YOSUA15
Kasɔ Ka Baata Ni Yuda
1Kasɔ ka baata ni Yuda kɔna di kafaabi, kafaabi kanya lasoo kaalaadu Edom, kaalaadu Sin Ɔfaafuu di kala-kasɔ kayɛntɛkɔ.2Kala-kasɔ kɔmɛ lɛma lakye kasɔ di lɛpanta di Mmba Lekpo kala-kasɔ kayɛntɛkɔ,3kuawaalɛ Akrabim Kobokote kuakple kualaadu Sin kuafe kualaadu Kades Barnea kala-kasɔ. Ninfɛ kuamunikĩi kuafe di Hesron kuakata kualaadu Adar ni kuakɛ kuakyi kualaadu Karka.4Ninfɛ kuafe kualaadu Asmon, kualaabuo di Egipte Kaklenyii, kualaayɛntɛ di Lekpo. Nkũ ninle kala-kasɔ kɔmɛ lɛma nɛ.5Kufĩ katunkɔ kɔmɛ ninle Mmba Lekpo kuɔlaadu bia nfũ di Yordan okle lekpee ni kanya di Lekpo.Katoo-kasɔ kɔmɛ lakye kasɔ di lekpo lɛpanta di nfũ di Yordan lekpee ni kanya di lekpo,6kuakata kualaadu Bet Hogla, ni kuakple kuafe di Bet Araba katoo-kasɔ kualaadu Ruben obisuɔtɔbi Bohan Difuɔ katũ nɛ.7Kɔmɛ nwu nfɛ lakye di Akor Ɔtaata, kuakata kualaadu Debir, kuamunikĩi kuafe katoo-kasɔ kualaadu Gilgal wɔ niɛkyɔɔ ni anu Adumim Kobokote kɔwɛ kala-kasɔ. Kuakple kuafe kuabadu En Semes ntu katũ, ni kuabadie di En Rogel nɛ.8Ninfɛ di kɔmɛ nwu lakata Ben Hinom Ɔtaata kuafe di Yebusi batii okpoo kplɛ kala-kasɔ kobokote lɛyɔnsa (nnwu ninle Yerusalem nɛ). Kɔmɛ nwu ladie ninfa kuakata kualaadu Hinom Ɔtaata kufĩ kamɛɛkɔ lekpenkpe nsintɛɛ di Refaim Ɔtaata katoo-kasɔ kayɛntɛkɔ.9Kɔmɛ nwu ladie di lekpenkpe nsintɛɛ kuakyɔɔ anu di Neftoa ntu kataakɔ, kuabadie di Efron Kobokote sekpoo nwu kuasoo kuasifi Baala (nfa ninle Kiriat Yearim nɛ).10Ninfɛ di kɔmɛ nwu lakɛ kuakye Baala kufĩ kamɛɛkɔ lɛkyɛ kuafe Seir Kobokote, kuafe di Yearim Kobokote katoo-kasɔ lɛyɔnsa (nkũ ninle Kesalon nɛ), kuakple kuasoo kualaadu Bet Semes kuawaalɛ kualaadu Timna.11Kɔmɛ nwu lafe di Ekron katoo-kasɔ lɛyɔnsa, kuamunikĩi kuakyɔɔ anu Sikeron, kuafe di Baala Kobokote ɔlɔɔkɔ kualaadu kafɔɔ Yabneel. Kɔmɛ nwu layɛntɛ di lekpo.12Kufĩ kamɛɛkɔ kɔmɛ ninle Lekpo Kplɛ lekpo kotoko nɛ.
N-ya mmle ninle amɛ ya niɛmana ni Yuda batii eekyi ni di nfaabi lɛma kanya nɛ.
