SINU105
Yaa Ku Batii Nɔɔ
1Bipɛ Saate nwu sɛfa, bilɛɛ leyooto nɔɔ;bidiki lɛsaa le ɛɛbla ni bibuɛ di nnle nwu kamɛ.2Bisa sinu bitɔɔ, bisa katansa sinu bitɔɔ;bibuɛ sɛsaabla nɔɔ se simuu niɛbla ni ɔkpɛ.3Binya suoto lɛyɔɔ di leyooto klekle nɔɔ kamɛ;bita mba situ ninwolaa ni Saate nwu bapɔ.4Bitika Saate nwu ku osie nɔɔ disi;biwolaa anu nɔɔ obe lele.5Binyuma atuosaa nwu aabla ni,sɛkpɛ nɔɔ se niabla ni ɔkpɛ ku akanko ya aabuɛ nii,6O Abraham kpɛmblatɛ nɔɔ banantii,O Yakob babisuɔtɔbi, bale nwɔ ba eediki ni.7Nnwɔɔ ninle Saate Yaa loo nɛ;akanko nɔɔ nkpe di kasɔ nwu kamuu.8Antoonyuma kanya ninii nɔɔ dinaa ni kaloo,ɔlaa nwu aabuɛ aatɛ ni ana kakpe,9kanya nwu aanii ni ku Abraham,ntam be aaka aata ni Isak.10Aatika nwu difuɔ aata Yakob fɛ kufiofa,aata Israel fɛ kanya ninii le ninaa ni kaloo:11Alɛ "Afɔ kamayɔ Kanaan kasɔ nwu ntafɛ kalekɔ ka fabale ni atesaa.”12Obe wɔ baale ni batii kafui,nwaako kafui ku bafɔɔ kafɔɔ baale ninka suoto,13baakyɛ baakyi, badie kaale baafe kale,baadie di sɛka kalekɔ kanwii baafe kabamba.14Atata kuonwii lanyinka ma;ta diisi lɛma oso aasĩ ɔlaa aata baka alɛ:15"Bitankpanko nnwɔ lɛpɛ ni ɔfɔɔ;tambla ɔlaa babuɛtɛtɛ nii dikpile.”16Aata kɔka lawa di kasɔ nwu suotokuabawɔɔsa alesaa nkyekɔ lɛma mmuu;17ni aakyesee osuɔtɔ onwii aale ma katũ nɛ-Yosef, baasunsũ ni fɛ ɔlanle.18Baafifielesa nkpaa nɔɔ ku anyɛnɛ,baayɔ abɔɔsaa baakpee nwɔ di simu,19dialaase di obe wɔ di ɔlaa wɔ aabuɛ ni lawa ni kaanya,dialaase di obe wɔ di Saate nwu ɔlaa lafũ nwɔ aakpee alɛ nwaako dile nii.20Ɔka nwu lakpee baalaadiki nwɔ,batii kanyayilatɛ nwu ladiki nwɔ di leyo katenkɔ.21Aayɔ nwɔ aabla saate di leyo nɔɔ batii suoto,kanyayilatɛ di asaa ya amuu niawɛ nwɔ ni suoto,22aatookpee banɔɔfotii nɔɔ atɔ fɛ mmle dilɛ nwɔ niiaatuo kafɔɔ banɔɔfo nɔɔ ninumbe.23Ni di Israel labuo Egipte nɛ;Yakob lasiɛ di Ham kasɔ suoto fɛ ɔfɔɔ.24Saate nwu lata batii nɔɔ lakpɛ̀ nwaa;aata ma baawɛ osie baata bakyiditɛ lɛma,25mba situ aabla alɛ bakyidi ni batii nɔɔ,alɛ bakũ ni kanwumbe di bakpɛmblatɛ nɔɔ suoto.26Aakyesee Mose kpɛmblatɛ nɔɔ,ku Aron, nnwɔ aadiki nii.27Baabla sɛkpɛ nɔɔ se niabla ni ɔkpɛ ablasaa di kamɛ lɛma,atuosaa di Ham kasɔ suoto.28Aakyesee ditunu aata kasɔ nwu kafɔɔ lawɔfɔ-diekye batataka baayila di sɛlaa nɔɔ suoto?29Aamunikĩisa ntu lɛma aabla ntɔ,diata kɔkpaku lɛma lakpi.30Kasɔ lɛma nwu layii ku basuaba niakyɛ ni kanyabayilatɛ lɛma atenyo kamɛ.31Aakakatɛ, ni di basunsũ sɛlambu lawa nɛ,kunikĩtĩ kafɔɔ di kale lɛma kamuu.32Aamunikĩisa kanto lɛma aabla atubɔbani,ku kanto omunaa di kasɔ lɛma kamuu;33aalalaasa nta awosobi lɛma ku abue awoso afeaafefee kale lɛma nwu awoso.34Aakakatɛ, ni di atroee ladie nɛ,atroee ya manamafuo ni ɔka;35laya lɛsaa kɔnle biala di kasɔ lɛma suoto,baaya kɔtɛ lɛma nwu asaa.36Ni aalo lelofo kasale babi bamuu di kasɔ lɛma suoto nɛ,sisuɔtɔ lɛma lelofo kasale bamuu.37Aakpaa Israel aadieko ku koto sɛɛle ku koto fututu,di ana lɛma kamɛ kuonwii ditakpɛkpɛɛ.38Egipte lanya suoto lɛyɔɔ di obe wɔ baasifi nii,diekye difu lapɛ ma ta Israel oso.39Aafukuti alokonkyɛ fɛ ditĩisaa,ɔtɔ kafɔɔ alɛ kuata ma ɔtɔ ku kakyɛ.40Baakaalɛ, ni aata ma nkyinkyinkpakala nɛ,aata ma kafɔɔ osi bloblo baale baamiɛ.41Aatikiti difuɔnkpaa nwu, ni di ntu lafɛ diadie nɛ;diabiɛ diafe di ɔfaafuu nwu fɛle okle.42Diekye aanyuma ɔlaa klekle nɔɔ wɔ aabuɛ aatɛalɛ abata ni kpɛmblatɛ nɔɔ Abraham.43Aakpaa batii nɔɔ aadieko ku lɛpɔ̀,batii nɔɔ ba aadiki ni ku suoto lɛyɔɔ;44aayɔ nnle nwu nsɔ aata ma,ni baale atesaa ya suoto diabuo ni batii bamba nɛ-45alɛ baakyɛ di sisuku nɔɔmanle kafɔɔ afiofa nɔɔ.Bitansa Yaa nwu.The Seed Company