YOB35
1Ninfɛ di Elihu labuɛ alɛ:2“Feenyu falɛ nle mmle nlɛ?Foobuɛ falɛ, ‘Yaa kamatɛɛ mbla tinini.’3Kafɔɔ fɛɛkaalɛ nwɔ falɛ, ‘Lɛmɛmbiene dile diɛtɛɛ,obe kafɔɔ kamawɛ di sikpile ɔtambla kamɛ?’4“Komiɛ nlɛ kodiki kanya nta afɔku basiɛwo ba di ɔkyɛ lɛfɔ.5Takatɛ anu fanyu osi faanya;nyu alokonkyɛ ya niɛtaka katoo alenke fɔ ni.6Nse fɛɛbla okpile, lɛ di nnwu kukpanko nwɔ?Nse sikpile lɛfɔ mpɔ, obe di nnwu kubabla kuntɔɔ?7Nse fate tinini, be fantɔɔ,ee be anfũ ankyeko nnɛɛ lɛfɔ?8Otii fɛle suoto lɛfɔ okle lete di sikpile lɛfɔ ole nfuo,ɔsaabla tinini lɛfɔ kafɔɔ batii babi lete suoto.9“Batii n-wi di atoo ya ninyinka ma ni kalɔ;mantikiti lekoto alɛ bafũ ma bakyeko kɔnɛɛ siene nwu kamɛ.10Kafɔɔ kuonwii ninkaalɛ alɛ, ‘Ɔfɛ di Yaa, Blatɛ nii nkpe,nnwɔ ninta ni sinu ku kakyɛ,11antuo wo ni asaa anlenkee ni mmle antuo ni babɔkɛɛ ba kaasɔ suoto,anta wo mumbe ni anu munlenkee ni bakansiɛ ba di kɔfɛɛfɔ?’12Anntuna kanya, nse batii lewi bɛɛlɛɛ Yaa,ta batii kpile suoto katoo ɔtakatɛsa oso.13Nwaako, Yaa ninnu lekoto fukuti lɛma nwu;Nnwɔ Ninlenke ni ninkyɔɔ ni atoko.14Nle niɛpa ni mbi difuɔ dilenke ni ninle alɛ, abanu,nse feebuɛ falɛ faanyɔɔ,ni ɔlaa lɛfɔ nte di anu nɔɔ,ni dikpeni kafɔɔ feesoko nwɔ,15diɛkyakaa nii, alɛ diidii ɔblɔ nɔɔ ninnanfi kootoko,ni kafɔɔ anntofo sikpile se oole nii.16Nioso Yob mbɛ kanya nɔɔ ku lɛkakatɛ fukuti;aakyakaa sɛlaa kpinwu di lɛsaatofo diesi ni kaamɛ.”
The Seed Company