YOB3
Yob Labuɛ Ɔlaa Nɔɔ Aatɔkɔ Yaa
1Di nle mmle sɛmaa, Yob labɛ kanya nɔɔ aakpaani dii le baalofo nwɔ nii.2Aabuɛ alɛ:3“Ta dii le beelofo mi ni diwɔɔ,ku kakyɛ ka, baabuɛ ni alɛ, ‘Beelofo ni osuɔtɔbi!’4Dii nwu nkpo- ta dikple ditunu;ta Yaa wɔ katoo atan-yɔ nwu ole niini suoto;tanta lɛkpa kuninwii lakpa diakpete ni.5Ta ditunu ku kunyii kplɛ dikple difũ ni;ta alokonkyɛ asiɛ nini suoto;ta lɛwɛɛfɛɛ dikpee lɛkpa nini difu.6Kakyɛ nwu nkpo- ta ditunu kplɛ difũ ni;tanta ni diakyakaa di alɛɛ ayi kamɛee bayɔ bakpee di kɔwɛntɛ kukunwii kamɛ.7Ta kakyɛ nwu kabla ɔlɛma;tanta baanu suoto lɛyɔɔ kudú di kakyɛ nwu.8Ta batii ba ninkpaani ni ayi bakpaani dii nwu,mba nielolaa suoto alɛ bɔɔsɛnkɛsa ni Lefiatan. 9Ta olesɛ awɛntrɛbi nini akple ditunu;ta ni disoko dii lɛkpa kasakasaatannya kafɔɔ kolesɛtũ afintoree kasale,10diekye ditasɛɛ olofofɔtɔ kayoko di suoto niialɛ aawofasa dibuo nwu di anu nii.11“Obe oso nintakpi di obe wɔ latoodie ni di olofofɔtɔ kamɛ,nin-wɔɔ kafɔɔ di kalofokɔ?12Obe oso di atĩ lawɛ alɛ aatika miku anyɛɛ alɛ aatɛɛ nnyɛɛfu?13Nse kanunua nfɛ nte di atoko ɔkyɛ ole kamɛ;nse nfɛ nte kɔkyɔsĩi ntɛ ɔnyɛɛ14ku kasɔ ka mmle baka ku asibubatatɛ,ba niatofo ni ayo ya nintɔɔwɔɔ ate ni kanunua baata ni suoto lɛma,15ku batunletɛ ba ninkpe ni koto sɛɛle,bɛɛyɔ koto fututu beeyiisa ni ayo lɛma.16Ee obe oso batawofasa mi kaasɔ fɛle difutu die obi,fɛle obifɔɔle wɔ ninadinya ni lɛkpa diidii?17Nfa di bakpiletɛ ndiɛ dibuɛkpee nɛ,nfa kafɔɔ di mba ditoobuo ni kɔtɛ ɔnyɛɛ nɛ.18Ayo batentɛ kafɔɔ nwɛ suoto lɛyɔɔ lɛma;mansinnu balanle nyuntɛ lɛfafaa.19Babisɔ ku banɔɔfo nkpe ninfa,ɔlanle kafɔɔ ntoofũ suoto osiɛko di saate nɔɔ ɔkyɛ.20“Obe oso bɔɔta mba diebuo ni lɛkpa,manta kafɔɔ sɛkla se di kayi nkpe ni osie nkpa,21di mba nikomiɛ ni kukpi fiɛ kunɔɔwa ni,manwolaa ni kukpi manlenkee ni lɛsaawɛ le beekookaa ni,22di lɛpɔ̀ n-yii ma ni kamɛ pɔmannya ni suoto lɛyɔɔ nse beebuo di ɔkya kamɛ?23Obe oso manta otii wɔdi osuku nɔɔ lewofa ni nkpa,nnwɔ di Yaa lekpee kɔba eekyisa ni?24Diekye anwununuu ninwa mi, di alesaa kanya;atunii nii kodie fɛle ntu.25Lɛsaa le kɔyɛkɛ ni nintɔɔwa di suoto nii;lɛsaa le ninkpee mi ni difu nintɔɔbla mi nɛ.26Nnaa atoko ɔkyɛ ole, osiɛ kloklo nnaa;nnaa ɔnyɛɛɔtɛ, kafɔɔ dibuo lete.”The Seed Company