YOB7
1“Diele ɔkpɛ siene kamɛ di otii nsi di kasɔ ka mmle suoto?Diele ayi nɔɔ ote ate fɛle kpɛntɛ wɔ bɛɛta ni ɔkpɛ ale?2Fɛle ɔlanle wɔ nikonyu ni osuku anta ni kɔtɔɔfɔ kunyii,ee fɛle kpɛntɛ wɔ ninsoko ni kɔkpɛnto nɔɔ yi,3nkpo bɛɛtɛɛ awɛntɛ ya ninaa ni lɛsalɛsaa nɛ,kakyɛ biala kafɔɔ bɛɛtɛɛ dibuo.4Nse lɛklɛlete mbu disi nlɛ, ‘Ɔmɛmbe kamataka?’Kakyɛ nwu nkaana, mpɛ mmumunikĩi ninaase di kolesɛtũ.5Suoto nii letĩi ku akukudi ku apa,suoto sina nii lɛbɛbɛɛ, siosoo ntu.6“Ayi nii kɔpɛ sɛwa anlenkee abula losotɛ oklo,anloo kafɔɔ di osuku onyu kuonwii ninwɛ nii.7Oo Yaa, nyuma falɛ nkpa nii, owiidi kule;anu nii dilɔbasinkple anya suoto lɛyɔɔ diidii.8Anu ya nin-nyɛɛ ni dilɔbasinnyɛɛ;bibawolaa mi, kafɔɔ namasinwɛ.9Fɛ mmle di lelokonkyɛ n-yɛ, ninsifi ni yi,nkpo di otii wɔ ninsoo ansifi ni ɔkya kamɛ ninsinkple aawa nɛ.10Ɔlɔbasinkple awa leyo nɔɔ diidii;kasiɛkɔ nɔɔ kafɔɔ dilɔbasintofo nwɔ.11“Nkpo oso namalo kanana;kamakakatɛ di dibuo nii ninwuna kamɛ,kamabuɛ ɔlaa di ɔklá nii ninyinyi kamɛ.12Ami ninle lekpo, ee bɔkɛɛ kplɛ di kakyofokɔ nwu,alɛ faayɔ mi fankpee di kanyu kalɔ?13Nse lenyu nlɛ atensaa nii kamakpee mi kɔnɛɛ kaafutu,di asiɛle-yɔɔle nii kafɔɔ kamakɔkɔlɛ ɔlaa nii,14bia mianwu nfɛ fanyɛkɛsɛɛ ku alaafɔ,fankpee mi kafɔɔ difu ku odiki otuo nɛ,15nioso simu omiina ku kukpi nlɛ mi,dilenke suoto sina nii se mmle.16Lekyidi nkpa nii; namasiɛ nkpa dinaa ni kaloo.Diɛ mi lete nii; diekye ayi nii nnaa lɛsɔdiki.17“Obe ninle otii, alɛ fambu nwɔ disi nkpo,alɛ faakyɔɔ nwɔ atoko nkpo,18alɛ fanyunyu nwɔ olesɛ biala,fansɔ nwɔ kafɔɔ fanyu obe biala?19Flɔbadiɛ mi nnɛɛ diidii,ee bia kuntɛ obe kakui?20O batii nyuntɛ,nse lɛbla okpile, obe lɛbla fɔ nɛ?Obe oso fɛɛbla mi anu lɛfɔ ditikasaa?Ntookple atoo lɛta fɔ?21Obe oso fanaayɔ ɔtanlolaa ɔbla nii fakyɛ,faayɔ kafɔɔ sikpile nii fakyɛ mi?Diekye kanunua nfɛ kamate di kudu kamɛ;Fabawolaa mi, kafɔɔ namasinwɛ.”
The Seed Company