SINU130
Ɔlaa Ɔpɛ Diɛta Ni Lɛkyakaako
Osuku bakyɛntɛ onu.
1O Saate, kakyofokɔ kamɛ kowi nlɛɛ fɔ,2O Saate, nu mi sɛlɔ.Ta atoko lɛfɔ ate kaayifaanu nyaami nii ɔnya kaku.3O Saate, nse fɛɛtɛ sikpile nsũ,O Saate, owe nikafuo oyila?4Kafɔɔ di ɔkyɛ lɛfɔ, ɔyɔ ɔkyɛ nkpe;nioso bɔɔyɛkɛ fɔ.5Nsoko Saate nwu, ɔkla nii nsoko nwɔ,ɔlaa nɔɔ kamɛ kafɔɔ nkpe osuku onyu nɛ.6Ɔkla nii nsoko Saate nwu,alenke mmle di asaa banyuntɛ nsoko ni olesɛ.alenke mmle di asaa banyuntɛ nsoko ni olesɛ.7O Israel, yɔ osuku onyu lɛfɔ fatika di Saate nwu suoto,diekye Saate nwu nfũ di lɛbɔmbɔ le ninaa ni kaloo nkpe,ɔkyɛ nɔɔ kafɔɔ di atoko ɔkyɛ ole omuomu nkpe nɛ.8Nnwɔɔ omu nimadiki Israeldi sikpile lɛma simuu kamɛ nɛ.The Seed Company