaa nɔɔ katɛkɔ.8Nnwɔɔ nialo Egipte lelofo kasale babi,batii ku babɔkɛɛ alofo kasale babi nɛ.9O Egipte, aakyesee atuosaa ku sɛkpɛ nɔɔ se niɛbla ni ɔkpɛ di kamɛ lee,di Farao ku bakpɛmblatɛ nɔɔ suoto.10Aatɛ nnle kpinwu kaasɔaalo baka kplɛ-11Amori batii ɔka Sihon,Basan ɔka Ogku baka bamuu di Kanaan kasɔ-12ni aayɔ kasɔ lɛma aata fɛ atesaa,aale atesaa aata batii nɔɔ Israel nɛ.13O Saate, leyooto lɛfɔ nte dinaa ni kaloo,O Saate, babanyuma fɔ di ana amuu kamɛ.14Diekye Saate nwu kamata batii nɔɔ lɛbɛannya kafɔɔ bakpɛmblatɛ nɔɔ nyaami.15Nnle nwu afiɔ ninle koto fututu ku koto sɛɛlebɛɛyɔ batii nnɛɛ bɛɛbla nya nii.16Bakpe nnya, kafɔɔ bloofuo ɔkakatɛ,bakpe anu, kafɔɔ bloofuo ɔnya;17bakpe atoko, kafɔɔ bloofuo onu,ee banwuna kɔfɛɛfɔ di nnya lɛma kamɛ.18Mba niɛbla nya ni kamate fɛle mma,nkpo kafɔɔ dibate mba bamuu nietika nya ni disi nɛ.19O Israel leyo, bitansa Saate nwu;O Aron leyo, bitansa Saate nwu;20O Lewi leyo, bitansa Saate nwu,aye ba bamuu nin-yɛkɛ nwɔ ni, bitansa Saate nwu.21Baatansa Saate nwu niekye ni Sion,bata nnwɔ ninsi ni di Yerusalem.Bitansa Saate nwu.The Seed Company