YOSUA13
Kasɔ Ka Niekple Keebu Baakple Manfũ Nii
1Obe wɔ di Yosua ntoobe, atɔɔkyɛ ni sitũ di alɛɛ kamɛ yi, SAATE nwu latɔkɔ nwɔ alɛ, "Fatɔɔtɛ feebe, kasɔ ka kafɔɔ niɛtɛ kapɔ baafũ ni lekple kate.2“Nnya kasɔ ka niebu ni: Filisti batii ku Gesur batii nsɔ mmuu:3diɛyɔ ni di Sihor Okle di Egipte kufĩ katunkɔ diesifi ni Ekron kasɔ di katoo-kasɔ, baayɔ ma bamuu fɛ Kanaan batii (Filisti batii baka nwu banɔɔ kasɔ di Gasa, Asdod, Askelon, Gat ku Ekron- nka ninle ni Awi batii kale).4Diɛyɔ ni di kala kasɔ, Kanaan batii kasɔ nwu kamuu, diɛyɔ di Ara wɔ ninle ni Sidon batii kale diɛlaadu ni bia Afek ninle ni Amori batii kasɔ,5Gebal batii obo nwu; ku Lebanon omuu diɛlaadu ni kufĩ katunkɔ, diɛyɔ di Baal Gad di Hermon Kobokote kalɔ diɛlaadu ni Lebo Hamat.6“Mba bamuu ninle ni abokote nsɔ nwu basiɛtɛ, diɛyɔ ni di Lebanon diɛlaadu ni Misrefot Maim, ninle ni Sidon batii bamuu yi, ami omu kamatososa ma ndiki di Israel batii anu. Nyu nwaa falɛ fɛɛsɛ kasɔ ka mmle fɛɛta Israel diɛta ni atesaa, fɛ mmle lɛtɔkɔ fɔ nii,7faasɛ kasɔ nwu fɛ atesaa fata ana anaasĩ nwu ku Manase kɔna-kakyɛ nwu.”Yordan Kufĩ Katunkɔ Nwu Kasɔ Ɔsɛ
8Manase kɔna-kakyɛ nwu nyɔɔfa, Ruben batii ku Gad batii ntoofũ atesaa ya di Mose lata ma di Yordan kufĩ katunkɔ, fɛle nnwɔɔ, SAATE nwu kpɛmblatɛ niayɔ ka aata ma nii.9Kaadie di Aroer di Arnon Ɔtaata kotoko, kɛɛyɔ kafɔɔ di ɔtaata nwu okpoo ntɛɛ, di Medeba ɔtaata omuu nsi ni kaamɛ kɛɛlaadu bia Dibon,10ku Amori batii ɔka Sihon wɔ niale ni sɛka di Hesbon sekpoo simuu, diɛlaadu Amon batii kɔmɛ.11Gilead, Gesur batii ku Maakat batii kasɔ kafɔɔ nsi kaamɛ, ku Hermon Kobokote kumuu ku Basan omuu diɛlaadu bia Salka-12ninle ni Og sɛka kalekɔ kamuu di Basan, niale ni sɛka di Astarot ku Edrei, nnwɔɔ niabu fɛle Refait batii nwu onwii lɛma yɛntɛle nɛ. Mose lalenkee ma ni aayɔ kasɔ lɛma nwu nɛ.13Kafɔɔ Israel batii ditatososa Geshur ku Maakat batii, nioso beekple basi di Israel batii kamɛ diɛbadu miɛ dii le mmle.14Kafɔɔ atata Lewi kɔna nwu atesaa, diekye asaaɔta ya bɛɛta ni SAATE, Israel Yaa nwu ku ɔtɔ nle atesaa lɛma, fɛ mmle aabuɛ aatɛ nii.Kasɔ Ka Baata Ni Ruben Kɔna
15Nnya kasɔ ka di Mose lata ni Ruben kɔna, di kafaabi, kafaabi kanya:16Kasɔ ka niedie ni di Aroer di Arnon Kɔwɛ kotoko, kɛɛyɔ ni kafɔɔ di okpoo wɔ di kɔwɛ nwu ntɛɛtɛɛ, ku Medeba ɔtaata omuu17kɛɛlaadu Hesbon ku sekpoo se simuu di ɔtaata nwu, di Dibon ku Bamot Baal ku Bet Baal Meon,18Yahas, Kedemot, Mefaat,19Kiriataim, Sibma ku Seret Sahar di lekpenkpe di ɔtaata nwu kamɛ,20ku Bet Peor dile ni Pisga lɛyɔnsa nwu ku Bet Yesimot,21sekpoo nwu simuu di ɔtaata nwu ku Amori batii ɔka Sihon sɛka kalekɔ kamuu, nnwɔ niale ni sɛka di Hesbon. Mose lalenkee nwɔ ku Midian batii baka biibii ba ninle ni Ewi, Rekem, Sur, Hur ku Reba- baka nwu labla onwii ku Sihon- wɔ niasiɛ ni di kale nwu.22Diakyaakaa ni di mba baalo ni di kakpɛ kamɛ yi, Israel batii lalo Beor obisuɔtɔbi Bileam wɔ niale ni bɔmpɛtɛ ku kapamii.23Ruben batii kɔmɛ niale Yordan Okle kotoko. Sekpoo se mmle ku sekpooenyii lɛma niale Ruben batii atesaa di kafaabi, kafaabi kanya nɛ.24Nnya kasɔ ka di Mose lata ni Gad kɔna, di kafaabi, kafaabi kanya:25Yaser kasɔ ku Gilead sekpoo simuu ku Amon batii kale-kakyɛ dialaadu ni bia Aroer, ninkaako ni Raba;26diayɔ kafɔɔ di Hesbon dialaadu Ramat Mispa ku Betonim, diadie kafɔɔ di Mahanaim dialaadu Debir kasɔ;27di ɔtaata nwu kamɛ, Bet Haram, Bet Nimra, Sukot, Safon ku Hesbon ɔka Sihon sɛka kalekɔ bule (Yordan kufĩ katunkɔ lɛkyɛ, kasɔ ka ninte kɛɛlaadu ni Kineret Lekpo kayɛntɛkɔ).28Sekpoo se mmle ku sekpooenyii lɛma niale Gad batii atesaa di kafaabi, kafaabi kanya nɛ.29Nnya kasɔ ka di Mose lata ni Manase kɔna-kakyɛ, ninle ni Manase banantii leyo kamɛ kakyɛ, di kafaabi, kafaabi kanya:30Kasɔ nwu niedie ni di Mahanaim di Basan omuu nsi ni kaamɛ, Basan ɔka Og sɛka kalekɔ kamuu- Yair nsiɛkɔ mmuu di Basan, sekpoo afosi-akuɔ,31Gilead kakyɛ ku Astarot ku Edrei (Og ɔka sekpoo kplɛ di Basan). Nka mmle niale Manase obisuɔtɔbi Makir banantii kale nɛ- kale ni Makir babisuɔtɔbi kakyɛ kasɔ di kafaabi, kafaabi kanya nɛ.32Nle mmle ninle atesaa ya di Mose lata ni di obe wɔ aawɛ ni di Moab sɛtaata diafe ni di Yordan di Yeriko kufĩ kamɛɛkɔ nɛ.33Kafɔɔ Mose ditata Lewi kɔna atesaa kuanwii; SAATE, Israel Yaa ninle atesaa lɛma fɛ mmle aabuɛ aatɛ ma nii.The Seed Company