Kaleb Lalenkee Hebron Ku Debir
13Di SAATE nwu ɔlaa wɔ aatɔkɔ nwɔ ni kanya, Yosua lata Yefune obisuɔtɔbi Kaleb kalekɔ di Yuda-Kiriat Arba, ninle ni Hebron. (Anak waawa niale Arba.)14Di Hebron yi, Kaleb latososa Anak batii batiɛ nwu- Sesai, Ahiman ku Talmai- Anak banantii.15Nfa di Kaleb ladie aakyɛ aalaakpɛko batii ba niasiɛ ni di Debir (saa baatɔɔlɛɛ nwu Kiriat Sefer).16Ni di Kaleb labuɛ alɛ, “Osuɔtɔ wɔ nimakpɛko ni Kiriat Sefer anfũ nwu nii yi, kamayɔ obisankobi nii Aksa ntɔɔ an-yɔ.”17Kaleb obilɛma-suɔtɔbi Kenas obisuɔtɔbi Otniel nialenkee nwu; nioso Kaleb layɔ obisankobi nɔɔ Aksa aatɔɔ aayɔ.18Dii ninwii, di ɔsanko nwu lakyɛ ni Otniel nfũ yi, ni aatɔkɔ Otniel alɛ akaalɛ ote Kaleb aatɔɔ kofe. Obe wɔ di Kaleb obisankobi nɔɔ lasoo ni di bɔkɛɛ nɔɔ wɔ nintuka ni atoo suoto, Kaleb lakaalɛ nwɔ alɛ, “Obe nimbla nta fɔ?”19Ni aatɔkɔ nwɔ alɛ, “Le mi sibualɛ finle. Fatɔɔtɛɛ ni kasɔ di Kalakasɔ lɛkyɛ yi, tɛɛ kafɔɔ ntu ntaakɔ.” Nioso Kaleb latɔɔ osi ku kalɔ ntu ntaakɔ.Sekpoo Se Baata Ni Yuda
20Nnya Yuda kɔna atesaa di kafaabi, kafaabi kanya:21Yuda kɔna kala-kasɔ kala sekpoo di Kalakasɔ diofe ni Edom kɔmɛ niale:Kabseel, Eder, Yager,22Kina, Dimona, Adada,23Kedes, Hasor, Itnan,24Sif, Telem, Bealot,25Hasor Hadata, Keriot Hesron, (ninle ni Hasor),26Amam, Sema, Molada,27Hasar Gada, Hesmon, Bet Pelet,28Hasar Sual, Beerseba, Bisiotia,29Baala, Iyim, Esem,30Eltolad, Kesil, Horma,31Siklag, Madmana, Sansana,32Lebaot, Silhim, Ain ku Rimon- diabla ekpoo afosi-anyɔ ɛnaasĩ ku sekpooenyii lɛma.33Di kufĩ kamɛɛkɔ akpenkpe nkpaa:
Estaol, Sora, Asna,34Sanoa, En Ganim, Tapua, Enam,35Yarmut, Adulam, Soko ku Aseka,36Saaraim ku Aditaim ku Gedera (ee Gederotaim)- lefosi ekpoo ɛna ku sekpooenyii lɛma.37Senan, Hadasa ku Migdal Gad,38Dilean, Mispa, Yokteel,39Lakis, Boskat, Eglon,40Kabon, Lahmas, Kitlis,41Gederot Bet Dagon, Naama ku Makeda- lefosi ekpoo ɛkuɔ ku sekpooenyii lɛma.42Libna, Eter, Asan,43Yifta, Asna, Nesib,44Keila, Aksib ku Maresa- ekpoo ɛnaasĩ ku sekpooenyii lɛma.45Ekron ku nsiɛkɔ nɔɔ be niɛmana nwu diekyi ni ku sekpooenyii nɔɔ;46di Ekron kufĩ kamɛɛkɔ ku sekpoo se simuu niawɛ ni di Asdod obo nwu ku sekpooenyii lɛma;47Asdod ku nsiɛkɔ ku sekpooenyii se niɛmana nwu siekyi ni; ku Gasa nsiɛkɔ ku sekpooenyii nɔɔ, kualaadu bia Egipte Kalenyii ku Lekpo Kplɛ kotoko.48Di akpenkpe kale yi:
Samir, Yatir, Soko,49Dana, Kiriat Sana (ninle ni Debir),50Anab, Estemo, Anim,51Gosen, Holon ku Gilo- lefosi okpoo onwii ku sekpooenyii lɛma.52Arab, Duma, Esan,53Yanim, Bet Tapua, Afeka,54Humta, Kiriat Arba (ninle ni Hebron) ku Sior-ekpoo ɛnaasĩ ku sɛkpoonyii lɛma.55Maon, Karmel, Sif, Yuta,56Yesreel, Yokdeam, Sanoa,57Kain, Gibea ku Timna- ekpoo lefosi ku sekpooenyii lɛma.58Halhul, Bet Sur, Gedor,59Maarat, Bet Anot ku Eltekon- ekpoo ekuɔ ku sekpooenyii lɛma.60Kiriat Baal (ninle ni Kiriat Yearim) ku Raba- ekpoo ɛnyɔ ku sekpooenyii lɛma.61Di ɔfaafuu:
Bet Araba, Midin, Sekaka,62Nibsan, Mmba Okpoo Kplɛ nwu ku En Gedi- ekpoo ekuɔ ku sekpooenyii lɛma.63Yuda ditafuo Yebusi batii ba niasiɛ ni di Yerusalem otososa; Yebusi batii nsi ninfa ku Yuda batii diɛbase miɛ wɔ mmle.
The Seed Company