YOB18
Bildad Kanya Didiki Nyɔɔfa
1Ninfɛ di Bildad, Suhi otii nwu ladiki kanya alɛ:2“Ɔmɛmbe fabaloo lɛkakatɛ le mmle?Be anu, ni bubafuo ɔkakatɛ.3Obe oso boonyu wo fɛ banankyuefɔɔnya wo babuutɛ kafɔɔ di anu lɛfɔ?4Afɔ wɔ niabɛbɛɛ ni suoto lɛfɔ kɔkyɛɛkɔkyɛɛ di ɔblɔ kanya,badiɛ kasɔ kate ta afɔ oso?Sɛɛ bakpakpaa afuɔnkpaa di aba ninya?5“Beeniisa kpiletɛ kandiɛ;ɔtɔ nɔɔ wɔ nikofiɛ ni ndiɛ ɔfiɛ.6Lɛkpa le di akpanta nɔɔ kamɛ nkple ditunu;kandiɛ wɔ di ɔlɔɔkɔ nɔɔ nnii.7Akpaakyala nɔɔ nwu siene ntookpiɛkpiɛ;nnwɔɔ omu nɔɔ ablasaa nimpɛ nwɔ kaasɔ.8Nkpaa nɔɔ ninkpee nwɔ di asawu kamɛni ankpa ambuo di sikũ kamɛ nɛ.9Okũ ndiki nwɔ di lɛnankpo;dikyĩ mmufũ nwɔ wla.10Bɛɛkyɔɔ nwɔ ɔkpaakũ kaasɔ;okũ kafɔɔ nte di nkpaa osuku nɔɔ.11Lɛyɛkɛ mmufũ nwɔ di ɔfankyi bialaninkusa nintikanko nnafukpaa nɔɔ biala.12Kɔka oso ɔnyɛɛ nsinnaa nwɔ;ɔlaa nte kusoko nwɔ nse ɛɛpɛ kaasɔ.13Ɔfiɛ ntoole suoto nɔɔ kukũ aba awo;kukpi obi kasale ntɔɔlalaasa sɛfankyi nɔɔ.14Beediki nwɔ di akpanta nɔɔ kasiɛkɔ nwuni bɛɛkpaa nwɔ bɛɛwako ɔka yɛkɛle nwu ɔkyɛ nɛ.15Ɔtɔ nfiɛ di akpanta nɔɔ;bɛɛsamiisa amã kpankpa beekpete di kasiɛkɔ nɔɔ.16Sidu nɔɔ ntookoso di kasɔ kamɛsɛla nɔɔ kafɔɔ ntɔɔyɔɔ di osi.17Onyuma nɔɔ kafɔɔ ntɔɔyɛ di kasɔ suoto;asinnaa leyooto di kasɔ suoto.18Beetososɔɔ di lɛkpa kamɛ bɛɛwako ditunu kamɛbeetukusɔɔ beediki di kayi ka mmle kamɛ.19Anaa babi ee banantii di batii nɔɔ kamɛ,kuonwii diebu asi nkpa di lɛba le atodisiɛ nii.20Diɛbla kufĩ kamɛɛkɔ batii ɔkpɛ di suoto nɔɔ;lɛyɛkɛ lemufũ kufĩ katunkɔ batii.21Nwaako nkpo di otii kpile kasiɛ nte nɛ;nkpo di otii wɔ ninan-ye ni Yaa kasiɛkɔ nte nɛ.”The Seed Company